Sar čačutne hristijanja rešime siem te na dozvolina ništo hem nikoj te čhinavel amen te služina e Jehovaske. Sigurno tu da mislinea agjaar. O Jehova but ceninela so sian leske verno. (Čitin 1. Letopisi 28:9.) Kola situacie šaj te čhiven ko ispit tli vernost sprema leste hem so šaj te pomožinel tuke tegani?

1. Sar šaj o javera te keren amenge pharo te ačhova verna e Jehovaske?

Nesave manuša mangena te čhinaven amen te služina e Jehovaske. Koj tane adala manuša? Na primer, šaj te oven o otpadnikija — manuša kola so čhinavgje te služinen e Jehovaske hem akana vakerena hovajba baši leskiri organizacija, adaleske so mangena te uništinen amari vera. Isto agjaar, nesave religiozna vodačija širinena hovajba baši amende. Ako na pazinaja šaj te pera ki zamka te verujna ki lende hem te mukha o čačipe. Adaleske, opasno tano te kera lafi akale protivnikoncar, te čitina lengere lila, te čitina adava so čhivena ko internet ili te dikha lengere videoklipija. Najšukar tano te šuna e Isuseskere lafija: „Mukhen len. Ola tane korole vodačija. A keda korolo ka vodinel korole, o solduj ka peren ki dupka“ (Matej 15:14).

So ako nekoj kas so džanaja odlučingja te na ovel više e Jehovaskoro svedoko? Šaj but te dukhavel amen ako nekoj kasaja so siem paše kerela adava. Adaja ličnost šaj ka čhivel amen te birina maškar late hem o Jehova. Ki asavki situacija najvažno taro sa valjani te ovel amenge te ačhova verna e Devleske (Matej 10:37). Adaleske siem poslušna ki e Jehovaskiri zapoved te na družina amen asavke manušencar. (Čitin 1. Korinkjanite 5:11.)

2. Sar šaj amare odluke te sikaven kaj siem verna e Jehovaske?

O mangipe sprema o Jehova ka pottikninel amen te cida amen taro sa soj tano povrzimo e hovavne religijaja. Adaleske, keda valjani te ana odluke bašo adava savi buti ka kera ili dali te ova delo tari nesavi organizacija, mora te pazina ola te na oven povrzime e hovavne religijaja. Amen mangaja te cida amen taro sa so šaj te povrzinel amen e hovavne religijaja. O Jehova pottikninela amen: „Ikljoven [taro Baro Vavilon], mlo narodo“ (Otkrovenie 18:2, 4).

 DOZNAJN POVIŠE

3. Arakh tut taro okola so širinena hovajba

So valjani te kera ako šunaja negativna informacie baši e Jehovaskiri organizacija? Čitin Izreki 14:15, a palo adava keren lafi bašo akava pučibe:

• Soske na valjani te verujna ko sa so šunaja?

Čitin 2. Jovanovo 10, a palo adava keren lafi bašo akala pučiba:

• Sar valjani te ponašina amen sprema o otpadnikija?

• Sar šaj te mukha o otpadnikija te vlijajnen upri amende iako nane amen direktno kontakt lencar?

• So mislinea, sar bi osetinela pe o Jehova ako mangaja te šuna negativna informacie baši leste ili baši leskiri organizacija?

4. Ačhov verno e Devleske keda nekoj taro sobranie grešinela

So siem dolžna te kera ako doznajnaja kaj nekoj taro sobranie kergja seriozno grevo? Te dikha jekh načelo taro Zakoni so dengja le o Devel e Izraelconge. Čitin 3. Mojseeva 5:1.

Sprema akava načelo, ako doznajnaja kaj nekoj kergja seriozno grevo valjani adava te vakera e starešinenge. Sepak, angleder te kera adava, ljubezno tano te pottiknina e grešniko ov te džal ko starešine hem te priznajnel plo grevo. Ako na kerela adava, tegani amari vernost sprema o Jehova ka pottikninel amen te vakera e starešinenge adava so džanaja. Sar adalea so ka kera adava ka sikava verno mangipe...

• e Jehovaske?

• e grešnikoske?

• e javerenge ko sobranie?

 5. Cide tut taro Baro Vavilon

 SO SIKLILEM

Te šaj te ačhova verna e Jehovaske, na smejnaja te družina amen okolencar so nane leske verna. Isto agjaar, valjani te cida amen taro sa soj povrzimo e hovavne religijaja.

Sar ka odgovorine?

• Soske na valjani te dikha, te čitina ili te šuna adava so sikavena o otpadnikija?

• Sar valjani te ponašina amen sprema okola so na mangena više te oven e Jehovaskere svedokija?

• Sar šaj te sikava kaj na mangaja te ova delo tari hovavni religija?