Të krishterët e vërtetë nuk lejojnë kurrë askënd dhe asgjë të bëhet pengesë në adhurimin që i bëjnë Jehovait. Patjetër që kështu ndihesh edhe ti. Jehovai e çmon besnikërinë tënde. (Lexo 1 Kronikave 28:9.) Në cilat situata mund të vihet në provë besnikëria jote ndaj Jehovait, dhe si mund t’i përballosh ato?

1. Si mund të na e vënë në provë të tjerët besnikërinë ndaj Jehovait?

Disa do të bëjnë çmos që ne të mos i shërbejmë Jehovait. Por cilët janë këta persona? Disa që janë larguar nga e vërteta, përhapin gënjeshtra për organizatën e Perëndisë sepse duan të na shkatërrojnë besimin. Këta persona quhen apostatë. Përveç tyre, disa krerë fetarë shpifin për ne, që të largojnë nga e vërteta ata që janë naivë. Është e rrezikshme të debatojmë me këdo që është kundërshtar i së vërtetës. Veç kësaj, nuk lexojmë librat e blogjet e tyre, nuk vizitojmë sitet dhe as nuk shikojmë videot e tyre. Për ata që përpiqen t’i pengojnë të tjerët t’i shërbejnë Jehovait me besnikëri, Jezui tha: «Mos u merrni me ta. Ata s’janë veçse udhërrëfyes të verbër. E nëse një i verbër drejton një të verbër, të dy do të bien në gropë.»—Mateu 15:14.

Po nëse dikush që njohim, nuk dëshiron të jetë më Dëshmitar i Jehovait? Kur këtë vendim e merr një nga personat tanë të dashur, kjo gjë mund të e na thyejë zemrën. Ai mund të na bëjë presion të zgjedhim midis atij dhe Jehovait. Megjithatë, gjëja më e rëndësishme për ne është t’i qëndrojmë besnikë Perëndisë. (Mateu 10:37) Ja pse i bindemi urdhrit të Jehovait për të mos u shoqëruar me persona të tillë.—Lexo 1 Korintasve 5:11.

2. Si mund të na e vënë në provë besnikërinë ndaj Jehovait vendimet që marrim?

Dashuria për Jehovain do të na shtyjë të shmangim çdo gjë që ka lidhje me fetë e rreme. Kështu, as puna, as shoqatat ku bëjmë pjesë dhe as ndonjë aktivitet tjetër ku përfshihemi, nuk duhet të ketë lidhje me fetë e rreme. Jehovai na paralajmëron: «Dilni prej [Babilonisë së Madhe], o populli im.»—Zbulesa 18:2, 4.

 SHQYRTO MË TEJ

3. Ruhu nga mësuesit e rremë

Si duhet të reagojmë nëse dëgjojmë komente negative për organizatën e Jehovait? Lexoni Proverbat 14:15 dhe më pas diskutoni për këtë pyetje:

• Pse nuk duhet të besojmë çdo fjalë që dëgjojmë?

Lexoni 2 Gjonit 10 dhe më pas diskutoni për këto pyetje:

• Si duhet të sillemi me apostatët?

• Edhe nëse nuk flasim drejtpërdrejt me apostatët, në ç’mënyra mund të ekspozohemi ndaj mësimeve të tyre?

• Sipas teje, si do të ndihej Jehovai nëse do t’ua vinim veshin komenteve negative për të apo për organizatën e tij?

4. Qëndroji besnik Perëndisë kur një vëlla a motër mëkaton

Ç’duhet të bëjmë kur marrim vesh se dikush në kongregacion ka bërë një mëkat të rëndë? Të shqyrtojmë një parim që del në pah nga ligji që Perëndia i dha Izraelit të lashtë. Lexoni Levitikun 5:1.

Sipas asaj që tregon vargu, nëse marrim vesh që dikush ka kryer një mëkat të rëndë, duhet t’u tregojmë pleqve gjithçka që dimë. Por, para se të bëjmë këtë, do të ishte e dashur ta nxitnim keqbërësin të shkonte vetë te pleqtë e t’ua rrëfente mëkatin. Nëse ai nuk e bën, tregojmë se jemi besnikë ndaj Jehovait kur u themi pleqve gjithçka që dimë. Pse kur veprojmë kështu, tregojmë dashuri besnike . . .

• për Perëndinë Jehova?

• për personin që ka mëkatuar?

• për të tjerët në kongregacion?

 5. Rri larg nga Babilonia e Madhe

 PËRMBLEDHJE

Që t’i qëndrojmë besnikë Jehovait, duhet të shmangim shoqërinë me ata që nuk janë besnikë ndaj tij. Gjithashtu duhet të ndërpresim çdo lidhje me fetë e rreme.

Si do të përgjigjeshe?

• Pse nuk duhet të shohim, të lexojmë a të dëgjojmë asgjë që përmban mendime të apostatëve?

• Si duhet të sillemi me ata që nuk duan të jenë më Dëshmitarë të Jehovait?

• Si ia vëmë veshin paralajmërimit për t’u larguar nga fetë e rreme?