LIJIGANYO 58
Aŵeje Ŵakulupichika kwa Yehofa
Aklistu ŵasyesyene ŵangakunda chindu chilichose kapena mundu jwalijose kwalekasya kumlambila Yehofa. Mwangakayichila nombe nawo akusayiwonaga myoyo. Yehofa akusakuwona kulupichika kwetu kuŵa kwakusosekwa mnope. (Aŵalanje 1 Mbili 28:9.) Nambo ana ni yakutendekwa yapi yampaka yatendekasye kuti akaŵa ŵakulupichika kwa Yehofa? Soni ana mpaka atende yamtuli kuti aŵeje ŵakulupichika?
1. Ana ŵane mpaka atutendekasye chamtuli kuti tukaŵa ŵakulupichika kwa Yehofa?
Ŵandu ŵane mpaka atulepelekasyeje kutumichila Yehofa. Nambo ana ŵandu ŵakwe mpaka aŵe ŵani? Mpaka aŵe ŵaŵajilesile gulu ja Yehofa ŵakusasalaga yaunami yakwamba guluji. Jemanjaji akusatenda yeleyi kuti tukamkulupililaga Yehofa. Ŵanduŵa akusakolanjidwa kuti ŵakusapuka kapena kuti ŵapanduche. Konjechesya pelepa, achimlongola ŵadini akusawandisyaga ngani syaunami pakusaka kuti ŵandu ŵangamanyilila yejinji aleche kumtumichila Yehofa. Myoyo yikusaŵaga yakogoya kuŵechetana ni ŵakusisyaŵa, kuŵalanga mabuku gawo kapena kuŵalanga ngani syawo pa intaneti soni kulolela mafidiyo gawo. Pakwamba ya ŵandu ŵakusiŵalepelekasya ŵane kumtumichila Yehofa, Yesu ŵatite: “Mwalecheni, jemanjaji ali ŵakulongolela ŵandu ŵangalola. Naga mundu jwangalola akumlongolela jwangalola mjakwe, wosopewo tachigwila mwisimbo.”—Mateyu 15:14.
Ana mpaka tutende yamtuli naga mundu jwine jwatukummanyilila asagwile kuti akaŵasoni jwa Mboni sya Yehofa? Kusala yisyene yikusaŵa yakupweteka naga jwatesile yeleyi ali mundu jwatukusamnonyela. Naga yitendekwe yeleyi, munduju mpaka atutendekasyeje kuti tukaŵa ŵakulupichika kwa Yehofa. Myoyo tuŵeje ŵakulupichika kwa Yehofa kupunda mundu jwalijose. (Mateyu 10:37) Ni ligongo lyakwe tukusapikanila lilamusi lya Yehofa lyakuti tukakungulukuga ni ŵandu ŵeleŵa.—Aŵalanje 1 Akolinto 5:11.
2. Ana yakutenda yetu mpaka yilosye chamtuli kuti tuli ŵakulupichika kwa Yehofa?
Kumnonyela Yehofa ni kwampaka kutukamuchisye kuŵambala kutenda nawo chilichose chakwayana ni dini syaunami. Chinga masengo getu kapena yiwanja (mabungwe) yatuli soni chilichose chatukusatenda ngayikusosekwa kukamulana ni dini syaunami. Yehofa akutukalamusya kuti: “Jemanja ŵandu ŵangu mkopoche [mu Babiloni].”—Chiwunukuko 18:2, 4.
KULIJIGANYA YEJINJI
Chitulijiganye yampaka tutende kuti tukakunda jwalijose kutulepelekasya kuŵa ŵakulupichika kwa Yehofa. Soni chitulole yampaka tutende pakulosya kulupichika mwakopoka mu Babiloni.
3. Asamaleje ni ŵakwiganya ŵaunami
Ana tutende chichi patupikene yindu yaunami yakwamba gulu ja Yehofa? Aŵalanje Misyungu 14:15, kaneko akambilane chiwusyo achi:
-
Ligongo chichi ngatukusosekwa kulupilila yiliyose yatupikene?
Aŵalanje 2 Yohane 10, kaneko akambilane yiwusyo ayi:
-
Ana tutendeje yindu mwamtuli ni ŵandu ŵasapuche?
-
Atamose kuti nganituŵa tuŵechetene nawo meso ni meso ŵandu ŵasapucheŵa, ana mpaka tukamulane nawo mmatala gapi?
-
Ana akuganisya kuti Yehofa mpaka apikane uli mumtima naga tukupikanila yindu yaunami yakusaŵecheta ŵandu yakwamba Mlungu soni gulu jakwe?
