ჭეშმარიტ ქრისტიანეფს გინოჭყვიდილ აფნა, მითინ დო მუთუნს ვა მეჩან საშვალება, ეცილან იეჰოვაშ თაყვანიშცემას. მუშო ოკო რაგად, თქვა ხოლო თენა გაჸინა გინოჭყვიდილ. იეჰოვა აფასენს თქვან ართგურობას (წეკითხით 1 მატიანეშ 28:9). მუ დროს შილებე გიმიცადას თქვან ართგურობაქ დო მუჭო შეილებნა გიორჯგინათ თე გამოცდეფს?

1. მუჭო შილებე შხვეფქ გეგმოცადან იეჰოვაშ მიმართ ჩქინ ართგურობა?

ნამთინე ეცადებ, მიმოტებაფუან იეჰოვაშ მსახურება. მიქ შილებე ეცადას თეშ კეთებას? ნამთინე, მიდგაქ დიტუ ჭეშმარიტება, ღორონთიშ ორგანიზაციაშ გურშენ ტყურეფს ოსიმუანს, ნამდა რწმენა დამსუსტან. თინეფს განდგომილეფო მიფშინუანთ. თეს გეძინელ, ნამთინე რელიგიურ ლიდერ ხოლო ავრცელენს ტყურა ინფორმაციას ჩქინ გურშენ, ნამდა ჭეშმარიტება ქუდატებაფუან თინეფს, მიდგას გააზრებულ ვაფჷ, მუ ზიანიშ მოღალა შეულებ თეცალ ინფორმაციაშ მორჩქილაფას. განდგომილეფწკუმა მსჯელობას, თინეფიშ წიგნეფიშ დო ვებ სტატიეფიშ კითხირს, თინეფიშ ვებგვერდეფშა მიშულას დო თინეფიშ ვიდეოეფიშ ჯინას, შეულებ ზიან მომღან. თი კათაშ გურშენ, მით ოცად, შხვეფს იეჰოვაშ ართგურო მსახურება მიოტებაფუას, იესოქ თქუ: „დუდ დანებით თინეფს, ჸვერე მაჸალეფ რენა. ჸვერეს ჸვერე ქეწოჸუნს-და, ჟირხოლო ეშანთხორილს ქინანთხუ“ (მათე 15:14).

მუ ხვადუ თიმწკუმა, მუჟამსით მიდგაინ გინოჭყვიდუნს, ნამდა მეტო ვაკო იეჰოვაშ მოწმე რდას? თეს ჩქინ ხოლოშიან პიროვნება გაკეთენს-და, შილებე გურქ გომტირხან. თე პიროვნებაქ შილებე არჩევანიშ წოხოლე ქიგმორინუან — ვარა მუ დო ვარა იეჰოვა. მტკიცას ოკო მაფდან გინოჭყვიდილ, პირველ ადგილს იეჰოვაშ ართგურობა გივორინუათ (მათე 10:37). თაშ ნამდა, ვომორჩილუთ იეჰოვაშ მითითებას დო ურთიერთობა ვა მიღნა თეცალ კათაწკუმა (წეკითხით 1 კორინთელეფიშ 5:11).

2. მუჭო შილებე ჩქინ პირად გადაწყვეტილებეფშე იძირედას, ქუვორეთ დო ვარ იეჰოვაშ ართგურეფ?

იეჰოვაშ ჸოროფა გინმოჭყვიდრაფუანა, მუთუნ საერთო ვა მიღდან ტყურა რელიგიაწკუმა. ვართ სამუშა, ვართ თი ორგანიზაცია, ნამდგაწკუმა კავშირ მიღნა დო ვართ ჩქინ საქმიანობა ოკო ვა რდას დაკავშირებულ ტყურა რელიგიაწკუმა. იეჰოვა მაფრთხილენა: „ჩქიმ ხალხ, გეგშართით დიდ ბაბილონშე“ (გამოცხადება 18:2, 4).

 ქიგეგით უმოს

3. ვემგოჩილითუან განდგომილეფქ

მუჭო ოკო მიფქცუათ, მუჟამსით იეჰოვაშ ორგანიზაციაშ გურშენ უარყოფით ინფორმაციას ბგებულენთ? წეკითხით იგავეფიშ 14:15 დო უკულ გარჩით თუდო მოჩამილ კითხვა:

• მუშენ ოკო ვა დებჯერათ ირფელ, მუდგას ბგებულენთ?

წეკითხით 2 იოანეშ 9-11 დო უკულ გარჩით თუდო მოჩამილ კითხვეფ:

• მუნერ დამოკიდებულება ოკო მიღდან განდგომილეფიშ მიმართ?

• თიმწკუმა ხოლო, მუჟამსით განდგომილეფს პირადო ვა ვურაგადუთ, მუ საშვალებეფით შილებე თინეფიშ გურაფეფქ იმოქმედას ჩქინდა?

• თქვან აზრით, მუჭო იგინანს იეჰოვა დუდის, მუჟამსით ვურჩქილეთ უარყოფით ინფორმაციას თიშ დო თიშ ორგანიზაციაშ გურშენ?

4. ვადინუათ ღორონთიშ ართგურობა, მუჟამსით თანაქრისტიან ცოდენს

მუ ოკო ვაკეთათ, მუჟამსით ბგებულენთ, ნამდა კრებას მიდგარენქ სერიოზულო შეცოდ? გუვარჩუათ ართ პრინციპ, ნამუთ მოშინაფილ რდჷ ისრაელეფშა მეჩამილ ღორონთიშ კანონს. წეკითხით ლევიანეფიშ 5:1.

მუჭოთ თე მუხლის ჭარჷ, მუჟამსით ქიგებგენთ, ნამდა პიროვნებაქ სერიოზულო შეცოდ, თეშ გურშენ უხუცესეფს ოკო ვუწუათ. მარა თე პიროვნებაშ მიმართ ჸოროფაშ გიმორჩქინა იჸუაფ, მუჟამსით თეშ კეთებაშახ, თის აღბძრენთ, მუშით ქიმერთას უხუცესეფშა დო აღიარას დაშებულ. თენა ვაკეთ-და, იეჰოვაშ მიმართ ჩქინ ართგურობა გინმოჭყვიდირაფუანა, ქუწუათ უხუცესეფს, მუთ მიჩქნა. მუჭო იძირე თავრეშე, ნამდა მიჸორა . . .

• იეჰოვა?

• პიროვნება, ნამდგაქ შეცოდ?

• თანაქრისტიანეფ?

 5. ვემკანჭათ დიდ ბაბილონს!

დასკვნა

იეჰოვაშ ართგურობა ვა ვოდინუათინ, დუდ ოკო ევუჩილითუათ თინეფწკუმა ურთიერთობას, მით ოცადუნა შეცდომაშა გენშამჸუნან.

გამეორებელ კითხვეფ

• მუშენ ოკო ვა ვუჯინათ, ვებკითხათ დო ვა ვურჩქილათ განდგომილეფიშ მასალას?

• მუჭო ოკო მიფქცუათ, მუჟამსით ქიგებგენთ, ნამდა თანაქრისტიანქ სერიოზულო შეცოდ?

• მუჭო დევემორჩილათ გაფრთხილებას, ნამდა გიშებლათ ტყურა რელიგიაშე?