Jesusta sirtu catijcuna imas arcajpis Jehová Diosta aduranara mana ima huras saquishun. ¿Manzhu can casna sintingui? Jehová can chuyaj shunguhua paita sirvinara ashcara valichinmi (leai 1 Crónicas 28:9). ¿Ima pasashcaunai Jehová Diosta chuyaj shunguhua sirvishcara ricuchina angui? ¿Imara canda yanapana ushan Diosta sirvisha catingaj?

1. Jehovamanda caruyachingaj ¿imara huaquinguna ruranun?

Huaquin runauna Jehovara sirvinamanda caruyachina munanunga. ¿Pigunara casna ruranara ushanun? Maicanguna sirtu shimira saquisha Diospa organizacionmanda llullanun ñucanchi quirinara tucuchingaj. Casna umachijcuna apóstatas nishcauna anun. Shinallara religionda pushajcuna Jehovahuaj testigogunamanda llullasha rimanun sirtu shimimanda caruyachingahua. Jehovahuaj chijnijcunahua cuintana, paiguna librogunara leana, internetpi ima churashcara ricunas o paiguna videogunaras ricuna yapa manalimi. Jehovamanda caruyachina munaj runaunamanda rimasha Jesús casna nica: “Saquichilla paigunara, ñausauna asha ñausaunara pushanaun. Ñausa runa shu ñausara pushasha, ishquindi uctui urmanaunga” (Mateo 15:14).

2. ¿Imara rurana anchi Jehová Diosllara sirvingaj?

Jehová Diosta llaquishcamanda panda religiongunai mana satirina munanchi. Ñucanchi tarbana, ima organizaciombi anas shujta ruranas panda religiongunahua mana satirinachu an. Jehová paita sirvijcunara casna camachin: Atun Babiloniamanda o panda religiongunamanda “llucshichi” nisha (Apocalipsis 18:2, 4).

 MAS YACHAI

3. Panda yachachijcunamanda cuirari

Jehovahuaj organizacionmanda piñasha rimashcaunara uyasha ¿imara rurana anchi? Leaichi Proverbios 14:15, huasha catij tapuigunamanda rimaichi:

• ¿Imarasha ali iyayuj runa asha tucui rimashcara mana quirina anchi?

Leaichi 2 Juan 9-11, huasha catij tapuigunamanda rimaichi:

• ¿Imarasha apóstatas nishcaunahua mana apanuna anchi?

• Apóstatas nishcaunahua mana rimanushas ¿imasnara paiguna yachachishcauna ñucanchira pandachina ushan?

• Jehovamanda o paihua organizacionmanda piñasha rimashcaunara uyajpi ¿imasnara Jehová sintinga?

4. Jehová Diosta chuyaj shungura ricuchisha catingui shu huauqui o pani uchai urmajpis

Congregacionmanda aj atun ucha rurashcara yachasha ¿imara rurana anchi? Ricui ñaupa Israel llactara Yaya Dios ima Ley cushcara. Leaichi Levítico 5:1.

Cai texto rimashcasna Diosta sirvij ucha rurashcara yachasha ancianogunara cuintana anchi. Shinajpis caita manara cuintashcallaira llaquishcamanda uchayuj runara ancianogunara rimachu, pai uchara cuintachu animachina anchi. Pai mana rimajpi Jehová Diosta llaquishcamanda pai ima rurashcara ancianogunara cuintana anchi. Casna rurasha...

• ¿Imasnara Jehová Diosta llaquishcara ricuchinchi?

• ¿Imasnara uchara raj huauqui o panira llaquishcara ricuchinchi?

• ¿Imasnara congregacionmanda huauqui paniunara llaquishcara ricuchinchi?

 5. Atun Babiloniamanda caruyai

 IMARA YACHASHCANGUI

Jehová Diosta chuyaj shunguhua sirvisha catingahua, ñucanchira umachina munajcunamanda caruyana anchi.

Iyaringaj

• ¿Imarasha apóstatas yachachishcaunara mana uyana anchi?

• Shu huauqui uchara rurashcara yachasha ¿imara rurana anchi?

• ¿Imara rurana anchi Biblia mandashca shina panda religiongunamanda shu rai llucshingaj?