4. Tuŵeje ŵakulupichika kwa Yehofa naga jwine atesile ulemwa
Ana tukusosekwa kutenda chichi patumanyilile kuti Mklistu mjetu atesile ulemwa wekulungwa? Kwende tulole lilamusi liŵapeleche Mlungu kwa Aisalaeli. Aŵalanje Lefitiko 5:1, NWT.
Mwakamulana ni lilembali, tukusosekwa kwasalila achakulungwa ŵa mumpingo patumanyilile kuti jwine atesile ulemwa wekulungwa. Mpaka chiŵe chinonyelo kumlimbikasya jwakulemwajo kuti ajawule kukusala kwa achakulungwawo. Naga ngakwawula, mpaka tulosye kuti tuli ŵakulupichika kwa Yehofa naga tukwawula kukwasalila achakulungwawo. Ana yeleyi mpaka yilosye chamtuli kuti tukusamnonyela mnope . . .
-
Yehofa Mlungu?
-
mundu jwatesile ulemwajo?
-
abale ni alongo mumpingo?
Naga jwakulupilila mjetu asimene ni yakusawusya tumkamuchisyeje
5. Tukakamulanaga ni Babiloni
Aŵalanje Luka 4:8 soni Chiwunukuko 18:4, 5, kaneko ajanje yiwusyo ayi:
-
Ana nganifufutisye lina lyangu mu dini jaunami?
-
Ana ndili mu bungwe ja dini jine jakwe?
-
Ana masengo gangusakamula gakusakamuchisyaga dini jaunami mu litala line?
-
Ana panasoni yindu yine yangusosekwa kutenda kuti nalilekanganye ni dini jaunami?
-
Naga njanjile kuti elo chimo mwa yiwusyoyi, ana ngusosekwa kutenda yamtuli kuti njenje?
Mu yakutendekwa yosope, asaguleje yakuti akaligambaga soni yakulosya kuti ali ŵakulupichika kwa Yehofa.
Ana mpaka atende yamtuli naga akwaŵenda mbiya syakamuchisya bungwe jine ja dini?
YAKUSAŴECHETA ŴANDU ŴANE: “Kuti nawuchenjeleje usyesyene, ngusosekwa kumanyilila yakusaŵecheta ŵakusapuka pakwamba ya ŵa Mboni sya Yehofa.”
-
Ana lwelelu luli lunda? Ligongo chichi?
YALIJIGANYISYE
Kuti tuŵe ŵakulupichika kwa Yehofa, tukusosekwa kuŵambala kukunguluka ni ŵandu ŵangakulupichika kwa jwalakwe. Tukusosekwasoni kulilekanganya ni dini jaunami.
Yiwusyo Yakuwilisya
-
Ana ligongo chichi ngatukusosekwa kuŵalanga, kapena kupikanila ngani sya ŵandu ŵakusapuka?
-
Ana tutendeje yamtuli ni ŵandu ŵangakusaka kuŵa ŵa Mboni sya Yehofa?
-
Ana mpaka tutende yamtuli kuti tukaŵa mbali ja dini jaunami?
YAKULINGA YINESONI
Alijiganye yampaka atende naga ŵane akuwandisya yaunami yakwamba ŵa Mboni sya Yehofa.
“Ana Akwete Maumboni Gakwanila?” (Sanja ja Mlonda, Ogasiti 2018)
Ana mpaka amanyilile chamtuli mabungwe kapena yakutendekwa yayikusakamuchisyaga Babeloni?
Ana ŵakusisya ŵane atesile yamtuli pakusaka kuti tukaŵa ŵakulupichika kwa Mlungu?
Mu ngani jakuti “Mbele Ndili Mkusosasosa Mlungu Kutandila Ndili Mwanache,” alole yiŵatesile mlongola jwa dini kuti alilekanganye ni dini jaunami.
“Baibulo Jikusachenga Umi wa Ŵandu” (Sanja ja Mlonda, Julayi 1, 2011)
You May Also Like
YIWUSYO YAKUSANONYELA ŴANDU KUWUSYA
Ana Ljiganyo lya Baibulo Lyakusatendesya Ŵamboni sya Yehofa Likusatendekwa Mwamtuli?
Muyakambilana ni Ŵamboniyi akwete ufulu ŵakamulichisya masengo Baibulo jawo. Yili yakomboleka kwaŵilanga achimjawo soni ŵamwiŵasa mwawo kuti atende nawo lijiganyoli.
