MATAUPU 58
Tumau i te Fakamaoni ki a Ieova
E fakaiku aka ne Kelisiano ‵tonu ke mo a eiloa ma talia ne latou se mea io me se tino ke fakalavelave atu ki te lotou tapuakiga ki a Ieova. E mautinoa eiloa me e penā foki ou lagonaga. E fakatāua ne Ieova a tou fakamaoni. (Faitau te 1 Nofoaiga Tupu 28:9.) Ne a tulaga e mafai o tofotofo aka ei tou fakamaoni ki a ia, kae e mafai pefea o fakafesagai atu koe ki ei?
1. E mafai pefea o tofotofo ne nisi tino a te ‵tou fakamaoni ki a Ieova?
Ka taumafai a nisi tino o taofi aka tatou mai te tavini atu ki a Ieova. Ko oi e mafai o fai ne ia se vaegā mea penā? E fai ne nisi tino kolā ko oti ne tiaki ne latou a te munatonu, a tala ‵loi e uiga ki te fakapotopotoga a te Atua, ko te mea ke fakavāivāi aka ei a te ‵tou fakatuanaki. E taku latou ki aposetate. E fakasalalau atu foki ne nisi takitaki lotu a fakamatalaga ‵loi e uiga ki a tatou, ke fai ei a tino kolā e se fakaeteete, ke tiaki ne latou te munatonu. Se mea fakamataku ki a tatou māfai e taumafai o kinau mo so se tino ‵teke, faitau ki olotou tusi io me ko olotou fakamatalaga, onoono ki olotou fakatuatusi i te itaneti, io me ko olotou vitio. Ne fai mai a Iesu e uiga ki a latou kolā e taumafai o fakavāivāi a nisi tino, mai te tavini atu mo te fakamaoni ki a Ieova: “Tuku ei latou penā. A latou ne takitaki ‵kivi. Tela la, kafai e takitaki ne se tagata ‵kivi a te suā tagata ‵kivi, ka ‵to tokolua lāua ki loto i te lua.”—Mataio 15:14.
Kae e a māfai ko fakaiku aka ne se tino e iloa ne tatou, ke se toe fai a ia mo fai se Molimau a Ieova? E mafai eiloa o loto mafatia tatou māfai ko fai ne se tino pele a te mea tenei. E mafai o faimālō tatou ne te tino tenā me ko oi ka filifili ne tatou, ko ia io me ko Ieova. E ‵tau o fakaiku aka ne tatou ke tu ‵mautakitaki i te fakamaoni ki te Atua i lō so se isi mea. (Mataio 10:37) Tela la, e faka‵logo tatou ki te fakatonuga a Ieova ke mo a ma ‵kau fakatasi mo vaegā tino penā.—Faitau te 1 Kolinito 5:11.
2. Ne a fakaikuga totino e mafai o tofotofo aka ei te ‵tou fakamaoni ki a Ieova?
E fakamalosi aka tatou ne te alofa ki a Ieova ke ‵kalo keatea mai i so se mea telā e fai ei ke aofia tatou i lotu ‵se. Ke oko foki loa ki ‵tou galuega io me ko fakapotopotoga e ‵kau tatou ki ei, io me ko so se mea e aofia tatou i ei, e se ‵tau o isi sena sokoga ki lotu ‵se. Ne fakailoa mai a Ieova: “‵Tele kea‵tea mai i [Papelonia te Sili], e oku tino.”—Fakaasiga 18:2, 4.
KELI MALOSI IFO
Tauloto ki auala ke mo a ma talia so se tino ke fakavāivāi ne ia tou fakamaoni ki a Ieova. Onoono foki ki te auala ke fakaasi atu te fakamaoni mai te tele keatea mai Papelonia te Sili.
3. Fakaeteete i faiakoga ‵loi
E ‵tau o ‵saga atu pefea tatou ki fakamatalaga sē ‵lei e uiga ki te fakapotopotoga a Ieova? Faitau te Faataoto 14:15, ko sau‵tala ei ki te fesili tenei:
-
Kaia e ‵tau ei o fakaeteete tatou ke mo a ma tali‵tonu ki so se mea e lagona ne tatou?
Faitau te 2 Ioane 10, ko sau‵tala ei ki fesili konei:
-
E ‵tau o pefea ‵tou faifaiga ki aposetate?
-
Kafai foki loa e se fesokotaki ‵tonu atu tatou ki aposetate, e mafai pefea o faka‵tuka mai olotou akoakoga?
