SAMBIRO 58
Lutilirani Kugomezgeka kwa Yehova
Ŵakhristu ŵaunenesko ŵakuzomerezga yayi kuti chinthu chilichose chinange ubwezi wawo na Yehova. Panji ndimo namwe mukuwonera. Yehova wakukondwa chomene para mukugomezgeka kwa iyo. (Ŵazgani 1 Midauko 28:9.) Kasi ni vinthu wuli ivyo vingapangiska kuti muleke kugomezgeka kwa Yehova, ndipo mungachita wuli kuti mulutilire kugomezgeka?
1. Kasi ŵanthu ŵangapangiska wuli kuti muleke kugomezgeka kwa Yehova?
Ŵanthu ŵanyake ŵangatikanizga kuteŵetera Yehova. Kasi ŵanthu aŵa ŵangaŵa anjani? Ŵanyake awo ŵali kuleka unenesko ŵangamba kuyowoyera viheni gulu la Chiuta kuti ŵalopweske chipulikano chithu. Ŵanthu aŵa ŵakuchemeka ŵakugaluka. Kweniso ŵalongozgi ŵanyake ŵa matchalitchi ŵakuyowoyera viheni gulu la Chiuta, kuti awo ŵakuwumanya makora yayi unenesko ŵaleke kuteŵetera Yehova. Tikwenera yayi kugazgana na ŵakugaluka, kuŵerenga mabuku ghawo, kuwonelera mavidiyo ghawo panji kunjira pa mawebusayiti ghawo. Pakuyowoya za ŵanthu awo ŵakukhumba kulekeska ŵanyawo kuteŵetera Yehova mwakugomezgeka, Yesu wakati: “Ŵalekani. Mbalongozgi ŵachibulumutira. Ndipo usange munthu wachibulumutira wakulongozga munthu wachibulumutira, wose ŵawenge mu mbuna.”—Mateyu 15:14.
Kasi mungachita wuli usange munyinu wamuphalirani kuti wakukhumbaso yayi kuŵa Kaboni wa Yehova? Chingatiŵinya chomene usange munyithu uyo tikumutemwa chomene watiphalira nthena. Nyengo zinyake wangatichichizga kuti tisankhepo kulutilira kuŵa nayo paubwezi panji kuteŵetera Yehova. Kweni tikwenera kuŵikapo mtima kuti tilutilire kugomezgeka kwa Chiuta kuluska chilichose. (Mateyu 10:37) Ntheura tikwenera kupulikira dango la Yehova lakuti tikwenera yayi kuchezga na ŵanthu ŵanthena.—Ŵazgani 1 Ŵakorinte 5:11.
2. Kasi ivyo tikusankha vingalongora kuti ndise ŵakugomezgeka kwa Yehova?
Para tikutemwa Yehova tichitengeko yayi chilichose icho chikukhozgera chisopa chautesi. Ntheura tikwenera kuwoneseska kuti ntchito izo tikugwira, mawupu agho tilimo panji vyakusanguluska ivyo tikuchita vikukhozgera yayi chisopa chautesi. Yehova wakutichenjezga kuti: “Fumanimo mwa [Babuloni Mukuru], mwaŵanthu ŵane.”—Chivumbuzi 18:2, 4.
MANYANI VINANDI
Wonani ivyo mungachita kuti munthu waleke kumutondeskani kugomezgeka kwa Yehova. Kweniso ivyo mungachita kuti mufumemo mu Babuloni Mukuru, kulongora kuti ndimwe ŵakugomezgeka kwa Yehova.
3. Chenjerani na ŵasambizgi ŵatesi
Kasi tikwenera kuchita wuli para tapulika ŵanthu ŵakuyowoyera viheni gulu la Yehova? Ŵazgani Zintharika 14:15, kufuma apo dumbiskanani fumbo ili:
-
Chifukwa wuli tikwenera yayi kugomezga waka chilichose icho tapulika?
Ŵazgani 2 Yohane 10, kufuma apo dumbiskanani mafumbo agha:
-
Kasi tikwenera kuchita wuli na ŵakugaluka?
-
Nangauli ŵakugaluka tingayowoyeskana nawo maso na maso yayi, kweni kasi tingamanya wuli ivyo ŵakusambizga?
