සැබෑ ක්‍රිස්තියානීන්ට ඕනෙ හැමදාටම යෙහෝවා දෙවියන්ට නමස්කාර කරන්න. කිසිම දෙයක්, කිසිම කෙනෙක් නිසා එයාලා ඒ නමස්කාරය නතර කරන්නේ නැහැ. ඔයාට ඕනෙත් ඒ දේම කරන්න කියලා කිසිම සැකයක් නැහැ. ඒ වෙනුවෙන් ඔයා ගන්න උත්සාහය යෙහෝවාට ගොඩක් වටිනවා. (1 ලේකම් 28:9 කියවන්න.) යෙහෝවාට දිගටම ළැදිව ඉන්න එක ඔයාට අමාරු වෙන්න පුළුවන් මොන වගේ අවස්ථාවලදීද? ඒවාට මුහුණ දෙන්න ඔයාට උදව් වෙන්නේ මොකක්ද?

1. යෙහෝවාව අත්හරින්න අනිත් අය අපිව පොලඹවන්න පුළුවන් කොහොමද?

යෙහෝවාට අපි කරන නමස්කාරය නතර කරන්න සමහරු උත්සාහ කරයි. ඔහුට නමස්කාර කරන එක නවත්තපු සමහර අය ඔහුගේ සංවිධානය ගැන බොරු තොරතුරු පතුරුවනවා. සත්‍ය ඉගැන්වීම්වලට විරුද්ධව කැරලිගහන ඒ අයට ඕනෙ අපි ඇති කරගත්ත විශ්වාසය නැති කරන්න. සමහර ආගමික නායකයනුත් අපි ගැන බොරු දේවල් කියනවා. එච්චර හිතලා බලලා වැඩ කරන්නේ නැති අය ඒ බොරු විශ්වාස කරලා සත්‍ය මාර්ගයෙන් අයින් වෙන්න පෙලඹෙන්න පුළුවන්. දෙවියන්ට විරුද්ධව වැඩ කරන ඒ ඕනෙම කෙනෙක් එක්ක වාදවලට පැටලෙන එක, එයාලගේ පොත් පත් සහ ඉන්ටර්නෙට් එකට දාන තොරතුරු කියවන එක, එයාලගේ වීඩියෝ බලන එක හරිම භයානකයි. මොකද එයාලා හදන්නේ යෙහෝවාට කරන නමස්කාරය අත්හරින්න අපිව පොලඹවන්නයි. ඒ වගේ අය ගැන යේසුස් මෙහෙම කිව්වා. “ඔවුන් ඔහේ සිටියාවේ. ඔවුන් අන්ධ මඟ පෙන්වන්නෝ වගෙයි. අන්ධ මිනිසෙක් තවත් අන්ධ මිනිසෙකුට මඟ පෙන්නුවොත් ඒ දෙදෙනාම වළක වැටෙයි.”—මතෙව් 15:14.

අපි අඳුරන කෙනෙක් තවදුරටත් යෙහෝවා දෙවිගේ සාක්ෂිකරුවෙක් වෙලා ඉන්න කැමති නැහැ කියලා තීරණය කරන්න ඉඩ තියෙනවා. අපි ආදරේ කරන කෙනෙක් ඒ වගේ තීරණයක් ගත්තොත් ඒක අපිට ලොකු දුකක්. සමහරවිට එයා කියයි “ඔයා දිගටම යෙහෝවාට නමස්කාර කළොත් මං ඔයාව අත්අරිනවා” කියලා. ඒ වගේ වෙලාවට අපි මතක තියාගන්න ඕනෙ අපේ ජීවිතේ වැදගත්ම දේ යෙහෝවාට ළැදිව ඉන්න එක කියලා. (මතෙව් 10:37) ඒකයි අපි ඒ වගේ අය ආශ්‍රය කරන්න එපා කියලා යෙහෝවා දීලා තියෙන ආඥාවට කීකරු වෙන්නේ.—1 කොරින්ති 5:11 කියවන්න.

2. අපි යෙහෝවාට ළැදියි කියලා පේන්නේ අපි ගන්න මොන තීරණවලින්ද?

අපි යෙහෝවාට ආදරේ නිසා බොරු ආගම්වලට සම්බන්ධ කිසිම දේකට සම්බන්ධ වෙන්නේ නැහැ. අපි කරන රස්සාව, අපි බැඳිලා ඉන්න සමිතියක්, සංවිධානයක් නැත්නම් කරන ඕනෙම දෙයක් කිසිම විදිහකින් බොරු ආගම්වලට සම්බන්ධ නැහැ කියලා අපි ස්ථිර කරගන්න ඕනේ. මොකද යෙහෝවා අපිට කියන්නේ “මාගේ සෙනඟෙනි, [මහ බැබිලෝනිය] අත්හැර පිටතට එන්න” කියලා.—එළිදරව් 18:2, 4.

