XOOK 58
Maʼ a náachtal tiʼ Jéeoba
Toʼon k-meyajtik Jéeobaeʼ k-chʼaʼtukultmaj maʼ k-náachtal tiʼ letiʼ. K-ojel teech xaneʼ láayliʼ bey a tuukuloʼ, Jéeobaeʼ jach ku apreciartik u chúukpajal a wóol (xok 1 Crónicas 28:9). ¿Bey baʼax jeʼel u beetik a náachtal tiʼ Jéeobaeʼ? ¿Baʼax jeʼel a beetik utiaʼal maʼ a chaʼik a náachkuntaʼal tiʼ letiʼeʼ?
1. ¿Baʼax jeʼel u beetik u maasil utiaʼal u náachkuntkoʼon tiʼ Jéeobaeʼ?
¿Bey máaxoʼob jeʼel u yilik u náachkuntkechoʼob tiʼ Jéeobaeʼ? Jujuntúuloʼobeʼ letiʼe apóstataʼoboʼ, letiʼobeʼ tu xúumpʼattoʼob u kaajal Jéeoba. Uláakʼoʼobeʼ letiʼe u nuuktakil le religiónoʼoboʼ tumen ku yaʼalikoʼob baʼaloʼob maʼ jaajtak tu contra u kaajal Jéeobaiʼ. Jach kʼaʼabéet k-kanáantik maʼ k-tsikbal yéetel le máakoʼob beyoʼ, maʼ k-xokik le libroʼob ku jóoʼskoʼoboʼ, le baʼaloʼob yaantiʼob ich Internetoʼ mix le videoʼob ku jóoʼskoʼoboʼ. Jesúseʼ tu yaʼalaj yoʼolal le máaxoʼob ku yilik u náachkuntkoʼob máak tiʼ Jéeobaoʼ: «Maʼ a beetkeʼex u cuentailoʼob. Letiʼobeʼ beyoʼob jeʼex le máakoʼob chʼóopoʼob ku nuʼuktikoʼob uláakʼ máakoʼoboʼ. Le oʼolaleʼ wa juntúul chʼóop ku nuʼuktik u yéet chʼóopileʼ tu kaʼatúulal kun lúubloʼob tiʼ junpʼéel jool» (Mateo 15:14).
2. ¿Bix jeʼel k-eʼesik jach tu jaajil chúukaʼan k-óol tiʼ Jéeobaeʼ?
Toʼoneʼ k-yaabiltmaj Jéeoba, le oʼolal maʼatech k-oksikba tiʼ baʼaxoʼob yaan yil yéetel le religiónoʼob maʼatech u kaʼanskoʼob u jaajiloʼ. Tak le meyaj k-beetkoʼ unaj k-ilik maʼ u yantal mix baʼal u yil yéetel le religiónoʼobaʼ. Tsʼoʼoleʼ wa táakaʼanoʼon ichil junpʼéel organizacióneʼ unaj k-ilik xan maʼ u yantal mix baʼal u yil yéetel le maʼ jaajil religiónoʼoboʼ. Jéeobaeʼ ku yaʼaliktoʼon lelaʼ: «In kaajal, jóokʼeneʼex tiʼ le kaajaʼ» wa tiʼ le Nojoch Babiloniaoʼ (Apocalipsis 18:2, 4).
UTIAʼAL A MAAS NAʼATIK
Ilawil baʼax jeʼel a beetik utiaʼal maʼ a náachkuntaʼal tiʼ Jéeobaeʼ. Yéetel bix jeʼel a weʼesik chúukaʼan a wóol wa ka náachtal tiʼ le Nojoch Babiloniaoʼ.
3. Kanáantaba tiʼ le máaxoʼob maʼ tu kaʼanskoʼob u jaajiloʼ
¿Baʼax unaj k-beetik wa k-uʼuyik u yaʼalaʼal baʼaloʼob maʼ jaajtak tu contra u kaajal Jéeobaiʼ? Xokeʼex Proverbios 14:15, kéen tsʼoʼokkeʼ ka tsikbaltikeʼex lelaʼ:
-
¿Baʼaxten maʼ unaj k-creertik tuláakal le baʼax ku yaʼalaʼaloʼ?
Xokeʼex 2 Juan 9-11, kéen tsʼoʼokkeʼ ka tsikbaltikeʼex lelaʼ:
-
¿Maʼalob wa ka k-bisba yéetel le apóstataʼoboʼ?
-
Kex maʼatech k-bisikba yéetel le apóstataʼoboʼ, ¿bix jeʼel u kʼaskúuntik k-tuukul le baʼaxoʼob ku kaʼanskoʼoboʼ?
-
¿Bix jeʼel u yuʼubikuba Jéeoba wa ku káajal k-uʼuyik le baʼaloʼob ku yaʼalaʼal tu contraoʼ bey xan tu contra u kaajaloʼ?
