58 YACHACHIKUY
Jehova Diostaqa amayá haykapipas saqiychu
Jehova Diosmantaqa manamá imaña kaptinpas karunchakuytaqa munanchikchu. Mana karunchakuptinchikqa manam haykapipas Diosqa saqiwasunchu (leey 1 Cronicas 28:9). Ichaqa, ¿imakunam Diosmanta karuncharuwachwan? ¿Imaynatam chaykunata atipachwan? Chaykunamantayá yachaykusun.
1. ¿Pikunataq hinaspa imaynatam Diosmanta karuncharuwachwan?
Kanmi runakuna Jehova Diosmanta karunchay munawaqninchikkuna. Wakinmi Diosmanta rakikuruspanku Diospa llaqtanmanta llullakunata rimaspa karuncharuyta munawanchik. Chay runakunatam ninchik “Diosta qipanchaqkuna” utaq “apostata” nispa. Pantay religionpi punta apaqkunapas ñuqanchikmantam llullakunata rimanku, chaynapi chayta creespa karunchakurunanchikpaq. Chaymi chiqniwaqninchik runakunapa libronkutaqa, internetpi imakunapas willakusqankutaqa utaq videonkutaqa manapuni qawananchikchu, nitaqmi paykunawanqa imamantapas atipanakunanchikchu. Chayna runakunamanta rimaspanmi Jesus nirqa: “Hina kachun, paykunaqa kanku ñawsamasin pusaqkunam. Ñawsa runa ñawsamasinta pusaspanqa iskayninkum uchkuman wichiykunqaku”, nispa (Mateo 15:14).
¿Imatam ruwananchik amistadninchik utaq familianchik manaña Jehova Diospa testigon kayta munaptinqa? Chayna kaptinqa manachá ima ruwaytapas atichwanchu. Ichaqa, piña-mayña Diosmanta karunchakuptinpas ñuqanchikqa Diosman sunqum kananchik (Mateo 10:37). Chaynaqa, Diosta kasukuspayá Diosmanta karunchakuruqkunawanqa ama hukllawakusunchu (leey 1 Corintios 5:11).
2. ¿Imakunapitaq tantiakunanchik kanqa Diosman sunqu kanapaq?
Jehova Diosta kuyasqanchikraykum tantiakunchik pantay religionkunapaqqa mana llamkapunapaq utaq ima ruwasqankupipas mana hukllawakunapaq. Jehova Diosmi niwanchik: “[Hatun Babiloniamantayá] lluqsiychik”, nispa. Chaywanqa niwachkanchik pantay religionmanta lluqsikunanchikpaqmi (Apocalipsis 18:2, 4).
ASTAWAN YACHAYKUSUN
Kaypim yachaykusunchik Diosmanta mana pipas karunchawananchikpaq imata ruwanamanta. Yachasuntaqmi Diosman sunqu kanapaqqa pantay religionkunawan mana hukllawakunamantapas.
3. Llulla yachachiqkunamantaqa karunchakuy
Jehova Diosmanta chaynataq testigokunamanta runakuna llullakunata rimaptinkuqa, ¿chayllachu creerunanchik? Leeychik Proverbios 14:15 hinaspa qatiqninmanta rimariychik:
-
¿Imanasqataq chayllaqa imatapas mana creenanchikchu?
Leeychik 2 Juan 10 hinaspa qatiqninmanta rimariychik:
-
Jehova Diosta qipanchaqkunawanqa, ¿imanasqataq mana parlananchikchu?
-
Diosta qipanchaqkunawan mana rimaspapas, ¿imanasqataq qillqasqankutaqa utaq imapas ruwasqankutaqa mana qawanachu nitaq uyarinachu?
-
Dios qipanchaqkunapa llullakuna rimasqankuta uyariptinchikqa, ¿imaynataq Jehova Dios sientekunqa?
4. Mayqin iñiqmasinchik huchallikuruptinpas hinalla Diosman sunqu kasun
Pi iñiqmasinchikpas hatun hucha ruwarusqanta yacharuspaqa, ¿imatam ruwananchik? Chaypaqyá qawaykusun ñawpaq tiempopi Israel runakunaman Jehova Diospa kamachikuy qusqanta. Leeychik Levitico 5:1.
Leesqanchikman hinam pi iñiqmasinchikpapas huchallikusqanta yacharuspaqa kuyakuyllawan ninanchik punta apaqkunaman willananpaq, mana willakuptinqa Jehova Diosta kasukusqanchikraykum punta apaqkunaman ñuqanchikña willananchik. ¿Imanasqataq chayna ruwasqanchikwanqa...
-
... Jehova Dios kuyasqanchikta qawachinchik?
-
... huchallikuruq iñiqmasinchik kuyasqanchikta qawachinchik?
-
... lliw iñiqmasinchikkunata kuyasqanchikta qawachinchik?
Huk iñiqmasinchik ima mana allinmanpas qukuruptinqa yanapaykuy.
5. Pantay religionmanta karunchakuy
Leeychik Lucas 4:8 hinaspa Apocalipsis 18:4, 5, chaymantañataq qatiqninmanta rimariychik:
-
¿Hinallaraqchu pantay religionpi sutiy kachkan?
-
¿Ima institucionpipas kasqayqa pantay religionwanchu huklla kachkan?
-
¿Pantay religionpaqchu llamkani?
-
¿Pantay religionmanta karunchakunaypaqqa hinallaraqchu kallpanchakunay?
-
Mayqin tapukuypipas “arí” niruspaykiqa, ¿imatam ruwanayki?
Ima kaptinpas sunquykipi hawka kanaykipaq hinaspa Diosta kasukunaykipaq allinta tantiakuy.
Pantay religionpi kaqkuna sasachakuypi kaq runakunata yanapanankupaq qullqita mañasuptiki, ¿imatam ruwawaq?
WAKINKUM NINKU: “Diosta qipanchaqkunapa nisqanta mana yachaspayqa, ¿imaynataq Jehova Diosmanta yachasqaykunataqa defiendeyman?”, nispanku.
-
Chayna nisqanqa, ¿allinchu kanman qampaq? ¿Imanasqa?
YUYARIYKUSUN
Diosman sunqu kayta munaspanchikqa payta qipanchaqkunamantawan pantay religionmantam karunchakunanchik.
¿Ima niwaqtaq?
-
¿Imanasqataq mana qawananchikchu, leenanchikchu nitaq uyarinanchikchu Diosta qipanchaqkunapa nisqankutaqa?
-
¿Imanasqataq Jehova Diosmanta karunchakuqkunawanqa manaña rimananchikchu?
-
¿Imakunatam ruwananchik pantay religionmanta qalaypaqta karunchakunapaq?
ASTAWAN YACHANAYKIPAQ
Jehova Diospa testigonkunamanta llulla rimasqankutaqa amayá creesunchu. Chaymanta kaypi leeykuy.
“¿Imam kaqtachu imamantapas yachanchik?” (Willakuq, agosto 2018)
¿Imaynatam yachachwan ima institucionpas pantay religionta yanapasqanta? Chaymanta kaypi leeykuy.
“Diospa munaynin ruwaytayá puntapi churasun” (Willakuq, octubre 2019, 16-18 parrafokuna)
¿Imatam ninku chiqniwaqninchik runakuna Diospa llaqtanmanta karunchakunanchikta munaspanku? Chaymanta kaypi yachaykuy.
Bibliamanta yacharuspanmi sintoismo religionpi sacerdote kayninta saqirurqa. Paymanta kaypi leeykuy.
“Bibliam imayna kawsasqankuta cambiarqa” (Tarinkim jw.org nisqanpi)
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