 තවත් හොයමු

3. බොරු ගුරුවරුන්ගෙන් පරෙස්සම් වෙන්න

යෙහෝවා දෙවියන්ගේ සංවිධානය ගැන බොරු තොරතුරු අහන්න ලැබුණොත් ඔයා මොනවාද කරන්න ඕනේ? හිතෝපදේශ 14:15 කියවලා මේ ප්‍රශ්නය ගැන කතා කරන්න.

• අපිට අහන්න ලැබෙන හැම දෙයක්ම විශ්වාස නොකර ඉන්න අපි පරෙස්සම් වෙන්න ඕනෙ ඇයි?

2 යොහන් 10 කියවලා මේ ප්‍රශ්න ගැන කතා කරන්න.

• සත්‍ය ඉගැන්වීම්වලට විරුද්ධව කැරලිගහන අය එක්ක අපි වැඩ කරන්න ඕනෙ කොහොමද?

• ඒ වගේ අය එක්ක අපි කතා කරන්නේ නැති වෙන්න පුළුවන්. ඒත් එයාලගේ අදහස් අපේ මනසට යන්න පුළුවන් අපි මොන වගේ දේවලින් පරෙස්සම් වුණේ නැත්නම්ද?

• යෙහෝවා ගැන, ඔහුගේ සංවිධානය ගැන කියන බොරු දේවලට අපි සවන් දුන්නොත් ඒ ගැන යෙහෝවාට කොහොම දැනෙයිද?

4. සහෝදරයෙක් වරදක් කරනවා දැක්කත් ඔයා ළැදි යෙහෝවාට කියලා පෙන්නන්න

සභාවේ කෙනෙක් බරපතළ වරදක් කරලා තියෙනවා කියලා අපි දැනගත්තොත් අපි මොකක් කරයි කියලාද දෙවියන් බලාපොරොත්තු වෙන්නේ? ඒක තේරුම්ගන්න උදව් වෙන දෙයක් දෙවියන් ඊශ්‍රායෙල්වරුන්ට දුන්න නීතියේ තියෙනවා. ලෙවී කතාව 5:1 කියවන්න.

ඒ පදයේ කියන විදිහට කෙනෙක් බරපතළ වරදක් කරලා තියෙනවා කියලා අපි දන්නවා නම් දන්න හැම දෙයක්ම අපි වැඩිමහල්ලන්ට කියන්න ඕනේ. හැබැයි එහෙම කරන්න කලින් වරද කරපු කෙනාටම ඒ ගැන වැඩිමහල්ලන්ට කියන්න කියලා උනන්දු කරන්න අපිට පුළුවන්. ඒක අපි එයා ගැන සැලකිලිමත් කියලා පෙන්නන විදිහක්. හැබැයි එයා ඒ ගැන වැඩිමහල්ලන්ට කියන්නේ නැත්නම් යෙහෝවාට ළැදිව ඉන්න අපිට තියෙන ආසාව නිසා අපි ඒ ගැන වැඩිමහල්ලන්ට කියනවා. ඒ ගැන වැඩිමහල්ලන්ට කියන එකෙන් අපි . . .

• යෙහෝවාට ළැදියි කියලා පේන්නේ කොහොමද?

• වරද කරපු කෙනාට ආදරෙයි කියලා පේන්නේ කොහොමද?

• සභාවේ ඉන්න අනිත් අයට ආදරෙයි කියලා පේන්නේ කොහොමද?

 5. මහ බැබිලෝනියෙන් ඉවත් වෙලා ඉන්න

 ඉගෙනගත්ත දේ

දිගටම යෙහෝවාට ළැදිව ඉන්න නම් ඔහුව අත්හැරපු අයව අපි ආශ්‍රය නොකර ඉන්න ඕනේ. බොරු ආගමෙන් සම්පූර්ණයෙන්ම අයින් වෙන්නත් ඕනේ.

ඔයා හිතන්නේ මොකක්ද?

• සත්‍ය ඉගැන්වීම්වලට විරුද්ධව කැරලිගහන අයගේ අදහස් තියෙන දේවල් කියවන්න, බලන්න සහ ඒවාට සවන් දෙන්න හොඳ නැත්තේ ඇයි?

• සාක්ෂිකරුවෙක් වෙලා ඉන්න කැමති නැති අය එක්ක අපි වැඩ කරන්න ඕනෙ කොහොමද?

• බොරු ආගමෙන් ඉවත් වෙන්න කියලා දීපු අනතුරු ඇඟවීමට අපි කීකරු වෙන්නේ කොහොමද?