Ӕцӕг чырыстӕтты нӕ фӕнды, цӕмӕй сӕ исты кӕнӕ исчи Йегъовӕйӕн лӕггад кӕнын бакъуылымпы кӕна. Дӕу дӕр, кӕй зӕгъын ӕй хъӕуы, нӕ фӕнды. Йегъовӕ тынг аргъ кӕны, иузӕрдион ыл кӕй дӕ, уымӕн. (Бакӕс 1 Азфыстыты 28:9.) Фӕлӕ дӕ иузӕрдиондзинад, гӕнӕн ис, цавӕр уавӕрты ӕрцӕуа фӕлвӕрд? Цы дын баххуыс кӕндзӕн, цӕмӕй уыцы уавӕрты иузӕрдионӕй баззайай?

1. Чидӕртӕ цы аразынц, цӕмӕй Йегъовӕйыл иузӕрдион мауал уӕм?

Иуӕй-иуты фӕнды, цӕмӕй Йегъовӕйӕн мауал лӕггад кӕнӕм. Уыцы адӕм чи сты? Зӕгъӕм, раст дины ныхмӕ чи сси ӕмӕ йӕ чи ныууагъта, уыдон. Уыдон Хуыцауы организацийӕ мӕнг ныхӕстӕ кӕнынц, цӕмӕй нын нӕ уырнындзинад фӕцудын кӕной, ӕмӕ рӕстдзинад ныууадзӕм. Дины разамонджытӕй дӕр иуӕй-иутӕ Йегъовӕйы Ӕвдисӕнты тыххӕй мӕнг информаци парахат кӕнынц, цӕмӕй, ӕнцонсайӕн чи у, уыдоны рӕстдзинады фӕндагӕй фӕиппӕрд кӕной. Тынг тӕссаг у ахӕм адӕмимӕ ныхас кӕнын, сӕ чингуытӕ кӕнӕ, интернеты цы фыссынц, уыдӕттӕ кӕсын, сӕ веб-сайттӕм цӕуын кӕнӕ та сын сӕ видеотӕм кӕсын. Иннӕты Йегъовӕйӕн лӕггад кӕнын чи къуылымпы кӕны, уыдоны тыххӕй Йесо загъта: «Уадзут сӕ. Уыдон сты куырм разамонджытӕ. Ӕмӕ куырм куырмы куы кӕна, уӕд дыууӕйӕ дӕр дзыхъхъы ныххаудзысты» (Матфейы 15:14).

Фӕлӕ, зӕгъӕм, нӕ зонгӕтӕй кӕйдӕр Йегъовӕйӕн лӕггад кӕнын нал фӕнды. Уый не ’мбӕлттӕй кӕнӕ нӕ хиуӕттӕй исчи куы уа, уӕд тынг маст кӕндзыстӕм. Уыцы адӕймаг нын, гӕнӕн ис, дзура: «Равзар: кӕнӕ ӕз, кӕнӕ Йегъовӕ». Фӕлӕ махӕн сӕйрагдӕр у, цӕмӕй Йегъовӕйыл уӕм иузӕрдион (Матфейы 10:37). Уымӕ гӕсгӕ мах ӕххӕст кӕнӕм Йегъовӕйы фӕдзӕхст, зӕгъгӕ уын ахӕм адӕймагимӕ иумӕйагӕй мацыуал уӕд. (Бакӕс 1 Коринфӕгтӕм 5:11.)

2. Йегъовӕйыл иузӕрдион стӕм ӕви нӕ, уый нӕ уынаффӕтӕй куыд уыдзӕн бӕрӕг?

Йегъовӕйы кӕй уарзӕм, уый тыххӕй нӕ нӕ фӕнды, цӕмӕй нын мӕнг динтимӕ иумӕйагӕй исты уа. Нӕ куыст кӕнӕ, цы аразӕм, уый хъуамӕ мӕнг динимӕ баст ма уа. Стӕй кӕд искӕцы организациты стӕм, уӕд уыдон дӕр хъуамӕ мӕнг динимӕ баст ма уой. Йегъовӕ нӕ фӕдзӕхсы: «Рацӕут... [Стыр Вавилонӕй], мӕ адӕм» (Раргомад 18:2, 4).

