LESON 58
Aza Mivadiky amy Jehovah
Ten̈a Kristianin̈y tapakevitry fa tsisy olo na raha ambelandro hampavoly iro amy fanompoan̈a Jehovah. Azo antoko fa karaha zen̈y koa anao. Valera amy Jehovah anao koa tsy mivadiky aminany. (Vakia 1 Tantara 28:9.) Ino aby raha mety hitsapa tsy fivadihanao amy Jehovah, avio akory ataonao hiatriky zen̈y?
1. Akory mety hahavy olo hafa hitsapa tsy fivadihantsika amy Jehovah?
Misy olo manakana atsika tsy hanompo Jehovah. Azovy olo mety han̈ano zen̈y? Iro olo sasany niala tamy fahamarin̈ana, ke mikoran̈a vandy momba fandaminan̈any Jehovah, handrobatan̈a finoan̈antsika. Pivadipinoan̈a ikahian̈a iro in̈y. Misy pitariky fivavahan̈a sasany koa man̈aparitaka vandy momba atsika, ke mahavy olo sasany misalasala, avio miala amy fahamarin̈ana. Atsika tsy tokony hiady hevitry amy pivadipinoan̈a, na hamaky bokindro na fan̈azavan̈a amiandro aminy Internet na hizaha tranonkalandro, na hizaha videondro, fotony mandrobaka finoan̈antsika zen̈y. Karaha ty ho Jesosy, momba iro olo mifen̈y mampakivy olo manompo Jehovah aby io: “Ambilà an̈y iro, fotony iro io pitariky jamba. Izikoa olo jamba mitariky jamba, tsy maintsy hivarin̈y an̈aty lavaka fo iro.”—Matio 15:14.
Akory izikoa misy olo haintsika nanapakevitry fa hiala antsitrapo tsy ho Vavolombelon̈o Jehovah? Mety handratra fontsika zen̈y, sirto izikoa olo marikitry atsika man̈ano zen̈y. Izy mety hiforse atsika hifidy izy sa Jehovah. Atsika mila tapakevitry tsy hivadiky amy Jehovah foeky. (Matio 10:37) Harehantsika didiny Jehovah, ke atsika tsy hinaman̈a aminolo karaha zen̈y.—Vakia 1 Korintianina 5:11.
2. Ino aby fanapahankevitrintsika manokana ke mety hitsapa tsy fivadihan̈antsika amy Jehovah?
Fitiavantsika Jehovah hahavy atsika tsy hifandray amy fivavahan̈a diso. Ke na asantsika na fikambanan̈a misy atsika na raha hafa ataontsika, tsy tokony hisy hifandraisany amy fivavahan̈a diso. Jehovah mampitandrin̈y atsika: “Anaro olonaka, miboaha baka aminany ao [Babylony Be].”—Apokalypsy 18:2, 4.
ALEVA ONON̈O
Diniha akory hataonao tsy han̈ambela na azovy na azovy hampivadiky anao amy Jehovah. Zahava koa akory han̈aboahanao fa anao tsy mivadiky, izikoa fa miboaka baka amy Babylony Be.
3. Mitandrema amy papianatra sandoko
Akory tokony hataontsika izikoa fa maharen̈y raha ratsy momba fandaminan̈any Jehovah? Vakia Ohabolana 14:15, avio iaraha dinihin̈y fan̈ontanian̈a ty:
-
Nan̈ino tsy zay raha jiaby ren̈intsika tokony hinoantsika aby?
Vakia 2 Jaona 10, avio iaraha dinihin̈y fan̈ontanian̈a aby ty:
-
Akory tokony hataontsika man̈oloan̈a pivadipinoan̈a?
-
Atsika ndray tsy mifandray mivantan̈a amy pivadipinoan̈a, atsika mety hifandray amindro baka amy fampianaran̈andro. Amy fomba akory?
-
Izikoa atsika tia mitandren̈y olo tia mankaratsy Jehovah ndreky fandaminan̈anany, akory fahitany Jehovah atsika?
