Makreste ya mannete ma karakara ka matla gore ma sa lisetse selo kela motho a šehlollanya senghana sa wona le Jehova. A re kamake gore le wene o tikwa ka mokgonone. Mo o tshepega ga Jehova, tsotsone o di tseyela gedimo ka matla. (Bala 1 Dikoronika 28:9.) Ke seyemo sa mošaga mang so se ka liketsang taba ya gore wa tshepega ga Modimo, fote o ka se hlula byang?

1. Ba bangwana ba ka maka byang gore re sa sa tshepega ga Jehova?

Batho ba bangwana ba ka liketsa ka matla gore ba re lisise go berekela Jehova. Ke bomang bo ba ka makang tsotsone? Ba bangwana ba gore ba lisetsiye go berekela Jehova ba ka bolabola matsaka ka mokgahlo wa Modimo gore ba kwaletse tumelo ya rune. Batho bone ba re ke ba go kgeloga. Fote baruti ba bangwana ba sabalatsa ditaba tsa matsaka ka rune gore ba thogo fokola ba gore a baa ntsha maahlo dikwakweng gore ba sa sa berekela Jehova. Re ko ba re kgana ka mollo mo re bolabola le ba go re phigisa, re bala dipuku tsa bona le go kena ga diwepsayete tsa bona kela re lebelela dividiyo tsa bona. Mo Jeso a bolabola ka bo ba gore ba liketsa ka matla gore ba kgongwetse ba bangwana ga taba ya go berekela Jehova ka go tshepega, o yitseri: “Ba lisetseneng ba kwate. Ba yetetsa ba bangwana ba kene ba popele maahlo. Mo motho wa go popela maahlo a yetetsa motho ye mongwana wa go popela maahlo, ba nyoko goromela sekoting ba le ka babedi.”—Matewu 15:14.

Re ka re king mo ye mongwana wa gore re mo tlwayele a re yene aa sa nyaka go ba Hlatse ya Jehova? Nnete di ka re kwisa go baba mo motho wa gore re thina ka matla naye a ka maka tsotsone. Motho yene o ko ba a maka gore re kgete gage le Jehova gore re nyaka mang. Di nyaka re ganye di tiya gore re dule re tshepega ga Modimo ke mokane re šiye dilo ka mokana ga tsona nthago. (Matewu 10:37) Byalo, re theetsela Jehova, a re nghanelane le batho ba mošaga wonone.—Bala 1 Makorente 5:11.

2. Ke dipheto difeng tso di ka liketsang gore ga Jehova re tshepega go segela kaye?

Mo ga Jehova re mo nyaka ka matla, o ka sa kraye re fo tlungwelanya ga dilo tso di makang ke dikereke tsa matsaka. Byalo, a di nyake mebereko ya rune, mekgahlo kela tso re tijabodisang ka tsona di šagelana le ka go twii le dikereke tsa matsaka. Jehova o re pasopisa ka gore: “Tšwaneneng [Bhabhilona ye Mogolo], lune batho baka.”—Kutullo 18:2, 4.

 KENELELA

3. O pasope bo ba go tšhutisa matsaka

Di nyaka re titshwara byang mo re ka fo kwa tsa gore a di gabutši ka mokgahlo wa Jehova? Bala Diyema 14:15, ke mokane le petapete ka putsiso yowa:

• Ke ntaba di nyaka re pasope taba ya go fo tshepa se sengwana le se sengwana so re se kwang?

Bala 2 Johane 10, ke mokane le petapete ka diputsiso tsowa:

• Di nyaka re ba tshwara byang bo ba go kgeloga?

• Le mo re sa nape re bolabola le bo ba go kgeloga re lebeletsanne nabo ka difahlego, tso ba di tšhutisang di ka re kraya byang?

• Mara Jehova a ka re king mo a re bona re yemisiye ditsebe re theetsele mo ba mo sinya lebitso kela ba psyirelanya mokgahlo wage ka matsaka?

4. O sa lisetse go tshepegela Modimo le mo mogageru a sinnye ka matla

Mo re ka di kwelela tsa gore ye mongwana ka ho phutegong o sinnye ka matla, di nyaka re make ying? Nagana gore ke tšhiko yifeng yo yi leng ga Molawo wo Modimo a wo neyyeng Maisrayele ya ku botala. Bala Lefitiko 5:1.

Temanyana yowa yi yi beya lekgwaying taba ya gore mo ye mongwana a sinnye ka matla, di nyaka re botse bagolo so re se tšibang. Di gabutši ka matla gore o sa tabogele ga bagolo o soko bane o bolabola le mong wa ditaba gore a ye a hlaye so a se sinnyeng ka boyene mong. Mo a fo re o nyoko ya ga bagolo mara a sa yi, rune di nyoko re tšhofa gore re ye ba botseng ka taba la gore re ya tshepega ga Jehova. Mo re maka ka mokgonone, re ko ba re šupetsa byang gore re ya tshepega ga . . .

• Jehova Modimo?

• motho ye a sinnyeng?

• ba bangwana ka ho phutegong?

 5. Kganela kgole le Bhabhilona ye Mogolo

 MONOPO

Mo re nyaka go dula re tshepega ga Jehova, di nyaka re sa nghanelane le batho ba gore a ba tshepege gage. Fote di nyaka re tšwa ka go felegelela ga dikereke tsa matsaka.

Tigopotse

• Ke ntaba di sa nyake re lebelela, re bala kela go theetsela tso di bolabolang ke ba go kgeloga?

• Bo ba gore a ba sa di nyaka go ba Dihlatse tsa Jehova, di nyaka re ba tshware byang?

• Re nyoko maka byang go šupetsa gore re theetsela taba ya gore re tšwe ga dikereke tsa matsaka?