PEꞌLA 58

Jeuwaçxan selpiinaꞌw bakaçxtewa

TAKH

Cristiano isasayuꞌ uu eente pkaçx Jeuwançxan selpiina ũswaꞌj jiꞌphnetkhaꞌw. Wee seenaꞌsa vxiteꞌ thẽysa jiꞌphun ũstewa Jeuwayuꞌ jiina, açyu txãꞌsçxa selpiisate, makwe thẽysa jiꞌphun ũstewa Jeuwayuꞌ wala weçxane (lẽeywe 1 Crónicas 28:9). ¿Dxusnaçxa selpii wẽete kĩh thẽysa paꞌjakx? Txãꞌw thẽysa paꞌjte, ¿maꞌw yũuçxa pheuꞌjyaꞌ ãjakxthaꞌw?

1. Jeuwaꞌs selpii wẽete, ¿vxiteyuꞌ maꞌw suwuutxki?

Maii nasayuꞌ Dxusaꞌs selpii thãasuçmeeneꞌta, txãꞌw weꞌwsayuꞌ kweꞌsx fe jiꞌphuniꞌs kaajxpubaꞌj wẽjeneꞌta. Dxusaꞌs selpimee jxãꞌjsa ĩsxiineꞌta weꞌwe Dxus çxhabaꞌs. Nawa txãꞌw yũusayuꞌ apóstata yaaseyã. Vxite religionteweꞌsxyuꞌ kĩjkĩhnawa jxuka fxiꞌjn ũstxna nasatxiꞌs wala kaajxpubaꞌj wẽeçxa, videu, eç fxiꞌjn internettewa uꞌkayaꞌ ewuumeenaꞌw, txãaweꞌsx jĩteyuꞌ. Kweꞌsxyuꞌ wala jxpaꞌyakx fxiꞌzewaꞌj jiꞌphneꞌtkhaꞌw ewmeete weteyaꞌmee. Txãaweꞌsxtxiꞌsyuꞌ Jesusyuꞌ naꞌjĩne: “Açaꞌ ũukhnuwe. Txãaweꞌsxaꞌ yafx jiꞌphmeesa, yafx jiꞌphmeesa nweꞌsxtxi peꞌjna uꞌjusaçxáataꞌ. Txãꞌwẽ yafx jiꞌphmeesa yafx jiꞌphmeesa nweꞌsxtxi peꞌjna uꞌjuçxaꞌ, eꞌzíi kafxkhẽ khẽjetxna” (lẽeywe Mateo 15:14).

2. Jeuwa yakh nes yũu wẽeçxa, ¿kweꞌsx txhitxhniꞌs maꞌw kaavxaꞌjaꞌwaꞌj jiꞌphkxthaꞌw?

Kweꞌsxyuꞌ Jeuwaꞌs wẽdxçxayuꞌ religión isasameetxisꞌyuꞌ utxaawaꞌj jiꞌphmeeneꞌtkhaꞌw txaꞌwẽy mjĩiwaꞌj jiꞌphmeeneꞌtkhaꞌw, txaꞌwẽy pkhakhewaꞌj jiꞌphmeeneꞌtkhaꞌw. Jeuwayuꞌ naꞌwku weꞌwe: Religión isasameeju mkaseꞌjwe, jĩk (Apocalipsis 18:2, 4).

WEJXKWEÇXA PIYAN UꞌJWEKA

Naa leccionte piyayaꞌ ãjaneꞌga maiiweꞌsxyuꞌ Dxusaꞌsçxaa selpiiyaꞌ thãasuꞌçmeeneꞌta, nawa ¿idxyuꞌ kĩh yũuwaꞌj jiꞌphguigk? Açyu Babiloniaꞌsyuꞌ utxaaçmeethaꞌw Jeuwaçxanthaꞌw utxaa. Txãꞌw yũuçxa txãꞌsçxaa selpiiyaꞌ kaavxaꞌjanaꞌw.

3. Ĩsxiin kaapiyaꞌjsatxiꞌs jxpaꞌyakx meswe

Dxus çxhabteweꞌsxtxiꞌs ewmee weꞌwte, ¿kweꞌsxyuꞌ kĩh yũuwaꞌj jiꞌphkxthaꞌw? Lẽeywe Proverbios 14:15, txajuꞌ naa paapẽynisatxis paswe:

Kweꞌsxyuꞌ jxpaꞌyakx ũswaꞌj jiꞌphnetkhaꞌw kĩh weꞌwtewa jxuka kreĩmee, ¿kĩh yũuçxa?

Lẽeywe 2 Juan 9-11, txajuꞌ naa paapẽynisatxis paswe:

¿Kweꞌsxyuꞌ kĩh yũuwaꞌj jiꞌphkxthaꞌw txãa apostataweꞌsx yakhyuꞌ?
Kweꞌsxyuꞌ apostataweꞌsx yakh weꞌweçmeethaꞌw nawa, ¿kweꞌsx feꞌs maꞌw yũuçxaka suwuu txãaweꞌsx yakh weꞌwte?
Apostataweꞌsxyuꞌ Jeuwate vxiteꞌ txãjx çxhabte ĩsxiin weꞌwna ũste, txãa ĩsxiiniꞌs kreĩteyuꞌ, ¿Jeuwayuꞌ maꞌw kikh theguꞌ?

4. Teeçx yakhthẽꞌj pkaalte wetete, kweꞌsxyuꞌ Jeuwançxaa selpiiwaꞌj jiꞌphnetkhaꞌw

Teeçx yakhthẽꞌj pkaalte wetete jiyuçxa, ¿kĩh yũuwaꞌj jiꞌphkxthaꞌw? Naa principiote wejxkwe kaapiyaꞌjana. Lẽeywe Levítico 5:1.

Leviticoteyuꞌ naꞌwku weꞌwe: Kweꞌsxyuꞌ thẽꞌjsa yakh weꞌwmey, pkaalte wetesaꞌsyuꞌ weꞌwyaꞌ kaahanaꞌw thẽꞌjsaweꞌsx yakh pkaalaꞌs kbeesaaĩkahn, nawa pkaalaꞌs kbeesaĩ wẽemeete kweꞌsxyuꞌ thẽꞌjsaꞌweꞌsx yakh weꞌwwaꞌj jiꞌphnetkhaꞌw, txãꞌw yũuçxa peeykãawãꞌjaꞌs kaavxaꞌjanaꞌw. Txãꞌw yũuçxa, ¿peeykãaniꞌs kaavxaꞌjxaꞌ ãjamthaꞌw...