LESON 59
Ou kapab andire ler ou ganny persekite
To ou tar tou Kretyen pou ganny opoze oubyen menm persekite. Eski sa i devret fer nou per?
1. Akoz nou ekspekte ganny persekite?
Labib i dir fransman: “Tou bann ki oule vin disip Kris Zezi e demontre devosyon pour Bondye dan zot lavi pou osi ganny persekite.” (2 Timote 3:12) Zezi ti ganny persekite akoz i pa ti form parti lemonn Satan. Nou osi nou pa form parti sa lemonn. Alor nou pa etonnen ler nou ganny persekite par bann gouvernman ek lorganizasyon relizye sa lemonn.—Zan 15:18, 19.
2. Ki mannyer nou kapab prepar nou pour persekisyon?
Nou bezwen devlop plis konfyans dan Zeova konmela menm. Fer letan tou le zour pour koz avek li dan lapriyer e lir son Parol, Labib. Asiste renyon dan kongregasyon regilyerman. Sa bann aktivite pou donn nou lafors pour fer fas avek nenport persekisyon, menm si nou ganny persekite avek nou prop manm fanmir. Zapot Pol ki ti souvan ganny persekite ti ekri: “Zeova i mon led, mon pa pou per.”—Ebre 13:6.
Nou kapab osi ganny plis kouraz ler nou prese regilyerman. Prese i ed nou pour annan konfyans dan Zeova e sirmont okenn lafreyer zonm. (Proverb 29:25) Si ou devlop kouraz pour prese la konmela, ou pou kapab kontinyen prese menm si gouvernman i enterdi nou travay.—1 Tesalonisyen 2:2.
3. Ki byenfe nou gannyen si nou andire ler nou ganny persekite?
Byensir napa personn ki kontan ganny persekite. Me si nou andire ler nou ganny persekite, nou lafwa pou vin pli for. Nou vin pli pros avek Zeova akoz nou santi ki i pe ed nou ler nou krwar ki nou nepli kapab kontinyen. (Lir Zak 1:2-4.) Zeova i sagren ler i vwar nou soufer, me i kontan ler i vwar nou andire. Labib i dir: “Si zot soufer akoz zot pe fer sa ki byen, sa i en bon keksoz devan Bondye.” (1 Pyer 2:20) Rekonpans ki Zeova pou donn tou bann ki andire fidelman i lavi eternel dan en lemonn kot pou napa personn ki pou opoz vre ladorasyon.—Matye 24:13.
AL PLI O PROFON
Vwar akoz i posib pour reste fidel avek Zeova menm ler nou ganny persekite e ki mannyer i pou rekonpans nou.
4. Ou kapab andire ler fanmir i opoz ou
Zezi ti rekonnet ki nou fanmir i kapab pa aksepte nou desizyon pour ador Zeova. Lir Matye 10:34-36 e apre reponn sa kestyon:
-
Ki kapab arive ler en manm fanmir i deside pour servi Zeova?
Pour vwar en legzanp, zwe sa VIDEO e apre reponn sa kestyon.
-
Ki ou pou fer si en fanmir oubyen en zanmi i sey dekouraz ou pour servi Zeova?
Lir Psonm 27:10 ek Mark 10:29, 30. Apre ki ou’n lir sak verse, reponn sa kestyon:
-
Ki mannyer sa promes i kapab ed ou ler en fanmir oubyen zanmi i opoz ou?
5. Kontinyen servi Zeova kantmenm ou ganny persekite
I demann kouraz pour kontinyen servi Zeova ler lezot i esey anpes nou fer li. Zwe sa VIDEO e apre reponn sa kestyon.
-
Ki mannyer sa bann legzanp dan sa video i ankouraz ou?
Lir Akt 5:27-29 ek Ebre 10:24, 25. Apre ki ou’n lir sak verse, reponn sa kestyon:
-
Akoz i enportan pour kontinyen servi Zeova menm si nou travay predikasyon oubyen renyon i ganny enterdi?
6. Zeova pou ed ou andire
Temwen Zeova partou dan lemonn, ki swa zenn oubyen aze, i kontinyen servi Zeova fidelman menm ler zot ganny persekite. Pour vwar sa ki’n ed zot, zwe sa VIDEO. Apre reponn sa kestyon.
-
Kwa ki ti ed sa bann Temwen andire dan sa video?
Lir Romen 8:35, 37-39 ek Filipyen 4:13. Apre ki ou’n lir sak verse, reponn sa kestyon:
-
Ki mannyer sa verse i asir ou ki ou kapab andire dan nenport ki difikilte?
Lir Matye 5:10-12 e apre reponn sa kestyon:
-
Akoz ou kapab zwaye kantmenm ou ganny persekite?
Plizyer milyon serviter Zeova in reisi andire malgre lopozisyon. Ou osi ou kapab fer li!
SERTEN DIMOUN I DIR: “Mon pa pou kapab andire ler mon ganny persekite.”
-
Ki verse Labib ki kapab donn ou sa konfyans ki ou bezwen?
REZIMEN
Nou zefor pour servi Zeova malgre nou ganny persekite i annan en gran valer dan son lizye. Avek son led, nou pou reisi andire!
Revizyon
-
Akoz bann Kretyen i ekspekte ganny persekite?
-
Ki ou kapab fer la konmela pour ou pare ler persekisyon i vini?
-
Kwa ki kapab donn ou sa lasirans ki ou kapab servi Zeova kantmenm ou rankontre nenport difikilte?
FER PLIS RESERS
Get en zenn frer pe eksplike ki mannyer Zeova ti ed li andire ler i ti ganny met dan prizon akoz i pa ti pran kote dan bann zafer sa lemonn.
Vwar kwa ki ti ed en koup pour servi Zeova fidelman pour bokou lannen kantmenm zot ti ganny opoze.
Aprann ki mannyer ou kapab annan kouraz pour fer fas avek persekisyon.
“Prepar ou pour persekisyon depi la konmela” (Latour Veyer Zilyet 2019)
Ki sa bon pwennvi nou devret annan ler fanmir i opoz nou e ki mannyer nou kapab fer fas avek sa bann difikilte?
“Laverite ‘pa . . . anmenn lape me lepe’” (Latour Veyer Oktob 2017)
You May Also Like
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
