Cristão supiwaitá ti ta usú ta uxari ne maã asuí ne awá ta umutiári aintá Jeova suí. Reyusaã kuayé yuíri, ti será? Jeová uvalorizari ti resewara rexari aé. (Releri 1 Krônikaitá 28:9.) Maã amuramé upoderi umuapatuka readorari arama Jeová, asuí maã repoderi remuñhã?

1. Mayé amú miraitá ta upoderi ta umuapatuka yadorari arama Jeová?

Yepeyepé miraitá ta usú ta usikari ta umuapatuka ti arama yadorari Jeová. Awá será usikari umuñhã kuayé? Yepeyepé miraitá ta uxariwaá Jeová amuramé ta umbeu gananisá Deus organização resé umbawa arama yané fé irum. Yaseruka aintá mayé apóstata. Aikué yuíri religiãoitá ruixawa ta umbeuwaá gananisá yané resé ta umuñhã arama yaxari Jeová. Yawaité yasikari yakuntari awá irum uikú yané ruaxá u yaleri aintá papera, blog, site u vídeoitá. Jesus umbeu awaitá resé ta usikariwaá ta umuapatuka yadorari arama Jeová. Aé umbeu: “Timaarese peiku aintasui pexari ainta, nyãse umbuewaita sesaimawaita ainta kua yepe sesaimawaa urasu rame yepe sesaimawaa aintauwari kuri barera kiti.” — Mateu 15:14.

Mayé yayusaã mairamé yepé mira yasaisuwaá uparawaka uxari Jeová? Kuá umusasiára retana yandé. Amuramé kuá mira uputari yaparawaka arama aé u Jeová. Ti yaputari yaxari ne maã asuí ne awá umuapatuka yadorari arama Jeová. (Mateu 10:37) Yawewaá rupí yasendú mairamé Jeová umbeu ti arama yakuntari ne yayumuatiri kuá miraitá irum. — Releri 1 Korintowaraitá 5:11.

2. Mayé yamukameẽ yaparawakawaá rupí tiwaá yasú yaxari Jeová?

Yasaisú resewara Jeová usú uajudari ti arama yayumunái religiãoitá irum tiwaá supí. Ti yayumunái yuíri ne yepé organização irum uyumunaiwaá religiãoitá irum tiwaá supí. Ape ti yasú yamuñhã ne yepé murakí u amú maã uapoiariwaá kuá religiãoitá. Jeová umbeu yandé arama: ‘Peyuiriana isui, kua Babilunia turusuwaa, penye semiraita.’ — Apokalipse 18:2, 4.

 REYUMBUÉ PIRI ARAMA

3. Remaã katú gananisá suí ta umbeuwaá

Maã yarikuté yamuñhã yasendú ramé gananisá Jeová organização resé? Peleri Provérbiuitá 14:15, ariré pekuntari kuá resé:

• Marã yarikuté yamaã katú ti arama yaruyari pañhe maã resé ta umbeuwaá?

Peleri 2 João 10, ariré pekuntari kuá resé:

• Mayé kuá versículo umbeu apóstataitá resé, maã resé yarikuté yamaã katú?

• Yandé yakuá ti puranga yakuntari apóstataitá irum. Ma amuramé mayé yapoderi yaxari ta umuñhã yamanduári aintá yawé?

• Mayé Jeová usú uyusaã sá yasendú gananisá ta umbeuwaá isesé asuí iorganização resé?

4. Te rexari Deus até sá yepé yané imũ umuñhã pecado

Maã yarikuté yamuñhã yakuá ramé yepé mira congregação upé umuñhã pecado turusuwaá? Remaã maã Deus umbeu israelwaraitá supé kuxiíma. Peleri Levítico 5:1.

Mayé umbeu kuá versículo, sá yakuá yepé yané imũ umuñhã yepé pecado turusuwaá, yarikuté yambeu anciãoitá supé. Ma puranga yambeu ramé primeiro kuá mira irum ukuntari arama anciãoitá supé ipecado resé. Sá aé ti umbeu aintá supé, yandé yarikuté yambeu anciãoitá supé maã resé yakuá umuñhãwaá. Mayé yamuñhã ramé kuayé umukameẽ yané saisusá . . .

• Jeová Deus rupí?

• kuá mira rupí umuñhãwaá pecado?

• amú miraitá rupí congregação upé?

 5. Repitá apekatú kuá ‘Babilunia turusuwaa’ suí

 MAÃ REYUMBUÉ

Ne mairamé yaputari yaxari Jeová. Yawewaá resewara, puranga yapitá apekatú awaitá suí ta uxariwaá aé. Asuí yarikuté yaxari religião tiwaá supí.

Remanduari arama

• Marã ti yapoderi yamaã ne yaleri u yasendú maã apóstataitá ta umbeu?

• Mayé yarikuté yamaã awá tiã yepé Umbeusá Jeová resé?

• Mayé yapoderi yaxari religião tiwaá supí?