-
Kasi mukuwona kuti Yehova wangajipulika wuli para tikutegherezga kwa ŵanthu awo ŵakumuyowoyera viheni kweniso gulu lake?
4. Lutilirani kugomezgeka kwa Chiuta para munyake wachita zakwananga
Kasi mukwenera kuchita wuli usange munyake mu mpingo wachita zakwananga zikuru? Wonani fundo iyo yili mu Dango ilo Chiuta wakapeleka ku Ŵaisrayeli. Ŵazgani Levitiko 5:1.
Nga umo tawonera mu vesi ili, para tamanya kuti munyake wachita zakwananga zikuru, tikwenera kuphalira ŵalara ivyo tikumanya. Kweni chakwamba tikwenera kumuchiska uyo wachita kwananga kuti wakaphare yekha zakwananga zake ku ŵalara. Para watondeka kuŵaphalira, tikwenera kuŵaphalira ŵalara ivyo tikumanya, kulongora kuti tikugomezgeka kwa Yehova. Kasi kuchita nthena kukulongora wuli kuti tikutemwa . . .
-
Yehova Chiuta?
-
munthu uyo wachita zakwananga?
-
ŵabali na ŵadumbu mu mpingo?
Usange Mkhristu munyinu wasangana na suzgo, chitanipo kanthu mwaluŵiro kuti mumovwire!
5. Fumanimo mu Babuloni Mukuru
Ŵazgani Luka 4:8 na Chivumbuzi 18:4, 5, kufuma apo dumbiskanani mafumbo agha:
-
Kasi nili kusisitiska zina lane ku chisopa chautesi?
-
Kasi nili kunjira wupu uwo ukukolerana na chisopa chinyake?
-
Kasi ntchito iyo nkhugwira yikukhozgera chisopa chautesi?
-
Kasi pali vinthu vinyake pa umoyo wane ivyo nkhwenera kusintha chifukwa chakuti vikukhozgera chisopa chautesi?
-
Usange nazgora kuti enya pa mafumbo agha, kasi ni vinthu wuli ivyo nkhwenera kusintha?
Nyengo zose mukwenera kusankha vinthu ivyo vingamupangiskani kuti muŵe na njuŵi yituŵa kweniso kuti mulutilire kugomezgeka kwa Yehova.
Kasi mungachita wuli usange ŵamupemphani kuti mupeleke wovwiri ku chisopa chinyake?
IVYO ŴANYAKE ŴAKUYOWOYA: “Nkhukhumba kumanya ivyo ŵakugaluka ŵakuyowoya vyakukhwaskana na Ŵakaboni ŵa Yehova kuti nivikilire makora unenesko.”
-
Kasi ni mahara kuchita nthena? Chifukwa wuli?
MWAKUDUMURA
Kuti tilutilire kugomezgeka kwa Yehova, tikwenera yayi kuchezga na ŵanthu awo ŵali kuleka kugomezgeka kwa Yehova. Kweniso tikwenera kuleka kuchitako chilichose chakukhwaskana na chisopa chautesi.
Kuweleramo
-
Chifukwa wuli tikwenera yayi kuwonelera, kuŵazga, panji kutegherezga fundo za ŵakugaluka?
-
Kasi tikwenera kuchita wuli na ŵanthu awo ŵakukhumba kuleka kuŵa Ŵakaboni ŵa Yehova?
-
Kasi tingachita wuli kuti tipulikire chenjezgo lakuti fumanimo mu chisopa chautesi?
SANGANI FUNDO ZAKUSAZGIKIRA
Wonani ivyo mungachita usange ŵanthu ŵakuyowoya mautesi ghakukhwaskana na Ŵakaboni ŵa Yehova.
Kasi mungamanya wuli usange wupu panji vyakuchitika vinyake vikukolerana na Babuloni Mukuru?
Kasi ŵakususka ŵanyake ŵakuchita wuli kuti ŵalopweske chipulikano chithu?
Mu nkhani ya mutu wakuti “Nkhapenjanga Chiuta Kwambira Waka pa Wanichi Wane,” wonani ivyo Shinto uyo wakaŵa wasembe wakachita kuti wafume mu chisopa chautesi.
“Baibolo Likusintha Umoyo wa Ŵanthu” (Gongwe la Mulinda, Julayi 1, 2011)
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
