In krétien va pa lès rien ni pèrsonn kas son relasion avèk Jéova. Sé sak ou ve osi. Out fidélité néna in bonpe la valeur pou Jéova (lir 1 Kronik 28:9). Kèl situasion i pouré tès out fidélité ? É koman fé fas situasion la ?

1. Koman désèrtin i ésèy détourn anou de Jéova ?

Bann moun i voudré amèn anou arèt sèrv Jéova. I pe èt bann moun ke la kit la vérité, é ki fann zafèr manteur su lorganizasion Jéova, pou kas nout foi. Sé bann zaposta. Néna osi bann chèf la relijion ki propaj bann zidé manteur su nou, pou tronp bann krétien san méfians. Lé danjereu fé déba avèk bann moun la oubien fé in ka avèk sak zot i di dan zot liv, zot blog, zot sit Intèrnèt, zot vidéo... Par rapor bann moun ki ésèy kas nout fidélité, Jézu la di : « Lès azot. Sé bann gid aveug. É si in laveug i gid in laveug, zot deu va tonm dan in trou » (Matieu 15:14).

É si nou aprann ke in kamarad proch oubien in moun nout fami la désid pu èt Témoin Jéova ? Sa i fé vréman mal le keur. Le moun an késtion i pouré mèm juska di anou : « Soi sé Jéova, soi sé moin. » I fo nou lé vréman bien désidé rès fidèl Jéova (Matieu 10:37). É nou obéi komannman Jéova pu frékant moun la (lir 1 Korintien 5:11).

2. Koman nout bann choi i fémont nout fidélité ?

Par amour pou Jéova, nou nora okin lien avèk le fo relijion. Sa i konsèrn nout travay, nout bann zaktivité, mé osi tout bann lasosiasion, bann lorganizasion ke nou lé dedan. Kan li koz su le « Gran Babilonn », Jéova i di anou bien : « Sort anndan la, mon peup » (Révélasion 18:2, 4).

 ALON APRANN PLUS

3. Fé atansion bann fo lansénian

Koman i fo réaji si nou antan in moun kritik lorganizasion Jéova ? Lir Provèrb 14:15 é koz su késtion la :

• Poukosa i fo pa kroir tout sak nou antan ?

Lir 2 Jan 10 é koz su bann késtion :

• Koman nou doi konport anou devan bann zaposta ?

• Mèm si nou na poin kontak èk bann zaposta, par koman zot bann zidé i pe ariv juska nou ?

• Dapré ou, kosa Jéova noré resanti si nou ékout, sak i di mové zafèr desu li é desu son lorganizasion ?

4. Kan in frèr i fé in péché

Si nou dékouv ke in moun dan lasanblé la fé in péché grav, kosa nou doi fé ? Pou konèt, alon étudié in vèrsé dan la Loi ke Bondieu la donn bann Zisraélit. Lir Lévitik 5:1.

Dapré prinsip la, si nou koné ke in moun la komèt in péché grav, nou doi koz èk bann zansien. Mé avan, nou va fémont nout bonté anvèr le pécheur é nou va ankouraj ali alé konfès li mèm son péché èk bann zansien. Si li fé pa, nout fidélité pou Jéova va pous anou mèt bann zansien o kouran. Koman sak nou va fé, va fémont nout lamour fidèl pou...

• Jéova ?

• le moun ke la péché ?

• lé zot dan lasanblé ?

 5. Rès loin le Gran Babilonn

 SAK NOU LA APRANN

Par fidélité pou Jéova, nou va pa frékant sak la kit la vérité é nou rès loin bann fo relijion.

Alon révizé

• Poukosa i fo pa gardé, lir oubien ékouté sak bann zaposta i di ?

• Koman nou doi konport anou anvèr in moun ki ve pu èt Témoin Jéova ?

• Koman in krétien va montré ke li lé pu dan le fo relijion ?