Le ciace creștini ci camen te mechen niciech buchi hai chanicas te așaven-le te na mai slujin le Iehovasche. Ciaces, vi tu cames te așes loialo le Iehovasche hai vo dichel zurales cuci cadai buchi. (Citisaren 1 Cronici 28:9.) Cana daștilas te avel tuche pharo te așes loialo le Iehovasche hai so daștil te ajutil-tu?

1. Sar daștinas aver te cheren-ame te na mai așias loialo le Iehovasche?

Chichiva manușa camen te cheren-ame te na mai slujisaras le Iehovasche. Con si cadala? Si codola cai mechle o ciacimos hai acana phenen hohaimata anda i organizația le Iehovaschi, caște mudaren amaro pachiamos. Von si le apostați. Sa cadea, chichiva conducători religioși phenen hohaimata anda amende caște cheren codolen cai ci len sama, te mechen o ciacimos. Si zurales nasul anda amende te das duma cadale manușența, te citisaras lenghe lila sau so șiute von po interneto sau te dichas le materialea video cai von cheren-le. O Isus phendea anda codola cai camen te cheren le coaveren te na mai așen loialo le Iehovasche: „Mechen-le! Sile sar niște sicaitorea dromesche core. Hai dacă iech coro sicavel o drom ieche avere coresche, le dui peren andi hâv”. (Matei 15:14)

So daisaras te cheras dacă varecon cas prinjianas alosarel te na mai avel iech Martoro le Iehovasco? Daștil te duchavel-ame zurales but cana varecon pașardo cherel cadai buchi. Cado manuș daștilas te șiol-ame te alosaras mașcar leste hai o Iehova. Trebul te camas mai but sar oriso te așias loialo le Iehovasche, na le manușenghe. (Matei 10:37) Anda codoia, amen așunas i porunca le Devleschi te na mai beșas cadale manușența. (Citisaren 1 Corinteni 5:11.)

2. Sar daisaras te sicavas că sam loiali le Iehovasche prin so alosaras te cheras?

I iubirea anda o Iehova cherel-ame te na camas niciech țâra te hamisaras-ame andi religia neciaci. Ci trebul te avel amen niciech phanglimos la religiaia neciaci, nici prin o than cai cheras buchi, nici prin le organizații ande save sam hai nici prin aver vareso so cheras. O Iehova phenel amenghe: „Înclen anda [o Babilono o Baro], mânro poporo”. (Revelația 18:2, 4)

 HACHIAR MAI MIȘTO

3. Aș dur catar le sicaitori nelașe

So trebul te cheras cana așunas buchia nasul anda i organizația le Iehovaschi? Citisaren Proverbe 14:15 hai pala codoia den duma:

• Sostar trebul te las sama te na pachias oriso așunas?

Citisaren 2 Ioan 10 hai pala codoia den duma:

• Sar trebul te phiravas-ame codolența cai sile apostați?

• Chiar cana ci das duma codolența cai sile apostați, sar daisaras te arăsas te citisaras sau te dichas lenghe sicaimata?

• So pachias că si ando ilo le Iehovasco dacă așunas le buchia nasul cai sile phende anda leste sau anda leschi organizația?

4. Aș loialo le Devlesche cana iech phral păcătuil

Dacă așunas că iech jeno andai congregația cărdea iech baro păcato, so trebul te cheras? Te dichas so sichioas andai Legea le Devleschi cai sas-li dini le israelițenghe. Citisaren Levitico 5:1.

Anda o verseto sichioas că, dacă jianas că iech manuș cărdea iech baro păcato, trebul te phenas le phurenghe. Cu sea cadala, angla te cheras cadai buchi, trebul te phenas lesche te jial le phurende hai te phenel lenghe o păcato. Cana cheras cadea, sicavas lașimos. Dacă ci camel te cherel cadaia, va avela te jias amen le phurende hai te phenas so jianas, anda codoia că camas te așias loialo le Iehovasche. Dacă cheras cadea, sar sicavas iubirea loialo anda . . .

• o Iehova Del?

• o jeno cai cărdea o păcato?

• le coaver phrala andai congregația?

 5. Aș dur catar o Babilono o Baro

 SO SICHILEAM

Caște așias loialo le Iehovasche, trebul te na beșas codolența cai ci si lesche loiali. Mai but, trebul te na avel amen niciech phanglimos la religia neciaci.

So dichleam

• Sostar ci trebulas te dichas, te citisaras sau te așunas le idei catar le apostați?

• Sar trebulas te phiravas-ame codolența cai ci mai camen te aven Martori le Iehovasche?

• Sar daisaras te așunas catar i Biblia cana phenel amenghe te încleas anda i religia neciaci?