Kristons di bardadi ta disidi pa ka pirmiti nada o ningin tuji elis adora Jeova. Sin duvida, i des manera ku bu ta sinti. Jeova ta da balur pa bu fidelidadi. (Lei 1 Kronikas 28:9.) Kal situasons ku pudi torna difisil pa bu kontinua sedu fiel pa rel i ke ku pudi judau?

1. Kuma ku utrus pudi testa no fidelidadi pa Jeova?

Alguns jintis na tenta tujinu sirbi Jeova. Ba kin ku na tenta fasi es? Alguns jintis para sirbi Jeova i gosi e ta konta mintida kontra si organizason pabia e misti kaba ku no fe. E jintis ta comadu apostatas. Tambi, alguns ŝefis riliẑiosu ta spalia informasons falsu aserka di nos, pabia e misti pa kilis ku ka nota di pirigu para sirbi Jeova. I pirigosu papia ku kualker un des jintis ku sta kontra nos, lei se livrus, visita se paẑinas na internet o jubi se videos. Aserka di kilis ku ta tenta disanima utrus di sirbi Jeova ku fidelidadi, Jesus fala: “Bo disa elis; e sedu gias segu. Ora ku un segu gia utru segu, tudu dus ta kai na koba.” — Mateus 15:14.

Ke gora si un algin ku no kunsi disidi di kuma i ka misti mas sedu Tustumuña di Jeova? I pudi fasinu dur na korson ora ku un algin ku no gosta ciu del fasi kila. Es algin pudi forsijanu kuji entri el o Jeova. No dibi di sta disididu pa kontinua sedu fiel pa Deus mas di ki tudu utru kusa. (Mateus 10:37) Pa kila, no ta obdisi ordi di Jeova pa ka ndianta ku ki tipu di jintis. — Lei 1 Koríntius 5:11.

2. Kuma ku disisons ku no ta toma pudi testa no fidelidadi pa Jeova?

Amor pa Jeova na lebanu ka toka na nada ku sta ligadu ku riliẑions falsu. Nin no tarbaju o organizason ku no pertensi o kualker utru atividadi ku no na partisipa nel ka dibi di sta ligadu ku riliẑions falsu. Jeova avisanu: “Ña pobu, bo sai [di Garandi Babilonia]”. — Apokalipsi 18:2, 4.

 APRINDI MAS

3. Toma kuidadu ku falsus nsinaduris

Kuma ku no dibi di reaẑi si no obi kusas negativu aserka di organizason di Jeova? Lei Ditus 14:15, dipus bo kombersa aserka des purgunta:

• Ke ku manda no dibi di kuida pa ka fia na kualker kusa ku no obi?

Lei 2 Jon 10, dipus bo kombersa aserka des purguntas:

• Kuma ku no dibi di trata apostatas?

• Mesmu si no ka na tene kontaktu diretu ku apostatas, kuma ku no pudi tene kontaktu ku se nsinus?

• Kuma ku bu pensa Jeova na sinti ora ku no na sukuta kombersas negativu aserka del o si organizason?

4. Kontinua sedu fiel pa Deus ora ku un ermon fasi pekadu

Si no sibi kuma un algin na kongregason fasi un pekadu gravi, ke ku no dibi di fasi? Jubi un prinsipiu ku sta na lei di Deus pa antigu nason di Israel. Lei Sirmonias 5:1.

Di akordu ku es prinsipiu, si no sibi kuma algin fasi un pekadu gravi no dibi di konta ansions ke ku no sibi. Ma antis di no fasi kila, i na sedu bon pa no falal pa el propi i bai konta ansions si pekadu. Si i ka seta fasil, no fidelidadi pa Jeova na lebanu konta ansions ke ku no sibi. Kuma ku fasi kila ta mostra no amor fiel pa . . .

• Jeova Deus?

• ki algin ku fasi pekadu?

• utrus na kongregason?

 5. Sai di Garandi Babilonia

 RUSUMU

Pa kontinua fiel pa Jeova, no pirsisa di para ndianta ku kilis ku ka sedu fiel pa rel. Tambi no pirsisa di sai di un manera kompletu di riliẑion falsu.

Rekapitulason

• Ke ku manda no ka dibi di jubi, lei, o sukuta ke ku apostatas ta fala?

• Kuma ku no dibi di trata kilis ku ka misti ja mas sedu Tustumuñas di Jeova?

• Kuma ku no pudi obdisi avisu di sai di riliẑion falsu?