-
Se a tau faka‵tau, ka pefea a lagonaga o Ieova māfai e fakalogo‵logo tatou ki pati sē ‵lei e uiga ki a Ia mo tena fakapotopotoga?
4. Tumau i te fakamaoni ki te Atua māfai ko agasala se taina
Kafai e iloa ne tatou se tino ne fai ne ia se agasala matagā i te fakapotopotoga, se a te ‵tou tiute? Ke mafaufau ki se akoakoga fakavae mai te Tulafono a te Atua ki te fenua mua o Isalaelu. Faitau te Levitiko 5:1.
E pelā mo te fakatonuga i te fuaiupu tenā, kafai ko iloa ne tatou se tino ne fai ne ia se agasala matagā, e ‵tau o fakailoa atu ne tatou ki toeaina. Kae koi tuai o fai te mea tenā, se faifaiga alofa ke fakamalosi atu koe ki te tino agasala ke fano ki toeaina o taku tonu atu tena agasala. Kafai e se fai ne ia te mea tenā, e ‵tau o fakamalosi aka tatou ne te ‵tou fakamaoni ki a Ieova, ke fakaasi atu ki toeaina. I te auala fea e fakaasi mai ne te faifaiga tenā a te alofa fakamaoni ki . . .
-
a Ieova te Atua?
-
te tino ne agasala?
-
nisi tino i te fakapotopotoga?
Kafai ko fepaki se taina talitonu mo se fakalavelave, fesoasoani atu ki a ia!
5. Faka‵mao mai Papelonia te Sili
Faitau te Luka 4:8 mo te Fakaasiga 18:4, 5, ko tali aka ei a fesili konei:
-
E mata, koi tu toku igoa i lotu ‵se?
-
E mata, e aofia au i se fakapotopotoga telā e isi sena sokoga ki te suā lotu?
-
E mata, e isi ne auala e ‵lago atu ei taku galuega ki lotu ‵se?
-
E mata, e isi ne vaega o toku olaga, e ‵tau o ‵vae keatea ei au mai lotu ‵se?
-
Kafai taku tali ko te ao ki se fesili, ne a aku mea e ‵tau o fai?
I so se tulaga, fai se fakaikuga telā ka maua ei ne koe se loto lagona ‵ma, kae fakaasi atu ei tou fakamaoni ki a Ieova.
Ne a au mea ka fai māfai e fakamolemole atu ke fai sau meaalofa ki salasalaga sene fakalotu?
MEA E FAI MAI NE NISI TINO: “E ‵tau o iloa ne au a pati a aposetate e uiga ki Molimau a Ieova, ko te mea ke ‵pulu ne au te munatonu.”
-
E mata, se faiga poto te mea tenā? Kaia?
MANATU AOGA
Ke tumau i te fakamaoni ki a Ieova, e se ‵tau o ‵kau fakatasi tatou mo tino kolā e se fakamaoni ki a ia. E ‵tau foki mo tatou o ‵vae katoatoa keatea mai lotu ‵se.
Fesili
-
Kaia e se ‵tau ei mo tatou o onoono, fai‵tau, io me fakalogo‵logo ki manatu o aposetate?
-
E ‵tau o pefea ‵tou faifaiga ki a latou kolā ko se toe ma‵nako ke fai latou pelā me ne Molimau a Ieova?
-
E faka‵logo pefea tatou ki te fakailoaga ke ‵tele keatea mai lotu ‵se?
NISI FAKAMATALAGA
Faitau ki mea e ‵tau o fai ne koe māfai e fakasalalau ne tino a tala ‵loi e uiga ki Molimau a Ieova.
“E Mata, e Maua ne Koe a Fakamatalaga ‵Tonu?” (Te Faleleoleo Maluga, Aokuso 2018)
E iloa pefea ne koe a fakapotopotoga mo faifaiga kolā e ‵lago atu ki Papelonia te Sili?
Ne a mea ne fai ne nisi tino ‵teke ke fakavāivāi te ‵tou fakatuanaki?
I te tala “Ne Salasala Au ki te Atua Talu Mai Taku Folikiga,” faitau e uiga ki se faifeau lotu Sinitu, telā ne taofi katoatoa aka ne ia tena kau atu ki lotu ‵se.
“E ‵Fuli ne te Tusi Tapu a Olaga o Tino” (Te Faleleoleo Maluga, Iulai 1, 2011)