 ФЫЛДӔР БАЗОН

3. Дӕхи хиз, мӕнг ахуырӕдтӕ чи парахат кӕны, уыдонӕй

Йегъовӕйы организацийы тыххӕй ӕвзӕр исты куы фехъусӕм, уӕд-иу куыд хъуамӕ бакӕнӕм? Бакӕсут Ӕмбисӕндтӕ 14:15 ӕмӕ стӕй аныхас кӕнут ацы фарстайыл:

• Алы ныхасыл дӕр цӕуылнӕ хъуамӕ ӕууӕндӕм?

Бакӕсут 2 Иоанны 10 ӕмӕ стӕй аныхас кӕнут ацы фарстатыл:

• Раст дин чи ныууагъта, уыдонимӕ нӕхи куыд хъуамӕ дарӕм?

• Раст дин чи ныууагъта, уыдонимӕ кӕд лӕгӕй-лӕгмӕ нӕ фӕныхас кӕнӕм, уӕддӕр куыд ис уый гӕнӕн, ӕмӕ ныл сӕ ахуырӕдтӕ бандавой?

• Дӕумӕ гӕсгӕ, Йегъовӕ цы цӕстӕй ракӕсдзӕн, йӕ номыл ын цъыф чи калы ӕмӕ йын йӕ организацийӕ алы мӕнг ныхӕстӕ чи кӕны, уыдонмӕ куы хъусӕм, уымӕ?

4. Йегъовӕйыл иузӕрдион у, хо кӕнӕ ӕфсымӕр тӕригъӕд куы сараза, уӕд

Ӕмбырдӕй чидӕр тӕригъӕд кӕй сарӕзта, уый куы базонӕм, уӕд куыд хъуамӕ бакӕнӕм? Ӕркӕсӕм-ма, Йегъовӕ рагон Израилӕн цы Закъон радта, уым цы уагӕвӕрд ис, уымӕ. (Бакӕсут Левит 5:1.)

Чидӕр уӕззау тӕригъӕд кӕй сарӕзта, уый куы базонӕм, уӕд, ацы стихмӕ гӕсгӕ, хабар хъуамӕ хистӕр нӕлгоймӕгтӕн радзурӕм. Фӕлӕ хуыздӕр уыдзӕн, фыццаг уал ын йӕхицӕн куы зӕгъӕм, цӕмӕй хистӕр нӕлгоймӕгтӕн йӕ тӕригъӕды тыххӕй радзура. Куы нӕ сӕм бацӕуа, уӕд та сын нӕхӕдӕг радзурдзыстӕм, цы зонӕм, уый. Уымӕй равдисдзыстӕм, Йегъовӕйыл иузӕрдион кӕй стӕм. Афтӕ куы бакӕнӕм, уӕд куыд уыдзӕн бӕрӕг, ӕнувыд уарзт кӕй кӕнӕм...

• Йегъовӕ Хуыцауы?

• тӕригъӕд чи сарӕзта, уый?

• ӕмбырды иннӕты?

 5. Стыр Вавилонимӕ дын иумӕйагӕй мацыуал уӕд

 ЦЫ БАЗЫДТАЙ

Цӕмӕй Йегъовӕйыл иузӕрдион уӕм, уый тыххӕй нын хъуамӕ иумӕйагӕй мацы уа, иузӕрдион ыл чи нӕу, уыдонимӕ ӕмӕ мӕнг динимӕ.

Дӕ зӕрдыл ӕрлӕууын кӕн

• Раст дин чи ныууагъта, уыдон цы информаци парахат кӕнынц, уый цӕуылнӕ хъуамӕ кӕсӕм кӕнӕ йӕм цӕуылнӕ хъуамӕ хъусӕм?

• Йегъовӕйӕн лӕггад кӕнын кӕй нал фӕнды, уыдонимӕ нӕхи куыд хъуамӕ дарӕм?

• Йегъовӕйы фӕдзӕхстмӕ, мӕнг динӕй рацӕут, зӕгъгӕ, кӕй хъусӕм, уый нӕ бон куыд у равдисын?