И чачунэ христианоря на домэкэн, кай варико или варисо тэ римой лэндири дружба лэ Иеговаса. И дицол, кай ту цэнис и дружба лэ Иеговаса, и во фартэ цэний, кай ту лэсти предано. (Адиносар 1 Летопись 28:9.) Кала можэт тэ авэл ԥарэс тэ кандэс лэ Иеговас и со тути поможыя?

1. Со дэсавэ моӷут тэ терэн, кай тэ одындярэн амэн лэ Иеговастар?

Дэко камэл, кай амэ тэ парашас тэ служысарас лэ Иеговасти, — када отступникоря и дэсавэ барэ мануша анда веры. И отступникоря — када и мануша, савэ ашадэ лэ Иеговастири арӷанизацыя и акана хохавэн пэр латэ, кай амэ тэ парашас тэ патяс. Кадяжэ дэсавэ барэ мануша анда хохавнэ веры розындярэн о хохаимос пала лэ Иеговастирэ свидетеля. Кадэлэса вонэ камэн тэ одындярэн лэ манушэн лэ чачимастар. Если амэ ласа тэ доԥэнас лэнди пэско чи тэ адиносарас лэндирэ книжки, тэ зажас пэ лэндирэ странички или пэ лэндирэ сайторя, тэ диқас лэндирэ видеоря, када можэт тэ анэн каринг и бида. Пала кодэла, ко камэн, кай амэ тэ ашавас лэ Иеговас андэ Матфея 15:14 пистромэ: «На шон сама пэр лэндэ. Вонэ корэ и екжэнэ на ӷанэн каринг жан. Ай если о коро андярэл лэ корэс, тоди лэдуй пэрэна андэ яма».

Ай со, если варико анда свидетеля, кас амэ драго ӷанас, ԥэнэн амэнди, кай будэр на камэл тэ служый лэ Иеговасти. Ай если када о мануш, саво амэнди фартэ куч? Кадэлэстар можэт тэ ашэл инке май ԥарэс. Кацаво мануш можэт тэ ԥэнэн, кай амэ тэ витидас, или дружба лэса, или тэ ашаспэ лэ Иеговаса (Матфея 10:37). Андэ кацави время трэбуй тэ сэрас, кай важ амэндэ со май ӷлавно — када тэ ашаспэ предани лэ Иеговасти. Важ када амэ кандас лэс и будэр на дас дума кацавэ манушэнца. (Адиносар 1 Коринфянам 5:11.)

2. Дицол амари преданость лэ Иеговасти па кода, со амэ витидас?

Амэ любисарас лэ Иеговас, и важ када нисар на ласа тэ сԥандювас ла хохавня вераса. Амэ на камас тэ терас нисави бути, и нисо авэр, со сԥангло ласа. Инке тэ на авас ни андэ сави арӷанизацыя, сави сԥангли кадяжэ ла хохавня вераса и на камас нисар ла тэ подритярас. О Иегова ԥэнэн амэнди: «Вижа [анда Вавилоно Велико], мэрно народо» (Откровение 18:2, 4).

 УӶАНАМ МАЙ БУТ

3. Фэринпэ кодэлэндар, ко сытярэл лэ хохаимасти пала Дэл

Со тэ терас, кала ашунас хохаимос пала лэ Иеговастири арӷанизацыя? Адиносарам Притчи 14:15 и подам дума пала вопросо, саво май тэлэ.

• Васо на трэбуй тэ патяс всаворэсти, со ашунас?

Адиносарам 2 Иоанна 10 и подам дума пала вопросоря, савэ май тэлэ.

• Сар трэбуй тэ андярас пэс лэ отступниконэнца?

• Дажэ если амэ на дас дума лэ отступниконэнца, сар можэт тэ вижал, кай амэ всаек ашунаса лэндирэ вэрыти гиндоря?

• Со авэла по ди кай о Иегова, если амэ ласа тэ уӷанас, со и отступникоря дэн дума пала Иегова и пала лэстири арӷанизацыя?

4. На параш тэ кандэс лэ Иеговас, кала андэ собрания варико тердя бэзэх

Со амэ трэбуй тэ терас, кала уӷанас, кай варико андэ собрания стердя бэзэх? Подаса дума пала принцыпо анда Законо, саво дя о Дэл лэ израильтянонэнди. Адиносарам Левит 5:1.

Андэ кадэва стихо пистромэ, кай амэ трэбуй тэ росԥэнас лэ старейшынонэнди, кай о мануш анда собрания, стердя бэзэх. Но англа када авелоп фэдэр тэ подас дума кодэлэса, ко стердя бэзэх, кай во екжэно тэ пашол кай и старейшыноря, кай тэ прижандёл. Если во када на стерэла тоди, важ кода кай амэ любисарас и кандас лэ Иеговас, амэ екжэнэ росԥэнаса лэ старейшынонэнди кода, со уӷанглям. Если амэ кадя тераса, сар када сыкавэла амари любовь анда оди:

• каринг о Иегова?

• каринг кодэва, ко стердя бэзэх?

• каринг авэр ԥрала и ԥэя андэ собрания?

 5. На терэн нисо, со сԥангло с Вавилоном Великим

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай трэбуй тэ на дас дума кодэлэнца, ко придя лэ Иеговас, кай тэ ашаспэ предани лэсти. Кадяжэ трэбуй тэ на авас сԥанглэ нисавя хохавня вераса.

Сар ту гиндос?

• Васо амэ на диқаспэ, на адиносарас и на ашунас лэ отступниконэн?

• Со трэбуй тэ гиндосарас пала кодэла, ко будэр на камэл тэ авэл лэ Иеговаско свидетелё?

• Сар тэ полас о гиндо, кай трэбуй тэ вижас анда хохавни вера?