Ο αληθινοί Χριστιανοί ισί αποφασισμέ μα τι μουκχέν καεκχές ντα τίποτα τι τσσιναβέλ ι λατρεία σο ντένα κο Ιεχωβά. Σίγουρα, νιωθίνεσα τούι-ντα αντικάς. Ο Ιεχωβά εκτιμίνελα-λες κάνα ατσσόσα αφοσιωμέ λέστε. (Διαβάνεν 1 Χρονικών 28:9) Καλά πράγματα κα μπορίνενας τι δοκιμάνεν τι αφοσίωση λέστε, ντα σο μπορίνεσα τι κερές;

1. Σαρ κα μπορίνενας μερικά τζενέ τι δοκιμάνεν αμαρί αφοσίωση κο Ιεχωβά;

Μερικά τζενέ κα προσπαθίνεν τι τσσιναβέν-αμέν τι υπηρετίνας ι Ιεχωβάς. Καλά τζενέ κα κερένας κάτι ασακό; Μερικά τζενέ σο τσσιναντέ τι υπηρετίνεν ι Ιεχωβάς βακερένα ψέματα Λέσκε οργανωσιάκε επειδή μανγκένα τι κερέν ζιάνι κι πίστη αμαρί. Βον βακέρντιβενα αποστάτες. Επίσης, μερικοί αρχηγοί ι θρησκειάκε πφιραβένα ψέματα αμένγκε επειδή μανγκένα τι κερέν ι τζενέν σο νανέ προσεκτικοί τι τσσιναβέν τι υπηρετίνεν ι Ιεχωβάς. Ισί επικίνδυνος τι απαντίνας οντουλέντε σο τζάνα αμέντζαρ κόντρα, τι διαβάνας λένγκε βιβλία, τι τσσουβάς-αμέν κο ιστοσελίδες λένγκε ή τι ντικχάς λένγκε βίντεα. Ο Ιησούς βακερντάς οντουλένγκε σο προσπαθίνενα τι κερέν ι γιαβερέν τι τσσιναβέν τι ντεν αφοσιωμέ λατρεία κο Ιεχωβά: «Μουκχέν-λεν. Παρόλο σο ισί κορορέ σικαβένα ι γιαβερένγκε κάι τι τζαν. Άμα εκ κορορό σικαβέλα εκχέ γιαβερέ κορορέσκε κάι τι τζαλ, ο ντούι-ντα κα περέν κι γούρνα».​—Ματθαίος 15:14.

Σο αβέλα-πες άμα εκ τζενό σο τζανάσα-λες τραμπιντάς τι τσσιναβέλ τι αβέλ Μάρτυρας ι Ιεχωβάσκο; Μπέκιμ τι πφανγκιόλ μπουτ αμαρό γκι κάνα εκ τζενό αμαρό κερέλα-λες ανταβά. Ανταβά τζενό μπέκιμ τι πιένελ-αμέν τι τραμπίνας ή λες ή ι Ιεχωβάς. Αμέν πρέπει τι αβάς αποφασισμέ τι τσσουβάς αμαρί αφοσίωση κο Ντεβέλ πο οπρέ σαριλένταρ. (Ματθαίος 10:​37) Οντουλέσκε, ντάσα καν κι εντολή κι Ιεχωβάσκι μα τι κεράς παρέα ασακέ τζενέντζαρ.​—Διαβάνεν 1 Κορινθίους 5:11.

2. Καλά αποφάσεις σο τθερένα τι κερέν αμέντζαρ μπορίνενα τι δοκιμάνεν αμαρί αφοσίωση κο Ιεχωβά;

Η αγάπη ι Ιεχωβάσκε κα τσσίντελ-αμέν μα τι τθεράς καέκ σχέση ι ψεύτικε θρησκειέντζαρ. Αμαρί μπουτί, ο οργανώσεις σο ισινάμ λέντε ντα σο-ντα γιαβέρ κεράσα δεν πρέπει τι τθερέν καέκ σχέση ι ψεύτικε θρησκειέντζαρ. Ο Ιεχωβά βακερέλα αμένγκε: «Νικιόν [κατά Μπαρί Βαβυλώνα], τουμέν σο ισινέν μο λαός».​—Αποκάλυψη 18:​2, 4.

