Rü aicumaü̃tchi õgütanüü̃gü rü tama nanawaꞌegü na taúemaü̃ na Yeuwana tüü̃ naĩgatchiẽẽ. Yeuwa cumaã ãũrima nataãẽ ngẽguma curü ngútchaü̃maã naga cuĩnüamagu. (Nawa naugütae 1 Crônicas 28:9) Taꞌacü tá nanachieẽẽ i curü õ rü taꞌacü tá cuü?

1. Nhuãcü tá togü i duü̃ü̃gü tüü̃ naüẽẽ na Yeuwana tiĩgatchi?

Nümaü̃ i duü̃ü̃gü nanawaꞌegü na yiemagü tama Yeuwaga taĩnüe. Notürü teé tanaü tá i ngẽma? Nümaü̃ i duü̃ü̃gü rü Yeuwana naĩgatchi rü doraü̃ niugügu i Yeuwatchiga rü norü organizaçãotchiga rü torü õ inayanaoẽẽü̃caꞌ. Rü ngẽma natücumü rü naãégaü̃ rü apóstatagü. Rü ngẽmaétüwa i nümaü̃gü i ãẽꞌgacügü i yaõgü rü doraü̃ niugü rü nanaügü na duẽẽgüü̃ nawomüẽẽgüü̃ na nüna tiĩgatchigüü̃caꞌ i Yeuwaarü natücumü. Naãü̃cümaü̃tchi namaã ideagüü̃ ngẽma doraü̃ iugügüü̃ rü nawa iugütaegüü̃ i norü poperagü rü nüü̃ idau i norü site rü norü vídeogü. Ngetchutchu rü nüü̃ niu natchiga i yema duü̃ü̃gü inaügüü̃ na duẽẽgü iyatchaãtchigüẽẽü̃ na Yeuwawe tarüĩü̃: “Rü nüe̱tama i ngẽma Parichéugü, erü namaãrü cua̱xruü̃gü i ngexetüxü̃rüü̃ nixĩgü. Rü ngẽxguma wüxi i ngexetüxü̃ rü naxrüü̃ ngexetüxü̃maã inacua̱xgu rü ngürüãchi ngẽma taxre rü wüxi i ãxmaxü̃gu tá nügümaã nayayicu.” — Mateu 15:14.

Rü ngẽguma tchi wüi duü̃ü̃ nüü̃ cucuaꞌü̃ iyatchaãtchigu rü Yeuwana yaũgatchigu i nanayaugu na tama marü Yeuwaarü Orearü Uruü̃ niĩtchaü̃gu, taꞌacü tá cuma cuüü̃? Rü ãũrima tangetchaü̃gü ngẽguma yíema duü̃ẽ tüü̃ ngetchaü̃tchie Yeuwana tiũgatchigu. Rü yíema duü̃ẽ rü nhuguãcü tá tanaü na tümacüwawa iügüü̃ rü tama Yeuwaarü mugücüwawa. Rü tanawaꞌegü na yaõgüü̃ i Yeuwaãü̃ i guü̃ma i ngẽmaü̃güarü yeera. (Mateu 10:37) Rü ngẽmacaꞌ naga taĩnüe i Yeuwaarü mugüchiga na tama namaã iãmücüü̃ rü namaã ideagüü̃ i ngẽma duü̃ü̃gü i Yeuwana iũgatchigüü̃. — Nawa naugütae 1 Coríntios 5:11.

2. Nhuãcü ngẽma i yaugüü̃wa rü tanaweꞌgü na Yeuwagu yaõgüü̃?

Rü Yeuwaü̃ i ngetchaü̃ü̃gagu rü tama tanawaꞌe natanüwa tangemagü i natücumü yaõgüneta. Rü ngẽmacaꞌ tama natanüwa tangemagü i ngeü̃rüümare i natücumügü i yaõgünetaü̃tanüwa ngẽmagüü̃ rü tama tanaü nacaꞌ ngetámare puracü urü to ngemaü̃gü. Yeuwa tüü̃ namu: ‘Rü guãma i pema ya tchorü duü̃ü̃gü iĩgüe, rü ípetchoü̃ nawa ya yima ĩãne ya taü̃ne ya Babiróniã.’ — Apocaríchiu 18:2, 4.

