Jesusta sirtu caticcunaga ima arcacpihuas Diosta adoranata mana ima uraspas saquishunzhu. Cambas, chasna ranata munanguichu. Can Jehovata cushiyachisha, paimanda mana caruyanata munangui (1 Cronicas 28:9​ta leipai). Ima turmintugunata, canda Diosta adoranamanda caruyachinata ushanaun. Diosta sirvisha catingahua, imata yanapaitucungui.

1. Jehovamanda caruyachingahua, maican runaguna imatata ranaun

Maican runagunaga Diosta sirvinata saquichinata munanaun. Pigunata chasna ranata ushanaun. Maicanguna Jehovamanda caruyashcauna. Ñucanchita pandachingahua, Jehovahua organizacionmanda llullasha rimanaun. Chi umachic runagunaga, apostata nishca manaun. Chasnallata, maican religionda pushac runagunaga, testigo de Jehovagunamanda llullasha, mana sinzhi quiriccunata Diospa organizacionmanda caruyachinata munanaun. Chiraicu, Jehovahua enemigogunahuan cuintanacuna, paiguna librogunata leina, internetpi ima churashcagunata ricuna o paiguna llucshichishca videota ricunaga, mana ali chan. Jehovamanda caruyachinata munac runagunamanda rimasha, Jesus caita nira: ʻSaquichilla, paiguna imasnas anauchun. Shuc puyuñahui runaga, shuc puyuñahui runata pushaupi, ishcandi uctu ucui urmangauna. Chi runaguna chasnacuintallata manaunʼ (Mateo 15:14).

Ñucanchi aillu o amigo, Jehovata sirvinata saquicpigá. Ñucanchi amigo o aillu Jehovata saquicpiga, yapami llaquirinchima. Cai runa, Diospa organizacionmanda caruyacpiga, pitata catishun: cai runata o Jehovata. Chi runa Jehovata saquicpihuas, ñucanchiga Jehovata mana saquina chanchi (Mateo 10:37). Chiraicu, Jehova mandashcata casusha, chi runahuan mana apanacushunzhu, paihuan mana cuintanacushunzhu (1 Corintios 5:11​ta leipai).

2. Jehovallata sirvingahua imatata rana anchi

Jehovata llaquishcamanda, mana sirtuta yachachic religionguna rashcagunata mana ranchichu. Ñucanchi tarbanagunahuan, ñucanchi imata rashcagunahuan, shuc religiongunata mana imallas yanapanchichu. Jehovaga paita adoraccunata caitami nin: Atun Babilonia o mana sirtu religiongunamanda “llucshimuichi” (Apocalipsis 18:2, 4).

 CAIMANDA MASTA YACHAI

3. Llullata yachachiccunamanda caruyai

Jehovahua organizacionmanda llullasha rimashcata uyasha, imatata rana anchi. Proverbios 14:15​ta leichi, huasha cai tapuimanda cuintanacuichi:

• Imahuata tucui runaguna rimashcata mana quirina anchi.

2 Juan 10​ta leichi, huasha cai tapuigunamanda cuintanacuichi:

• Apostata runagunahuan imahuata mana apanacuna anchi.

• Apostatagunahuan mana tupanacusha cuintanacucpihuas, imashinata paiguna yuyaigunaga ñucanchita pandachinata ushan.

• Jehovamanda, paiba organizacionmanda llullasha rimashcagunata ñucanchi uyacpiga, Jehovaga imasashi sintiringa.

4. Shuc huauqui o shuc pani uchata racpihuas, Jehovata ama saquichu

Shuc huauqui o shuc pani congregacionbi iridsa uchata rashcata yachashaga, imatata rana anchi. Dios israelitagunata mandashca leyta ricushun. Levitico 5:1​ta leichi.

Cai versiculoibi nishca shina, maican huauqui o pani iridsa uchata rashcata yachashaga, ancianogunata ñucanchi yachashcata cuintana manchi. Ancianogunata chara mana cuintashallata, uchaibi urmac huauqui o panita, “ancianogunahuan camba uchamanda cuintai” ninchi. Pai ancianogunahuan mana cuintanacucpiga, ñucanchimi Jehovata llaquishcamanda ancianogunata cuintana anchi. Caita rashaga...

• ... imasata Jehovata llaquisha casushcata ricuchinchi.

• ... imashinata uchata rac runata ñucanchi yanapana munashcata ricuchinchi.

• ... imasata congregacionbi huauqui panigunata llaquishcata ricuchinchi.

 5. Atun Babiloniamanda caruyaichi

 IMATA YACHASHCANGUI

Jehovata sirvisha catingahua, paita saquic runagunahuan mana apanacuna chanchi. Chasnallata, mana sirtu religiongunamanda caruyana manchi.

Yachashcata cuintai

• Imahuata apostataguna nishcata mana ricuna, mana leina, mana uyana anchi.

• Jehovata mana sirvisha catinata munac runagunahuan, apanacuna chanchi. Imahuata chasna ningui.

• Mana sirtu religionmanda caruyaichi nisha, Biblia mandashcata casungahua, imatata rana anchi.