I servi de Geovà i fà tuto quel che i pol par no assar che gnente o nissuni rovine la so amicìssia con lu. Sicuro che anca ti te fè questo, e Geovà el ghe dà tanto valor al to sforso par seitar leal a lu. (Ledi 1 Cróniche 28:9.) Cossa che podaria rovinar la to amicìssia con Geovà e cossa che te pol far par seitar leal a lu?

1. Come che i altri i podaria rovinar la nostra amicìssia con Geovà?

Ancoi, ghen’è persone che le vol che se fermemo de servir a Geovà. Ma che persone zele? Arquanti de quei che i se ga fermà de servir a Geovà i ga scominsià a contar busie sora la organisassion par finir cola nostra fede. Lori i ze apòstati. E tanti lìderi religiosi anca i conta busie sora noantri par farne abandonar a Geovà. Alora, ghemo de pensar ben vanti de discorer con persone che le parla robe rugne sora Geovà, leder i so libri, veder i so vìdei o quel che le mete nela internet. Gesù el ga dito sora quei che i proa farne abandonar a Geovà: ‘No sté mia preocuparve con lori parché i ze come orbi che i ze drio giutar altri orbi. Se un orbo el proa giutar quel altro, tuti i due i ndarà cascar rento un buso.’ — Mateo 15:14.

Cossa che ghemo de far se qualchedun che cognossemo desside che no’l va pi servir a Geovà? Sicuro che ndaremo restar tanto disgustadi. Pol esser che lu fin el volerà che scoliemo intrà lu e Geovà. Alora, ghemo de esser sicuri che volemo seitar leai a Geovà. (Mateo 10:37) Par quela, noantri obedimo ala lege de Geovà de no gaver amicìssia con persone cossita. — Ledi 1 Corinti 5:11.

2. Come che le nostre dessision le pol mostrar che semo leai a Geovà?

Se noantri amemo a Geovà, no ndaremo mai far gnente che vien dele religion false. Par quela, noantri scoliemo ben el nostro laoro e le organisassion che fursi femo parte. Volemo esser sicuri che gnanca una roba che femo vegna dele religion false. Geovà el ne ga dito: ‘Ndé fora de Babilònia, la Granda, me pòpolo.’ — Apocalisse 18:2, 4.

 IMPARA DE PI!

3. No stà scoltar busie sora Geovà e la so organisassion

Cossa che ghemo de far quando qualchedun dise una roba bruta sora la organisassion de Geovà? Ledé Proverbi 14:15, e dopo, parlé sora questo:

• Parché che ne ocore esser sicuri che quel che scoltemo l’è vero?

Ledé 2 Gioani 10, e dopo, parlé sora questo:

• Come che ghemo de tratar i apòstati?

• Anca se no te discori coi apòstati, come che lori i pol farte creder in quel che i dise?

• Come Geovà el se sente se noantri acetemo scoltar robe rugne sora lu e sora la so organisassion?

4. Seita leal a Geovà quando qualche fradel el fà un pecato

Se savemo che qualchedun nela congregassion l’è drio far un pecato, cossa che ne ocore far? Varda cossa che Geovà el ga dito ai israeliti nel passà. Ledé Levìtico 5:1.

Come mostra el versìcolo, se savemo che qualchedun nela congregassion l’è drio far un bruto pecato, ne ocore contar ai ansiani. Prima de farlo, saria meio che domandessino che el ndesse lu parlar del so pecato ai ansiani. Ma, se lu no’l fà cossita, mostremo che semo leai a Geovà se parlemo noantri quel che savemo ai ansiani. Parché che far questo mostra che semo leai . . .

• a Geovà Dio?

• ala persona che la ga fato el pecato?

• ai altri nela congregassion?

 5. Vien fora de Babilònia, la Granda!

 COSSA CHE TE GHÈ IMPARÀ?

Se volemo seitar leai a Geovà, ghemo de star distante de quei che no i ze leai a lu e gnanca far qualcossa che vien dela religion falsa.

Sito bon de ricordarte?

• Parché che no ghemo de scoltar, leder e gnanca vardar robe che le vien dei apòstati?

• Come che ghemo de tratar quei che no i vol pi esser una Testimònia de Geovà?

• Come che podemo obedir a Geovà e no far gnente che vien dele religion false?