LECCIÓN 58

Goka lilhachhiʼ lhen Jeobá

BZENAGA LEN DIDZA

Ka beneʼ wenchhin ki Dios notobilachhirha kubidia gzaga rhoʼo na tzeanelachhirha Jeobá. Nezetoʼ kanse rhaka kioʼ, na Jeobá rsákagaze tan nakalho lilhachhiʼ (blaba 1 Crónicas 28:9). Bi gon na berhe gákalho lilhachhiʼ lhen Dios. Bi waka gonloʼ na gákalho lilhachhiʼ.

1. Bi rhon yezikalha beneʼ kuenda ksanrha tan nakarha lilhachhiʼ lhen Jeobá

Bala beneʼ yeenkene ksanrha tan rheanelachhirha Jeobá. Nonoʼ gon kan. Kanho, balakeʼ chi bsanke talí na lachhike rnheke ta ku naka chhiaʼ ki yechhi ki Dios na kan yeniti yelarheajeyee kierha. Ka beneʼ ni rhelóke apóstata. Lhezekan nekuaʼ beneʼ yiajlo ki yezikalha religión bikataʼ rguilhalachhike kierha na kan beneʼ tzeajkeneyee kieke yekuasake ki talí. Ku naka chhiaʼ kpixhajlhenrha beneʼ rlekeneziʼ yechhi ki Dios, glabarha tan rchhiake kan yeguilhakarhane lo internet o uyorha video kieke. Katiʼ Jesús btzalaje ki beneʼ rheenkene ksanrha tan nakarha lilhachhiʼ lhen Jeobá, gneʼ kieke: «Layoke, nakake beneʼ ku rleʼ. Na cheʼ to beneʼ ku rlenhe koeʼ toneza yito beneʼ ku rlenhe, irhopakateʼ wedzatzooke lo yerho» (Mateo 15:14).

Nobí gaka katiʼ to beneʼ nombherha rtobilachhie kurha gakeʼ testigo ki Jeobá. Katiʼ to beneʼ nombherha rhonhe kan, banachhi rzuayechigasrha, nakalha besla inezerha nobí gonrha, a taarha Jeobá o cheʼ taarha benenhaʼ. Sanlhe rhoʼo rhala ktobilachhirha gákarha lilhachhiʼ lhen Jeobá tolizi (Mateo 10:37). Lhekaʼ rzenagarha tan Jeobá rneʼ ku gonrha tzaxhen lhen benenhaʼ (blaba 1 Corintios 5:11).

2. Bi másrhe gon na kurha gákarha lilhachhiʼ lhen Jeobá

Tan rhoʼo rhekerha Jeobá ku rheenerha ugotza kierha lhen yelarheanelachhi uxhiyee. Lo chhin kierha, ga nababarha lhen bithezi ta rhonrha ku rhala ugotzarha lhen yelarheanelachhi uxhiyee. Jeobá rheʼ kni yechhi kieʼ: «Leyerhuaj luelhenhaʼ», taní rhenheinhe ki Babilonia la Grande (Apocalipsis 18:2, 4).

KSEEDIRHA MÁSRHE KI TANÍ

Ni uyorha bi waka gonloʼ na bidia seke gzaga lueʼ gákalho lilhachhiʼ lhen Jeobá, lhezekan ni uyorha bixhkieʼ katiʼ be ugotza kioʼ lhen Babilonia la Grande rluelho nakalho lilhachhiʼ.

3. Guiogalhoʼ lhen beneʼ rseediekene ta naka uxhiyee

Nákaʼ rhala gonrha cheʼ yenherha ta ku naka chhiaʼ ki yechhi ki Dios. Le ulaba Proverbios 14:15 na le ktzalaj ki taní:

Bixhkieʼ rhala gákarha beneʼ rheajnie na ku tzeajerhayee derha tan rhenherha.

Le ulaba 2 Juan 10 na le ktzalaj ki taní:

A rhala gonrha tzaxhen lhenka apóstata.
Nakalha ku rhonrha tzaxhen lhenka apóstata, niklakaʼ, nákaʼ wazeke gchhiaguiʼ rhoʼo kaʼ rhonke kuenda.
Cheʼ gzenagarha tan rguilhalachhike ki Jeobá o ki yechhi kieʼ, nákaʼ rhekelho gaka ki Jeobá.

4. Goka lilhachhiʼ lhen Dios katiʼ nó rgoʼ to dolaxhguiaʼ

Cheʼ rnezerha to beneʼ bichirha o nigolha zanrha rgoeʼ dolaxhguiaʼ ló Dios, bi rhala gonrha. Ni uyorha bi ryedierha ki ley bde Dios ki yechhi Israel. Le ulaba Levítico 5:1.

Kaʼ rnhe versículoni, cheʼ rnezerha to beneʼ bichirha o nigolha zanrha rgoeʼ to dolaxhguiaʼ xhen, rhala kixhajerha ki ka anciano kieʼ tan nesrha. Sanlhe, katiʼ ziʼ gonrha kan, naka chhiaʼ ktzalajlhenrha beneʼ glueʼ dolaxhguiaʼ na ktzalajeʼ lhenka anciano kieʼ na kixhajeʼ tan bhenhe. Cheʼ ku rguixhajeʼ, rluerha nakarha lilhachhiʼ lhen Jeobá katiʼ rguixhajerha ki ka anciano kieʼ. Bixhkieʼ katiʼ gonrha kan rluerha naparha yelarheke kan nakarha lilhachhiʼ lhen…

... Jeobá.
... beneʼ gloeʼ dolaxhguiaʼ.
... congregación.

Cheʼ to beneʼ bichirha chi yatzoeʼ lo tazeedi, ¡gokalhenhe!

5. Ku ugotzaʼ kioʼ lhen Babilonia la Grande

Le uyo VIDEO.

VIDEO: ¡Leyerhuaj ki Babilonia la Grande! (5:06)

Le ulaba Lucas 4:8 lhen Apocalipsis 18:4, 5 na le yochhiʼ taní:

A nizua lawaʼ lhenka beneʼ nababake to yelarheanelachhi uxhiyee.
A nababaʼ ga rhonke tozi yelarheanelachhi uxhiyee.
A notzaa chhin kiaʼ lhen yelarheanelachhi uxhiyee.
A zuarhe ta rhala gonha na yerhuaja doneyaa lhen yelarheanelachhi uxhiyee.
Cheʼ kan naka, bi rhala gonloʼ.

Bitithezi gonloʼ, btobilachhi gonloʼ ta gzua tzabaʼ yikiajlolho lhen glueʼ nakalho lilhachhiʼ lhen Jeobá.

Bi gonloʼ cheʼ to beneʼ nababe religión yobla inabe kioʼ domiʼ, kuenda gonke yodarhi beneʼ.

BALAKEʼ RNHEKE: «Cheʼ ku nesda bi rnheka apóstata ki ka testigo ki Jeobá, nákaʼ glueaʼ ku naka chhiaʼ tan rnheke».

A naka chhiaʼ glueaʼ ku rnheke talí. Bixhkieʼ.

TA CHI BYEDIERHA

Cheʼ rheenherha gákarha lilhachhiʼ lhen Jeobá, ku rhala gonrha tozi lhen beneʼ kurha rheanelachhike leʼ. Lhezekan ku rhala ugotza kierha lhen yelarheanelachhi uxhiyee.