Akhristu oona salola ciliconse kapena aliyense kusokoneza kulambila kwawo Yehova. Mwacidziŵikile, inunso n’cimodzimodzi. Yehova amakukondani cifukwa ca kukhulupilika kwanu. (Ŵelengani 1 Mbiri 28:9.) Kodi ni zocitika ziti zingakuikeni pamayeso pa nkhani ya kukhulupilika, ndipo mungathane nazo bwanji?

1. Kodi anthu ena angakuikeni bwanji pa mayeso cifukwa ca kukhulupilika kwanu kwa Yehova?

Pali anthu ena amene adzafuna kutisiyitsa kutumikila Yehova. Kodi amenewo angakhale ndani? Ena ni aja amene anasiya coonadi ndipo amanena mabodza ponena za gulu la Mulungu kuti awononge cikhulupililo cathu. Amenewo amachedwa ampatuko. Palinso atsogoleli a zipembedzo, amene amafalitsa mabodza n’colinga cakuti ena osakhwima kwenikweni asiye coonadi. Tiyenela kusamala kuti anthu otsutsa amenewo tisamakambilane nawo, kapena kuŵelenga mabuku awo, kapenanso kupita pamawebusaiti awo, ngakhalenso kutamba mavidiyo awo. Ponena za anthu amenewo ofuna kulefula anzawo pa kutumikila Yehova, Yesu anati: “Alekeni amenewo. Iwo ndi atsogoleli akhungu. Cotelo ngati munthu wakhungu akutsogolela wakhungu mnzake, onse aŵili adzagwela m’dzenje.”—Mateyu 15:14.

Koma bwanji ngati munthu amene timadziŵana naye wasankha kusiya mpingo wa Mboni za Yehova? Cimakhala cinthu copweteka mtima kwambili ngati munthu amene timakonda wacita zimenezi. Munthu ameneyo angatipangitse kuti tisankhe pakati pa iye na Yehova. Koma ife tiyenela kusankha kukhalabe wokhulupilika kwa Mulungu, osati kwa munthu wina aliyense. (Mateyu 10:37) N’cifukwa cake timamvela lamulo la Yehova lakuti tizipewa kuceza na anthu otelowo.—Ŵelengani 1 Akorinto 5:11.

2. Kodi zisankho zimene timapanga zingaonetse bwanji kuti ndife okhulupilika kwa Yehova kapena ayi?

Ngati timam’kondadi Yehova, tidzapewa kucita ciliconse cokhudzana na kulambila konyenga. Nchito imene timagwila, kaya kampani imene timagwilako nchito, kapena gulu lililonse limene timagwilizana nalo, lisakhale la cipembedzo conyenga. Ndipo tisapezeke m’zocita zilizonse zokhudzana na cipembedzo conyenga. Yehova amaticenjeza kuti: “Tulukani mwa iye [m’Babulo Wamkulu] anthu anga.”—Chivumbulutso 18:2, 4.

 KUMBANI MOZAMILAPO

3. Cenjelani na aphunzitsi onyenga

Kodi tiyenela kucita bwanji anthu ena akamakamba zoipa ponena za gulu la Yehova? Ŵelengani Miyambo 14:15, na kukambilana funso ili:

• N’cifukwa ciyani tiyenela kusamala kuti tisamakhulupilile ciliconse cimene tamva?

Ŵelengani 2 Yohane 10, na kukambilana mafunso aya:

• Kodi ampatuko tiyenela kucita nawo motani?

• Olo kuti tisakambilane nawo mwacindunji, kodi ni njila zina ziti zimene tingakhalile tikumvetsela ziphunzitso zawo?

• Kodi muganiza Yehova angamve bwanji ngati timvetsela zoipa zimene zikukambidwa ponena za iye kapena gulu lake?

4. Khalanibe wokhulupilika kwa Mulungu pamene m’bale wacimwa

Tikamva kuti winawake mumpingo wacita chimo lalikulu, kodi timakhalapo na udindo wotani? Ganizilani mfundo iyi ya m’Cilamulo ca Mulungu, imene iye anapeleka kwa Aisiraeli akale. Ŵelengani Levitiko 5:1.

Monga atilangizila pa lemba limeneli, tikadziŵa kuti munthu wina wacita chimo lalikulu, tiyenela kuwadziŵitsa akulu. Koma tisanatelo, kudzakhala kukoma mtima kumulimbikitsa wolakwayo kuti apite yekha kwa akulu kukaulula chimo lake. Ngati iye sakucita zimenezo, cikhulupililo cathu mwa Yehova ciyenela kutipangitsa kukawauza akulu zimene tikudziŵapo. Kodi kucita zimenezi kumaonetsa bwanji kuti ndife okhulupilika . . .

• kwa Yehova Mulungu?

• kwa munthu amene anacimwayo?

• kwa ena mumpingo?

 5. Khalani naye kutali Babulo Wamkulu

 CIDULE CAKE

Kuti tikhalebe okhulupilika kwa Yehova tiyenela kupewa kumaceza na anthu osakhulupilika kwa iye. Tiyenelanso kudzilekanitsa kothelatu ku cipembedzo conyenga.

Mafunso Obweleza

• N’cifukwa ciyani sitiyenela kutamba, kuŵelenga, kapena kumvetsela maganizo a ampatuko?

• Kodi tiyenela kucita nawo motani aja amene sakufunanso kukhala Mboni za Yehova?

• Kodi tiyenela kucita ciyani kuti tilabadile cenjezo lakuti tithaŵemo m’cipembedzo conyenga?