Ke a pe tchwe ye pe bo thoʼ ne jye nyenyô a, ke a gô ti te pe le, pômneng gô tela ne kengne ge bawele ne pe ke kwiʼ gamte Jéova. Wap gô ghe ba ge, pe yô goʼ tchwe ye pe kengne ne yaʼ ne ghamte Jéova a. Ya bô gô ghe ge pe pwôk a ?

1. Nweke pe pe byap ge pou le wôkpe djô goʼ dou ne nyenyô ?

Bible tchente gôm ge : “Goung pô awè pye wap tcheng ne vôk vôk ne le mkouʼ bing ne Kristo Yéso a, pou gô tchwôʼte mkwe map.” (2 Timotio 3:12) Pou le le Yéso djô goʼ nekele, é late be ne dzu Sata pe. Ba wôkpe pe te be ne dzu pe. Poʼo, a te tchye wôkpe paʼ she pô pye wap saʼ yenge dzu, ke she mtchôsi tchum yeng dzu le, de wôkpe djô goʼ a pe.—Yohané 15:18, 19.

2. Pe fing ne nyapte ne yôkpe m tchi ge ke, ne byap paʼ pou gô le wôkpe yô goʼ a ?

Pe gô toʼ tchwelô, soumte yôkpe ne yap tum ne Jéova. Pe goung mtyèʼ awè, gre priya neng khé Ghôm Si. Pe goung mtyèʼdzu tchouʼte awè, gô tchouʼte bemte. Ne ghe potse tsenge gô ha guʼ bou ne le sôktum doʼ goung mtchi paʼ pou fing ne le o ne djô goʼ a, ba m be ye pô toundye o né bo gre ya bô ne o a. Gè them Polo ye pou le pe boʼgwye mtchum de é ne djô goʼ a, le ve ge : “Jéova be gè kwite a; the gô pwôk sôm ywe pe.”—Ébraika 13:6.

Pe gô ping tchente ghe sôktum be ye pe sing Ghôm Si goung mtchwe awè a. Ne sing Ghôm Si kwite wôkpe ne yap tum ne Jéova, ba ne loʼ ne pwôk momsoung. (Mghôm jyenwe 29:25) Poʼo, o lagne ne ghe sôktum ne sing Ghôm Si tchwelô, be a gô kwite ne nyapte ne o ne ne sing Ghôm Si ne ghô a m dze, ba m be ye gôpnaʼ kengne faʼ tsôkpe a.—1 Tésalonika 2:2.

3. Pe gre ma mbyagne tchwe ye pe sôk tchwe ye pou de wôkpe ne djô goʼ a ?

A nyenyô, pe te khoung ge pou le wôkpe djô goʼ pe. Daʼge tchwe ye pe sôk taʼ ketuʼ te dzu a, pintum yôkpe bing tchente dète. Pe bing fouʼte ne yôkpe ha beng Jéova nekele, tchwe ye pe djouʼ ge pe ka ping gre guʼ a, pe djouʼ kwite é. (Ké Yakop 1:2-4.) A djè Jéova tchwe ye é djô pe po djô goʼ a. Daʼge tchwe ye pe sôk a, a ŋwègne tum tsye. Bible gôm ge : “O ghe nwe pepoung, te be djô goʼ ne, tchum tum tsu, be a be ghoʼ ne mnye Si.” (1 Pètro 2:20) Jéova gô ti tchwôʼ faʼ pô pye wap de dendeng ne sôk a, é gô ti ha vôk mama bi pou tchum taʼ dzu ye goung pô pye wap thé duʼ ne ghamte nyenyô a te gô ti ping pe si a pe.—Matio 24:13.

 PING TCHENG NE GÔ DZE

4. O fing ne sôk tchwe ye toundye o bo de o ne djô goʼ a

Yéso le be é tchente jye ge, toundye yôkpe fing ne tchyete ping khète ye pe de ne ghamte Jéova a. Ké Matio 10:34-36, neng gômte ne hente yenge :

• Tchwe ye taʼ mo de khète ne ghamte Jéova a, pô toundye é fing ne ghe m tchi ge ke ?

5. Le ne ghamte Jéova ne gô pe m dze ba m be ye pou bo de o ne djô goʼ a

 6. Jéova gô kwite o ne sôk

 YE NE KHAMTE

Jéova tchente ning deng ne kaktuô ye pe gre ne ne faʼ bii, ba m tchwe ye pou bo de wôkpe ne djô goʼ a. Pou a kwite é, pe fing ne tchente sôk tchwe ye pou bo de wôkpe djô goʼ a !

O lagne ke ?

• Nweke mkritè gô pe pyap ge pou le wap djô goʼ ?

• O fing ne ghe la tchwelô, ne ne nyapte ne o ne tchwe ye pou gô le o ne yô goʼ a ?

• Ke fing ne kwite o ne tchente jye ge o fing ne faʼ bi Jéova, ba m be ye o tchum baya ketuʼ le ?