Sude do halak Kristen pasti menghadapi tantangan, termasuk ma i penganiayaan. Attong porlu do hita mabiar?

1. Boasa dang pola heran hita molo dianiaya?

Takkas do didok Bibel, “Sasittongna, dibahen do na haccit tu sude halak na naeng manomba Debata dohot tu sude na gabe sisean ni Kristus Jesus.” (2 Timoteus 3:12) Jesus pe najolo dianiaya do ala dang olo ibana mangihutton akka halak na di portibi on. Hita pe dang taihutton akka halak na di portibi on. Jadi dang pola heran hita molo dianiaya pamaretta dohot organisasi agama.—Johannes 15:18, 19.

2. Sebelum dianiaya hita, aha do na porlu taulahon asa barani?

Ikkon pos do rohatta tu Jahowa mulai sian saonari. Martangiang ma hita tu Ibana ganup ari jala taratur ma hita manjaha Bibel, i ma Hata ni Debata. Asing ni i, taratur ma hita marpungu. Molo taulahon i sude boi ma hita barani nang pe dianiaya, termasuk ma molo ditentang keluarga hita. Najolo sering do Apostel Paulus dianiaya. Alai didok ibana do, “Jahowa do na mangurupi au, dang mabiar au.”—Heber 13:6.

Asing ni i molo taratur hita marbarita na uli, boi do i mangurupi hita asa lam barani. Alana tikki marbarita na uli hita, pasti berusaha do hita asa dang mabiar tu jolma jala marpos ni roha tu Jahowa. (Poda 29:25) Jadi molo tabiasahon do mulai sian saonari taratur marbarita, pasti barani ma hita marbarita haduan nang pe diorai pamaretta.—1 Tessalonik 2:2.

3. Aha do manfaatna molo tetap hita setia tu Debata tikki dianiaya?

Pasti dang lomo rohatta dianiaya. Alai molo tetap hita setia tu Debata nang pe dianiaya, gabe lam pos ma rohatta tu Debata. Jala lam jonok ma hubungatta tu Ibana. Alana tikki tahilala dang tolap be hita menghadapi tantangan i, pasti boi do tarasahon sai diurupi Ibana do hita. (Jaha Jakobus 1:2-4.) Lungun do roha ni Jahowa mangida hita susa. Alai las do rohana molo dang menyerah hita. Bibel mandok, “Molo martahan hamu manaon hasusaan ala mangulahon na denggan, las do roha ni Debata.” (1 Petrus 2:20)  Molo tetap hita setia tu Jahowa nang pe adong tantangan, lehononna ma hangoluan na saleleng ni lelengna tu hita di tano na imbaru. Sude ma halak disi manomba Jahowa jala dang adong na lao menganiaya nasida.—Mateus 24:13.

 ASA LAM TAATTUSI

4. Boi do hamu tetap setia tu Jahowa nang pe ditentang keluarga

Takkas do dipaboa Jesus, olo do ra dang lomo roha ni keluargatta molo tapillit manomba Jahowa. Jaha Mateus 10:34-36, dung i bahas ma sukkun-sukkun on:

• Aha ma na boi terjadi molo adong halak na mamillit naeng manomba Jahowa?

5. Torus ma manomba Jahowa nang pe dianiaya

6. Pasti diurupi Jahowa do hamu asa boi tetap setia

 KESIMPULAN

Pasti diargai Jahowa do molo torus hita manomba Ibana nang pe dianiaya. Jala pasti diurupi Ibana do hita asa boi tetap setia manomba Ibana!

Tinjauan

• Boasa dang heran hita molo dianiaya?

• Sebelum dianiaya hita, aha do na porlu taulahon asa barani?

• Boha do carana asa tetap pos rohamuna manomba Jahowa nang pe adong tantangan?