Ilele Kristi inyenana i vwo omwemẹ rẹ aye ina ja lẹrhẹ emru yanghene ohworho owuorowu rhiẹ ukọ rẹn ogame aye a ha rẹn i Jehova. O vwo ẹfro-o, omaran ọ ji havwọ ha wẹn. Jehova o ni atamwu ọnọ ghanghanren. (Se 1 Chronicles 28:9.) Erhirhiẹ ego yi na sabu damu atamwu wu vwo kpahiẹn ni, marhẹ wu ne ru sabu fi aye kparobọ?

1. Marhẹ awọrọ ine ru sabu damu atamwu ọwan kpahen i Jehova?

Ihworho ezẹko ina sabu damoma rẹ aye ina dobọ ogame ọwan a ha rẹn i Jehova ji. Ayọmo yi na sabu ruie? Ihworho ezẹko ri nẹ ukoko na ne, a mọrenfian baren ukoko Osolobrugwẹ neneyo aye i sabu ghwọghọ esegburhomẹmro ọwan. E se aye inyikọ efian. Habaye, ilori ẹga ezẹko a mọrenfian barẹn ọwan, neneyo eri vwe rhe taghene aye a mọrenfian, i se nẹ urhomẹmro na. Emru imwofẹn orhianẹ ọwan a frẹfro rhẹ era kparahaso ọwan, se ẹbe aye, yanghene riẹ iwẹbsaiti aye, yanghene tobọ ni ividio aye dede. Sekpahen ihworho ra damoma rẹ aye ina lẹrhẹ awọrọ ja ga i Jehova, Jesu nọ tare: “Are i nyajẹ aye vwo. Aye ituẹro re suẹn ituẹro. Omarana, orhianẹ otuẹro o suẹn otuẹro ọrọrọ, aye awanva ine se rhẹ ọgọdọ.”—Matthew 15:14.

Ohworho rẹ ọwan i rheri orho brorhiẹn taghene ọrhọ guọlọ rhiẹ owuọwan usuẹn Iseri Jehova vwo? Ohworho rọ kẹrerẹ ọwan orho ru omaran, ẹhẹn ọwan ọnọ sabu seriotọre omamọ. Ọravwọ ọnọ sabu lẹrhẹ ọwan djẹ sẹ ana sẹrorẹ atamwu ọwan kpahiẹn yanghene i Jehova. Ene vi vwo omwemẹ ra na sẹrorẹ atamwu ọwan kpahen Osolobrugwẹ ọvo. (Matthew 10:37) Omarana, na huvwele i Jehova nyoma ra kẹnoma rẹn aruẹ ihworho erana.—Se 1 Corinthians 5:11.

2. Orhienbro omobọ ego yi na sabu damu atamwu ọwan kpahen i Jehova?

Ẹguọlọ re vwo kpahen i Jehova ono mwu ọwan je rhe kwomakugbe ẹga efian. Omarana, o fo nẹ owian ọwan yanghene ikoko ra havwọ, yanghene kemru kemru re ruẹ, o surhobọmwu ẹga efia-an. Jehova ọ yẹrẹ ọwan orhetio ọnana: “Are i zẹ nẹ uvuien rhe [nọyẹ, Babylon Rode na], ihworho mẹ.”—Revelation 18:2, 4.

 YONO KODO RHỌ

3. Kẹnoma rẹn ere yono awọrọ iyono efian

Me ye ne ruo, erhe rhon iyẹnrẹn esọsọ kpahen ukoko i Jehova? Se Proverbs 14:15, orho ru, are i gba kpahenrhọ onọ ọnana:

• Mesoriẹ ọwan a jomarhotọre ne je rhe vwo imwẹro kpahen iyẹnrẹn re rhonrin ephian?

Se 2 John 10, orho ru, are i gba kpahenrhọ enọ enana:

• Marhẹ yo fori ne ruẹ inyikọ efian?

• Ọrhọ tobọ rhianẹ e vwe lele inyikọ efian tẹmro-o, marhẹ iyono aye ono ru sabu riẹriẹ ọwan?

• Marhẹ wu rorori taghene oma ono ru i Jehova, orhianẹ a kpomaviẹ rẹn ẹmro esọsọ rẹ ihworho a ta kpahiẹn ọrhẹ ukoko yi?

4. Sẹrorẹ atamwu ọnọ kpahen Osolobrugwẹ, orhianẹ omizu uvuẹn ukoko na o ruẹ ọdandan dede

Ọwan i rhe rhe taghene omizu uvuẹn ukoko na o ruẹ ọdandan ọghwaghwa, owian ọgo ye vwori? Yono kpahen uruemru-urhi owu uvuẹn Urhi Osolobrugwẹ ọ yẹ emọ Israel ọke ahwanren. Se Leviticus 5:1.

Jerẹ oborẹ ọ ha uvuẹn oghwẹmro ọrana, erhe rhe taghene omizu uvuẹn ukoko na o ruẹ ọdandan ọghwaghwa, o fori na ta rẹn ekpako na oborẹ e rheri. Ọrẹn, bọmọke ene ki ru ọrana, ene dje uruemru esiri phia nyoma ra na ta rẹn ọravwọ no bru ekpako na nya, nọ rhian ọdandan yen rẹn aye. Orho kwe nya-a, ofori nẹ atamwu re vwo kpahen i Jehova o mwu ọwan ya ta rẹn ekpako na oborẹ e rheri. Marhẹ ọnana o ru djephia taghene e vwo ẹguọlọ atamwu kpahen . . .

• Jehova Osolobrugwẹ?

• ohworho ro ruẹ ọdandan na?

• awọrọ uvuẹn ukoko na?

 5. Kẹnoma rẹn Babylon Rode na

 ME WU YONORIN?

Na sabu sẹrorẹ atamwu ọwan kpahen i Jehova, ana vi kẹnoma rẹn ihworho ra vwa sẹrorẹ atamwu kpahiẹn. O ji fo ne tiomanẹ ẹga efian phẹlẹphẹlẹ.

Ẹzẹkoko

• Mesoriẹ o vwo fo ne ni, se, yanghene kerhọ iyẹnrẹn inyikọ efian?

• Marhẹ ene nyerẹn lele rhẹ ihworho ri vwa guọlọ rhiẹ Iseri Jehova ghwomaran?

• Marhẹ ene ru huvwele orhetio ra na zẹ nẹ ẹga efian?