 ΧΑΝΤΖΟΥΒ ΠΟ ΑΧΟΡΤ

3. Τι αρακχαβές-τουτ οντουλένταρ σο σικλιαρένα ψέματα

Σο πρέπει τι κεράς άμα κα ασουνάς μπέτι πράγματα ι Ιεχωβάσκε οργανωσιάκε; Διαβάνεν Παροιμίες 14:​15 ντα σοράν συζητίνεν ι ερώτηση:

• Σόσκε πρέπει τι αβάς προσεκτικοί ντα μα τι πακιάς σο-ντα ασουνάσα;

Διαβάνεν 2 Ιωάννη 10 ντα σοράν συζητίνεν ο ερωτήσεις:

• Σαρ πρέπει τι συμπεριφερίντιβας κο αποστάτες;

• Ατζέ-ντα άμα να κεράσα λάφι πασάλ με αποστάτες, σαρ κα μπορίναας τι επηρεάντιβας οντουλένταρ σο σικλιαρένα;

• Σαρ πακιάσα τούι ότι κα νιωθίνελας ο Ιεχωβά άμα κα ντάας προσοχή κο μπέτι πράγματα σο βακέρντιβενα λέσκε ή λέσκε οργανωσιάκε;

4. Άτσσουβ αφοσιωμέ κο Ντεβέλ κάνα εκ πφραλ κερέλα εκ αμαρτία

Άμα κα σικλιάς ότι εκ τζενό κι κχανγκιρί κερντάς εκ μπαρί αμαρτία, σο ισινάμ υποχρεωμέ τι κεράς; Ντικχ εκ αρχή κατά Νόμος σο ντινάς ο Ντεβέλ κο πουρανό Ισραήλ. Διαβάνεν Λευιτικό 5:1.

Σαρ βακερέλα ανταβά εδάφιος, άμα κα σικλιάς ότι εκ τζενό κερντάς εκ μπαρί αμαρτία, πρέπει τι βακεράς κο πρεσβύτεροι σαρέ οντουλά σο τζανάσα. Αλλά πριν τι κεράς-λες ανταβά, κα σικαβάας λατσσιπέ άμα κα βακεράας οντουλέσκε σο κερντάς ι αμαρτία τι τζαλ βοβ κο πρεσβύτεροι ντα τι μουτθαβέλ πι αμαρτία. Άμα να κερντάς-λες ανταβά, αμαρί αφοσίωση κο Ιεχωβά πρέπει τι τσσίντελ-αμέν τι βακεράς κο πρεσβύτεροι σο-ντα τζανάσα. Σαρ σικαβέλα ανταβά τρόπος αφοσιωμέ αγάπη  . . .

• κο Ιεχωβά Ντεβέλ;

• κο τζενό σο κερντάς αμαρτία;

• κο τζενέ αντρέ κι κχανγκιρί;

 5. Άτσσουβ ντουρ κατά Μπαρί Βαβυλώνα

 ΧΑΝΙΚ ΛΑΦΙΝΤΖΑΡ

Για τι ατσσάς αφοσιωμέ κο Ιεχωβά, πρέπει μα τι κεράς παρέα οντουλέντζαρ σο νανέ αφοσιωμέ λέστε. Επίσης, πρέπει τι νασάς ντουρ κατά ψεύτικες θρησκείες.

Σο Σικλιλάν;

• Σόσκε δεν πρέπει τι ντικχάς, τι διαβάνας ή τι ασουνάς οντουλά σο πακιάνα ο αποστάτες;

• Σαρ πρέπει τι συμπεριφερίντιβας οντουλένγκε σο μανγκένα τι τσσιναβέν τι αβέν Μάρτυρες ι Ιεχωβάσκε;

• Σαρ ντάσα καν κι εντολή μα τι τθεράς καέκ σχέση ι ψεύτικε θρησκειέντζαρ;