Isanyň hakyky şägirtleri hiç kime we hiç zada Ýehowa bilen dostlugyny bozmaga ýol bermeýär. Senem Ýehowa bilen dostlugyňy saklamak üçin eliňde baryny edýänsiň. Ýehowa-da seniň wepalydygyňy görýär (1 Taryh 28:9-y oka). Ýöne käbir ýagdaýlarda Hudaýa wepaly bolmak aňsat däl. Şeýle ýagdaýlarda nädip berk durup bilersiň?

1. Käbir adamlar Ýehowa wepaly bolmaga nädip päsgel berip biler?

Käbir adamlar seniň Ýehowa gulluk etmegiňi islemeýär. Meselem, imandan dänenler. Olar bir wagt Ýehowa gulluk edip, soňra ondan ýüz öwren adamlar. Indi olar seni hem Ýehowadan ýüz öwürtjek bolup, Hudaýyň guramasy barada ýalan zatlary ýaýradýarlar. Ýalan zatlary diňe olar däl, dini ýolbaşçylaram ýaýradýar. Olar sada, ynanjaň adamlary aldap, Ýehowadan daşlaşdyrjak bolýar. Sen olaryň aýdýan zatlarynyň ýalandygyny subut etjek bolup, Internetde ýazan zatlaryny we kitaplaryny okasaň, saýtlaryna girseň, wideolaryny görseň, onda duzaga düşersiň. Isa pygamber imandan dänenler barada şeýle diýdi: «Olara üns bermäň, olar kör ýolbaşçylardyr. Eger kör köri idip ýol görkezse, ikisi-de çukura gaçar» (Matta 15:14).

Dost-ýarlaryňdan ýa-da maşgala agzalaryňdan biri Ýehowadan ýüz öwrüp, hakykatdan gitse, hasam kyn bolýar. Belki, ol saňa: «Ýa meni, ýa-da Ýehowany saýla» diýip, şert goýmagy mümkin. Şeýle ýagdaýda biz diňe Ýehowa gulluk etmegi we wepaly bolmagy saýlamaly (Matta 10:37). Biz Hudaýa gulak asyp, imandan dänenler bilen gatnaşmaly däl (1 Korinfliler 5:11-i oka).

2. Ýene haýsy ýagdaýlarda Ýehowa wepaly bolmaly?

Ýehowany ýürekden söýsek, ýalan din bilen bagly ähli zatdan gaça durarys. Şeýle-de biz ýalan din bilen bagly işlerde işlemeris, däp-dessurlaryna, çärelerine gatnaşmarys. Ýehowa bize: «Eý halkym... (Beýik Wawilondan, ýagny ýalan dinden) çykyň!» diýýär (Ylham 18:2, 4).

 SÖHBETDEŞLIK

3. Hudaý baradaky ýalan zatlara ynanmaň

Biri Ýehowanyň guramasy barada ýalan zatlary aýdyp başlasa, onda näme etmeli? Nakyllar 14:15-i okap, aşakdaky sorag boýunça gürrüňdeş boluň.

• Näme üçin her bir gepe ynanmaly däl?

2 Ýahýa 10-y okap, aşakdaky soraglar boýunça gürrüňdeş boluň.

• Imandan dänenler bilen özümizi nähili alyp barmaly?

• Imandan dänenler bilen gatnaşmasak-da nädip duzaga düşüp bileris?

• Ýehowa we onuň guramasy barada aýdylýan ýalan zatlar bilen gyzyklansak, Ýehowa nähili täsir eder?

4. Mesihçilerden biri agyr günä etse, Hudaýa wepaly bol

Bir doganyň ýa uýanyň agyr günä edendigini bilsek, onda näme etmeli? Geliň, Hudaýyň ysraýyl halkyna beren kanunyndaky prinsipe seredeliň. 3 Musa 5:1-i okaň.

Aýatdan görnüşi ýaly, dogan-uýalardan biriniň agyr günä edendigini bilseň, ýaşululara bar zady aýtmaly. Ýöne, ilki bilen, günäkäriň özüni eden günäsini ýaşululara aýtmaga höweslendirmeli. Eger özi aýtmasa, onda biz ýaşululara aýdyp, Ýehowa wepaly bolmaly. Şeýle ýagdaýda... wepalydygyňy we söýýändigiňi nädip görkezýärsiň?

• Ýehowa Hudaýa...

• günäkäre...

• dogan-uýalara...

 5. Ýalan dinden çykyň

 GAÝTALAMAK

Ýehowa wepaly bolmak üçin imandan dänen adamlar bilen arany kesmeli. Olar bilen gatnaşmaly däl. Şeýle-de ýalan dinden çykmaly.

Jemleýji soraglar

• Näme üçin imandan dänenleriň kitaplaryny, Internetde ýazýan zatlaryny okamaly däl we wideolaryny görmeli däl?

• Öň Ýehowanyň Şaýady bolup, Hudaýdan ýüz öwren adamlar bilen özümizi nähili alyp barmaly?

• Ýalan dinden çykyň diýen duýduryşa nädip gulak asyp bileris?