4. Chúukpajak a wóol tiʼ Jéeoba kéen kʼebanchajak juntúul sukuʼun
¿Baʼax kʼaʼabéet k-beetik wa k-ojéeltik juntúul sukuʼuneʼ tsʼoʼok u lúubul tiʼ junpʼéel nojoch kʼeban? Ilawil baʼax ku yaʼalik le Ley tu tsʼáaj Jéeoba tiʼ le israelitaʼoboʼ. Xokeʼex Levítico 5:1.
Jeʼex u yaʼalik le tekstooʼ wa k-ojéeltik yaan máax tsʼoʼok u kʼebantal teʼ múuchʼuliloʼ unaj k-aʼalik tiʼ le ancianoʼoboʼ. Chéen baʼaleʼ antes tiʼ leloʼ unaj k-tʼaan yéetel le máax kʼebanchajoʼ utiaʼal k-aʼaliktiʼ kʼaʼabéet u yaʼalik tiʼ le ancianoʼob le baʼax tsʼoʼok u beetkoʼ. Pero wa maʼ tu yaʼalik tiʼ le ancianoʼoboʼ toʼon unaj k-aʼaliktiʼob, beyoʼ k-eʼesik chúukaʼan k-óol tiʼ Jéeoba. ¿Baʼaxten kéen k-beet beyoʼ k-eʼesik k-yaabiltmaj...
-
... Jéeoba?
-
... le máax kʼebanchajoʼ?
-
... le múuchʼuliloʼ?
5. Jóokʼkech tiʼ le Nojoch Babiloniaoʼ
Xokeʼex Lucas 4:8 yéetel Apocalipsis 18:4, 5, kéen tsʼoʼokkeʼ ka tsikbaltikeʼex lelaʼ:
-
¿Tsʼoʼok wa in luʼsik in kʼaabaʼ ichil wa baʼax religiónil maʼatech u kaʼansik u jaajil?
-
¿Táakaʼanen wa ichil junpʼéel organización yaan baʼax u yil yéetel religión?
-
Le meyaj kin beetkoʼ, ¿yaan wa baʼax u yil yéetel le religiónoʼob maʼatech u kaʼanskoʼob u jaajiloʼ?
-
¿Yaan wa uláakʼ baʼax kʼaʼabéet in kʼexik ichil in kuxtal utiaʼal in náachtal tiʼ le maʼ jaajil religiónoʼ?
-
Wa ka wilik yaan baʼax láayliʼ unaj a kʼexik ichil a kuxtaleʼ, ¿baʼax unaj a beetik utiaʼal a kʼexik?
Jeʼel baʼaxak ka a chʼaʼtukult a beetkeʼ ilawil u pʼáatal tranquilo a conciencia yéetel u chúukpajal a wóol tiʼ Jéeoba.
BAʼAX SUUK U YAʼALAʼAL: «Wa maʼ tin wojéeltik baʼax ku yaʼalik le apóstataʼob tu contra u testigoʼob Jéeobaoʼ, ¿bix túun ken in weʼes maʼ jaaj le baʼax ku yaʼalikoʼoboʼ?».
-
¿Maʼalob wa ka tuukulnak máak beyoʼ? ¿Baʼaxten?
BAʼAX TSOʼOLI
Wa k-kʼáat ka chúukpajak k-óol tiʼ Jéeobaeʼ maʼ unaj k-bisikba yéetel máaxoʼob chéen taak u tuskoʼonoʼobiʼ.
Baʼax ta kanaj
-
¿Baʼaxten maʼ unaj k-uʼuyik baʼax ku yaʼalik le apóstataʼoboʼ?
-
¿Baʼax unaj k-beetik wa k-ojéeltik tsʼoʼok u kʼebantal juntúul sukuʼun?
-
¿Baʼax unaj k-beetik utiaʼal k-jóokʼol tiʼ le religión maʼatech u kaʼansik u jaajiloʼ?
KAN U MAASIL
Ilawil baʼax jeʼel a beetik wa yaan máax ku yaʼalik baʼaloʼob maʼ jaajtak tu contra u testigoʼob Jéeobaiʼ.
«¿Jach wa jaaj le baʼax ku yaʼalaʼaloʼ?» (U Pʼíich Tulumil Kanan, agosto tiʼ 2018)
¿Bix jeʼel k-ojéeltik wa junpʼéel organizacióneʼ yaan baʼax u yil yéetel le religión maʼatech u kaʼansik u jaajiloʼ?
¿Baʼax tsʼoʼok u beetik jujuntúul máakoʼob utiaʼal u xuʼulul k-adorartik Jéeoba?
Teʼ xook «Desde tin paalil káaj in kaxtik Dios» juntúul sacerdote sintoístaeʼ ku tsikbaltik baʼaxten náachchaj tiʼ le maʼ jaajil religiónoʼ.
«Kʼeʼex u kuxtaloʼob tumen le Bibliaoʼ» (U xookil U Pʼíich Tulumil Kanan)