Мәсиһниң һәқиқий әгәшкүчилири Йәһваға ибадәт қилишқа һечнемә яки һечкимниң тосқунлуқ қилишиға йол бәрмәсликкә қәтъий бәл бағлиған. Шәк-шүбһисизки, сизму шундақ бәл бағлидиңиз. Йәһва сизниң садақәтмәнлигиңизни қәдирләйду (Тарихнамә 1-язма 28:9ни оқуң). Қандақ вәзийәтләрдә Униңға болған садақәтмәнлигиңиз синилиши мүмкин вә садиқ қелишиңизға немә ярдәм берәләйду?

1. Инсанлар Йәһваға болған садақитимизни қандақ синиши мүмкин?

Бәзи кишиләр бизниң Йәһваға хизмәт қилишимизға тосқунлуқ қилиду. Ким бундақ ишни қилиду? Һәқиқәттин үз өргән бәзи кишиләр етиқадимизни аҗизлаштуруш үчүн, Худаниң тәшкилати тоғрилиқ ялған гәп-сөзләрни қилиду. Униңдин башқа, бәзи диний рәһбәрләр биз тоғрилиқ ялған учурларни тарқитип, хәтәрни көрүп йетәлмигәнләрниң һәқиқәт йолини ташлап кетишигә сәвәпчи болиду. Һәрқандақ қарши турғучилар билән бәс-муназирә қилиш, уларниң китаплирини яки тордики язмилирини оқуш, торбәтлирини зиярәт қилиш яки видеолирини көрүш биз үчүн хәтәрлик. Улар башқиларни Йәһваға садиқлиқ билән хизмәт қилиштин тохтитишқа уруниду. Улар тоғрилиқ Әйса Мәсиһ мундақ дегән: «Уларға қаримаңлар. Улар — қарғу йетәклигүчиләр. Әгәр қарғу қарғуни башлап маңса, һәр иккилиси ориға чүшүп кетиду» (Мәтта 15:14).

Биз тонуйдиған бирси әнди Йәһва гувачиси болуштин ваз кечишни қарар қилсичу? Әгәр йеқинлиримиздин бири шундақ қилса, көңлүмиз қаттиқ азаплиниду. Бәлким, у киши өзини яки Йәһвани таллашқа бизни мәҗбурлиши мүмкин. Һәммидин муһими, биз Худаға садиқ болуп қелишқа қәтъий бәл бағлишимиз керәк (Мәтта 10:37). Шуңа биз Йәһваниң буйруғиға бойсунуп, шундақ кишиләр билән алақә қилмаймиз (Коринтлиқларға 1-хәт 5:11ни оқуң).

2. Шәхсий қарарлиримиз Йәһваға болған садақитимизни қандақ синиши мүмкин?

Йәһвани чин дилимиздин сөйсәк, биз сахта дин билән бағлиниши бар һәрқандақ ишлардин жирақ туримиз. Биз қилидиған иш, әза болған тәшкилатлар вә шуғуллинидиған һәрқандақ иш-паалийәтләр сахта дин билән қилчиму бағлинишлиқ болмаслиғи керәк. Йәһва бизни мундақ агаһландуриду: «Мениң хәлқим, ... униңдин [Бүйүк Бабилдин] чиқиңлар» (Вәһий 18:2, 4).

 ЧОҢҚУРИРАҚ ҚЕЗИҢ

3. Сахта тәлим бәргүчиләрдин еһтият қилиң

Әгәр Йәһваниң тәшкилати тоғрилиқ сәлбий гәп-сөзләрни аңлисақ, немә қилишимиз керәк? Пәнд-нәсиһәтләр 14:15ни оқуң, кейин төвәндики соалға җавап бериң:

• Немә үчүн аңлиған һәммила гәп-сөзләргә ишинип кетиштин еһтият қилимиз?

Йоһанниң 2-хети 10ни оқуң, кейин төвәндики соалларға җавап бериң:

• Һәқиқәттин үз өргүчиләргә қандақ муамилә қилишимиз керәк?

• Һәқиқәттин үз өргүчиләр билән беваситә алақә қилмисақму, еһтиятчан болмисақ, қайси йоллар билән уларниң хата тәлимлириниң тәсиригә учрап қелишимиз мүмкин?

• Әгәр биз Йәһва яки Униң тәшкилати тоғрилиқ сәлбий гәп-сөзләрни тиңшисақ, У қандақ һис-туйғуда болиду?

4. Етиқатдишимиз еғир гуна өткүзүп қойғанда, Йәһваға садиқ қелиң

Әгәр җамаәттә бириниң еғир гуна қилғанлиғини билсәк, бизниң қандақ мәҗбурийитимиз бар? Қедимқи Исраил хәлқигә берилгән Худаниң қанунидики бир принцип үстидә ойлинип көрүң. Лавийлар 5:1ни оқуң.

Бу айәттики көрсәтмиләр бойичә, әгәр биз бирсиниң еғир гуна өткүзгәнлигини билсәк, ақсақалларға билгәнлиримизни ейтишимиз керәк. Амма шундақ қилиштин илгири, гунакарни ақсақалларниң қешиға өзи берип, гунасини иқрар қилишиға үндәш меһир-муһәббәт көрсәткәнлик болиду. Әгәр у бундақ қилмиса, Йәһваға болған садақитимиз бизни ақсақалларға билгәнлиримизни ейтишқа дәвәт қилиду. Шундақ қилсақ,...

• Йәһва Худаға садиқ сөйгү-муһәббитимизни қандақ көрситәләймиз?

• гуна қилған кишигә садиқ сөйгү-муһәббитимизни қандақ көрситәләймиз?

• җамаәттики башқа қериндашларға садиқ сөйгү-муһәббитимизни қандақ көрситәләймиз?

 5. Бүйүк Бабилдин чиқип кетиң

 ХУЛАСӘ

Йәһваға садиқ болуп қелиш үчүн Униңға садақәтсизлик қилғанлар билән алақә қилиштин сақлинишимиз зөрүр. Биз йәнә сахта диндин пүтүнләй чиқип кетишимиз керәк.

Тәкрарлаш

• Биз немә үчүн һәқиқәттин үз өргүчиләрниң көзқарашлирини аңлимаслиғимиз, оқумаслиғимиз вә көрмәслигимиз керәк?

• Әнди Йәһва гувачиси болушни халимайдиғанларға қандақ муамилә қилишимиз керәк?

• Сахта диндин чиқиш тоғрилиқ агаһландурушқа қандақ қулақ салалаймиз?
  Дәрисни тамамлаш