4. Aza mivadiky amy Zan̈ahary nata misy olo mivadiky aminany
Izikoa atsika nahay olo nan̈ano fahotan̈a maventy, ino raha mila hataontsika? Diniha toro lalan̈a baka amy lalàn̈any Zan̈ahary taminy Israelita taloha tan̈y. Vakia Levitikosy 5:1.
Izikoa andininy io zahan̈a, mila mivolan̈a aminy antipan̈ahy atsika, izikoa haintsika fa nisy olo nan̈ano fahotan̈a maventy. Fa alohanizen̈y antsendriky, atsika mila man̈iraka olo io han̈aton̈o antipan̈ahy, hivolan̈a amindro raha nataony. Fa izikoa izy tsy man̈aton̈o iro, fitiavantsika Jehovah mandrisiky atsika mandeha mivolan̈a raha io aminy antipan̈ahy aby io. Nan̈ino ma raha zen̈y man̈aboaka fa atsika tia ndreky tsy mivadiky...
-
amy Jehovah Zan̈ahary?
-
aminolo nanota io?
-
aminolo jiaby an̈atiny fiangonan̈a?
Izikoa anao mahita rahalahy na ranabavy miady sain̈y, ampia izy!
5. Mialà amy Babylony Be
Vakia Lioka 4:8 ndreky Apokalypsy 18:4, 5, avio iaraha dinihin̈y fan̈ontanian̈a aby ty:
-
Efa nifafako ma an̈aranaka amy fivavahan̈a diso an̈y?
-
Mbala an̈atiny fikambanan̈a misy ifandraisany amy fivavahan̈a diso ma zaho?
-
Manohan̈a fivavahan̈a diso ma asa ataoko?
-
Mbala misy raha mila amboariko ma amy fiain̈ananaka, baka zaho tsy mibidabida fivavahan̈a diso?
-
Izikoa ia valiny fan̈ontanian̈a aby io, ino fan̈ovoan̈a tokony hataoko?
Ten̈a tsara izikoa anao mangala fanapahankevitry mampadio eritreritrinao sady ahitan̈a fa anao tsy mivadiky amy Jehovah.
Izikoa misy fivavahan̈a man̈iraka anao han̈ano raha misy ifandraisany amy fivavahan̈andro, akory hataonao?
MISY OLO MIVOLAN̈A: “Mila haiko raha volan̈indro pivadipinoan̈a aby io momba Vavolombelon̈o Jehovah, baka zaho hahavita hiaro fahamarin̈ana.”
-
Hitanao mety raha zen̈y? Nan̈ino?
INO RAHA NIANARANAO TATO?
Izikoa tsy tiantsika hivadiky amy Jehovah, atsika tsy mila mifanerasera aminolo mivadiky aminany. Mila miala amy fivavahan̈a diso koa atsika, ke tsy mibidabida izio eky.
Fan̈ontanian̈a Fameren̈ana
-
Nan̈ino atsika tsy tokony hizaha fan̈azavan̈a ataony pivadipinoan̈a aby io, tsy tokony hitandren̈y iro, avio tsy tokony hamaky raha aboakandro?
-
Akory fahitantsika olo miala antsitrapo tsy ho Vavolombelon̈o Jehovah eky?
-
Karakory han̈arehantsika fampitandreman̈a mila miala amy fivavahan̈a diso?
ZAHAVA
Ianara akory tokony hatao, koa misy olo man̈ely tsaho momba Vavolombelon̈o Jehovah.
“Hainao ma Raha Jiaby Momba Izio?” (Tilikambo Fiambesan̈a Aoty 2018)
Akory hahaizanao fikambanan̈a na raha ataonolo manohan̈a Babylony Be?
Ino raha ataondro panohitry aby io, baka finoan̈antsika hihen̈y?
Zahava amy tantarany sefony fivavahan̈a Shinto ty, akory nialany tamy fivavahan̈a diso. Titranany io “Rango Zaho Mbala Hely Efa Nitady Zan̈ahary.”
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
