CHIIYO 58
Kkala Kusyomeka Kuli Jehova
MaKristu bachoonzyo taakwe chintu naakuti muntu uukonzya kubakasya kuti bakombe Jehova. Kweelede anduwe mbumvwa mbuboobo. Jehova ulabotelwa akusyomeka kwako. (Bala 1 Makani 28:9.) Nziizili zyiimo zikonzya kusunka lusyomo lwako alubo niinzi nzweelede kuchita muzyiimo eezyo?
1. Kujana bamwi bantu balusunka biyeni lusyomo lwesu?
Bamwi bantu balakonzya kweezya kutukachizya kukomba Jehova. Mbaani bakonzya kutulesya? Bamwi bantu bakasiya kasimpe baambuula zintu zyakubeja atala ambunga yaLeza kabayanda kuti tuleke kusyomeka kuli Jehova. Bantu aabo bategwa mbaasiluleyo. Alubo bamwi bapati bazikombelo baambuula makani mabi atala andiswe kabayanda kuti bamwi basiye kasimpe. Nkinkaako, tatweelede kukazyania aabasikukazya, kubala mabbuku aabo, kunjila mumawebbusayiti aabo naakuti kweebela mavidiyo aabo. Naakali kwaambuula atala abantu bayanda kukachizya bamwi kusyomeka kuli Jehova, Jesu wakaamba kuti: “Amubaleke buyo. Mbasololi boofwu. Ikuti moofwu keenzya moofwunyina, boonse bobilo bayoowida mumulindi.”—Matayo 15:14.
Kujana twachita biyeni kuti umwi katachiyandi pe kuba Kamboni waJehova? Zilakonzya kutuchisa loko kuti muntu wachita oobo kali bbululu wesu. Muntu ooyo ulakonzya kupa kuti tusale kuba kubbazu lyakwe naakuti kubbazu lyaJehova. Tweelede kukkala katusyomeka kuli Jehova kwiinda zintu zyoonse. (Matayo 10:37) Tweelede kuswiilila mulawu waJehova wakuti tutaliswaanizyi aabantu basiya kasimpe.—1 Bakorinto 5:11.
2. Nzitusala kujana zyalusunka biyeni lusyomo lwesu?
Kuyanda Jehova kulakonzya kutugwasya kuti tutantamuke zintu zilaachakuchita abukombi bwakubeja. Mulimu wesu naakuti kufumbwa zintu nzituchita tazyeelede kubaachakuchita pe abukombi bwakubeja. Jehova utuchenjezya kuti: “Amuzwe mulinguwe [Bbabbuloni Mupati], nobantu bangu.”—Ciyubunuzyo 18:2, 4.
YIYA ZYIINGI
Bona mbukonzya kutantamuka zintu zikonzya kusunka lusyomo lwako. Alubo bona mbukonzya kusyomeka kuli Jehova kwiinda mukuzwa muli Bbabbuloni Mupati.
3. Tantamuka bayiisi bakubeja
Tweelede kuchita biyeni kuti twamvwa bantu baambuula makani mabi atala ambunga yaJehova? Bala Tusimpi 14:15, mpawo musandule mubuzyo uutobela:
-
Nkamboonzi nituteelede kusyoma kufumbwa makani ngitwamvwa?
Bala 2 Johane 10, mpawo musandule mibuzyo iitobela:
-
Tweelede kubabona biyeni basiluleyo?
-
Nikuba kuti teetwabonana chantongola meso abasiluleyo, niinzi nzitweelede kutantamuka kuti tutaliswaanizyi anjiisyo zyabo?
-
Ubonaanga Jehova umvwa biyeni kuti twakkala katuswiilizya makani mabi atala anguwe naakuti ambunga yakwe?
4. Kkala kusyomeka kuli Jehova kuti umwi wachita chibi
Kuti twaziba kuti umwi mumbungano wachita chibi chipati, niinzi nzitweelede kuchita? Atubone malayilile aali muMulawu Leza ngwaakapede maIsrayeli. Bala Levitiko 5:1.
Mbuli mbutwabona muvesi eeyi, kuti twaziba kuti umwi wakachita chibi chipati, tweelede kubuzya baalu. Katutanayinka kubaalu, tweelede kusaanguna kubuzya sikubisya kuti ayinke kubaalu akaambe chibi chakwe. Kuti taayinka, tweelede kusyomeka kuli Jehova kwiinda mukubuzya baalu atala ankani eeyo. Kuchita oobo kutondeezya biyeni kuti tuyanda . . .
-
Jehova Leza?
-
sikubisya?
-
bamwi mumbungano?
Kuti mukombinyokwe waswaana penzi, mugwasye!
5. Zwa muli Bbabbuloni Mupati
Bala Luka 4:8 a Ciyubunuzyo 18:4, 5 mpawo musandule mibuzyo iitobela:
-
Zina lyangu lichilembedwe na kuchikombelo chakubeja?
-
Ndiliswaanizya aakabunga kasumpulwa aachikombelo chakubeja na?
-
Mulimu ngundibeleka usumpula bukombi bwakubeja na?
-
Kulizimwi zintu na nzindeelede kusiya zisumpula bukombi bwakubeja?
-
Kuti wasandula kuti iiyi kumibuzyo eeyi, niinzi nzweelede kuchita kuti uchinche?
Muzyiimo zyoonse, weelede kusala zintu zitape kuti utalipi mulandu pe alubo weelede kukkala kusyomeka kuli Jehova.
Kujana wachitaanzi kuti wakumbilwa kuti ugwasilizye muzintu zilaachakuchita abukombi bwakubeja?
BAMWI BAAMBA KUTI: “Ndeelede kuziba nzibaamba basiluleyo atala aBakamboni baJehova kuchitila kuti ndibabuzye kasimpe.”
-
Kulikabotu na kuchita oobo? Nkamboonzi?
CHIFWIINSYO
Kuti tukkale katusyomeka kuli Jehova, tweelede kutantamuka bantu batasyomeki kulinguwe. Alubo tatweelede kuliswaanizya aachikombelo chakubeja pe.
Mibuzyo Yakwiindulula
-
Nkamboonzi nituteelede kweebela, kubala naakuti kuswiilizya zyaambwa aabasiluleyo?
-
Tweelede kubabona biyeni bantu batachiyandi kuba Bakamboni baJehova?
-
Kujana twatondeezya biyeni kuti tulikuchija bukombi bwakubeja?
YANDUULISISYA
Bona nzweelede kuchita kuti bamwi baamba makani mabi atala aBakamboni baJehova.
Kujana wakabona biyeni kabunga naakuti milimu iisumpula Bbabbuloni Mupati?
Niinzi nzibakachita bamwi basikukazya nibakali kuyanda kusunka lusyomo lwesu?
Muchiiyo chitii, “Ndakali Kuyanduula Leza Kuzwa Kandichili Muniini,” bona chakagwasya umwi mwaalumi wakali mupayizi kuti asiye chikombelo chakubeja.
“Bbayibbele Lilakonzya Kubachincha Bantu” (The Watchtower, July 1, 2011)