 YEERA NÜÜ̃ CUCUAꞌ

3. Nacaꞌ nauãẽ i ngẽma duü̃ü̃gü inguꞌẽẽruü̃güneta

Taꞌacü taügü tchi nüü̃ taĩnüegu rü tchiri nideagü i Yeuwaarü organizaçãotchiga? Nawa naugütae Provérbios 14:15. Yicama pegümaã pideagü ngẽmatchiga:

• Tüꞌcüü̃ nacaꞌ tauãẽgü na tama nagu tayõgüü̃caꞌ i guü̃ma i taꞌacü nüü̃ taĩnüe?

Nawa naugütae 2 Juã́ũ 10. Yicama pegümaã pideagü ngẽmatchiga:

• Ngẽma wetchircuruwa, taꞌacü niĩ i ucuꞌẽ tüna naã i Yeuwaarü uwanügütchiga?

• Nüü̃ tacuaꞌgü na tama name rü ngẽma duü̃ü̃gümaã tidea. Notürü nhuãcü tá ngẽma Yeuwaarü uwanügüarü ĩnü tüü̃ natchieẽẽ?

• Taꞌacü Yeuwa nagu narüĩnü tchi tomagü nüü̃ taĩnüegu ngẽma duü̃ü̃gü tchiri ideagüü̃ i Yeuwatchiga rü norü organizaçãotchiga?

4. Yeuwamaã tiaicumagüü̃ woo wüi taeneẽ poraãcü pecadu naü

Ngẽguma tchi nüü̃ tacuaꞌgügu na wüi duü̃ü̃ poraãcü pecadu naüü̃, taꞌacü tá taügü? Nüü̃ nadau i taꞌacü Tupana nüü̃ niu ga Iraéanecüãꞌgücaꞌ. Nawa naugütae Levítico 5:1. “Tchi wüi duü̃ü̃na naugu naca duü̃ü̃güpeꞌewa nidea ga wüi pecadutchiga na nüü̃ nadau ga to duü̃ü̃ naüü̃ urü na nüü̃ naĩnüü̃ ga ngẽma pecadutchiga rü tama nidea i ngẽmatchiga nhumatchi rü ta wüi pecadu naü rü ngẽmagagu nüü̃ napocuü̃.”

Ngẽma wetchicuru nanaweꞌ, ngẽguma tchi nüü̃ tacuaꞌgügu na wüi duü̃ü̃ poraãcü pecadu naüü̃ rü tanawaꞌegü i anciãogümaã nüü̃ tiugü i ngẽmatchiga. Notürü name niĩ i nüiraü̃ rü nüü̃́ tanangútchaü̃ẽẽ i ngẽma duü̃ü̃ na anciãogümaã nüü̃ niuü̃caꞌ i norü pecadutchiga. Tchi ngẽma duü̃ü̃ tama anciãogümaã nüü̃ niutchaü̃gu, rü nhuꞌmatchi tórü Yeuwaü̃ ingetchaü̃gagu tanawaꞌegü i anciãogümaã nüü̃ tiugü i taꞌacü nüü̃ tacuaꞌgü i ngẽmatchiga.

• Nhuãcü tanaü i ngẽma nanaweꞌ na nüü̃ tangetchaü̃gü ya Yeuwa?

• Nhuãcü tanaü i ngẽma nanaweꞌ na nüü̃ tangetchaü̃gü i ngẽma duü̃ü̃?

• Nhuãcü tanaü i ngẽma nanaweꞌ na nüü̃ tangetchaü̃gü i togü i yaõgüü̃tücumüwa?

 5. Rü taü̃ne ya Babiróniãna iũgatchi

 TAꞌACÜ MARÜ NÜÜ̃ CUCUAꞌ?

Rü tanawaꞌegü Yeuwamaã tiaicumaü̃güama. Rü ngẽmacaꞌ nüü̃ tarüoe i ngẽma duü̃ü̃gü na Yeuwaarü uwanügü iĩgü. Rü ta, tanawaꞌegü rü yaõgüü̃tücumünetana tiĩgatchi.

Ngeü̃rüüü̃ i curü ngaü̃?

• Tüꞌcüü̃ tama nüü̃ tadawenü rü taugütaegü rü nüü̃ taĩnüe i taꞌacü nagu narüĩnüe i ngẽma Yeuwaarü uwanügü iĩgü?

• Taꞌacü taü tchi wüi duü̃ü̃ tama Yeuwaarü Orearü Uruü̃ niĩtchaü̃gu?

• Nhuãcü naga taĩnüe i ucuꞌẽ na yaõgüü̃tücumünetana iĩgatchiü̃caꞌ?