Te naŋ e Kristabiiri zuŋ, lɛ zaa naŋ la noba na iri zɔɔrɔ ne teŋ, bee a gba dɔgrɔ te. Aseŋ ka te vɛŋ ka dɔgroŋ yɛlɛ eŋnɛ te dabeɛ̃ bee?

1. Bonso aŋ ba seŋ ka a e te seɛlee saŋa na baŋ wa dɔgrɔ te?

A Baabole yeleeŋ peɛlaaŋ ka: “Serɛzaa, noba na zaa naŋ boɔrɔ ka ba taa nyɔvo-soŋ a Krista Yezu eŋɛ na nyɛ la dɔgɛɛ.” (2 Timoti 3:12) Yezu da ba de o meŋɛ eŋ Setaana donɛɛ ŋa noba yɛlɛ poɔŋ, azuŋ, noba da dɔgrooŋ yaga. Te meŋ ba derɛ te menne eŋnɛ a donɛɛ ŋa noba yɛlɛ poɔŋ, azuŋ, a ba seŋ ka a e te seɛlee saŋa na a donɛɛ gɔmenantere ane ŋmenpuoreba naŋ wa dɔgrɔ te, kyɛbee a iri zɔɔrɔ ne te na.​—Gyɔɔn 15:18, 19.

2. Wala teŋ na baŋ e a nare te menne a ko dɔgroŋ?

Aseŋ ka te mɔɔ a kyɛ dɛle Jehoova yaga zaa pampana ŋa. Bebiri zaa, maŋ bɔ wagre a puore sɔre Jehoova, kyɛ maŋ kanne o Yelbiri na meŋ. Mɔɔ kyɛ gɛrɛ a lantaapuoruu lammore na zaa. A yɛlɛ ŋa zaa na soŋ boŋ ka ho de nyaa a are dɔgroŋ zaa noɔreŋ, haali ka ho booree demeŋ dɔgrɔ bo. Gbɛɛ yaga, bitontona Pɔɔl da maŋ tuoree dɔgroŋ, azuŋ o da sɛgɛɛŋ ka: “A Daana [Jehoova] la N soŋnɔ; N koŋ zoro dabeɛ̃.”​—Hiburu 13:6.

Ka teneeŋ moɔlɔ a duorisoŋ wagre zaa, a na soŋ teŋ ka te tare nyaa. A naaŋ moɔloo toma maŋ soŋ teŋ teŋ dɛle Jehoova. A kyɛ maŋ lɛ vɛŋ teŋ ba zoro nensaaleba dabeɛ̃ meŋ. (Yeng Yelibie 29:25) Ka hooŋ mɔɔ a de nyaa moɔlɔ a duorisoŋ pampana, a na soŋ boŋ ka ho naŋ moɔ̃ niŋe moɔlɔ a duorisoŋ haali saŋa na a gɔmenante naŋ pigre te sori ka te ta moɔlɔ a duorisoŋ na.​—1 Tɛsalonika 2:2.

3. Bo maaloo teŋ na nyɛ ka teneeŋ toɔ̃ are dɔgroŋ noɔreŋ?

Yelmeŋɛ la, te kaŋa zaa ba nɔŋ ka ba dɔgrɔ te, kyɛ ka teneeŋ toɔ̃ are dɔgroŋ noɔreŋ, te sagediibu na maaleŋ eɛ kpeɛŋaa. Saŋa kaŋa, ka teneeŋ wa tuoro dɔgroŋ, te faŋa zaaŋ maŋ baare teŋ teɛre ka te koŋ baŋ lɛ are a noɔreŋ, a saŋa ka Jehoova maŋ soŋ te yaga zaa. Ka teneeŋ wa nyɛ lɛ Jehoova naŋ sonnɔ te na, a maŋ vɛmeŋ teŋ tage peɛloo yaga zaa. (Kanne Gyimisi 1:2-4.) Ka teneeŋ wa dire dɔgɛɛ, a maŋ beɛrɛɛ Jehoova yaga zaa, kyɛ ka teneeŋ di kannyiri a toɔ̃ are a dɔgroŋ noɔreŋ, Jehoova poɔ zaaŋ maŋ pɛle. A Baabole yeleeŋ ka: “Ka yɛneŋ wa taa kannyiri a yɛ yelveɛle eebo poɔ a di dɔgɛɛ, yɛ nyɛ la Naaŋmen maaloo.” (1 Piita 2:20) Ka teneeŋ di kannyiri a are dɔgroŋ noɔreŋ a te ta a baaraa, Jehoova na ko teŋ nyɔvore naŋ ba taa baaraa Paradiisi poɔŋ. Ka teneeŋ wa gaa Paradiisi poɔ, neɛzaa koŋ lɛ dɔgrɔ te te naŋ puoro Naaŋmen zuŋ.​—Matio 24:13.

 ZANNE YƐLƐ YAGA POƆ

4. Ka ho booree demeŋ iri zɔɔrɔ ne bo, ho na toɔ̃ arɛɛ a noɔreŋ

Yezu meŋɛ da yeleeŋ ka, te booree deme mine poɔ koŋ pɛle saŋa na teŋ de gbɛre ka te na puoree Jehoova na. Kanne Matio 10:34-36, a kyɛ gyieli a soorebiri ŋa yɛlɛ:

• Ka teneeŋ de gbɛre ka te na puoree Jehoova, bo yɛlɛ ka te booree deme na baŋ yeli bee a e te?

5. Naŋ moɔ̃ niŋe puoro Jehoova haali saŋa na hoŋ tuoro dɔgroŋ

 6. Jehoova na soŋ boŋ ka ho toɔ̃ are dɔgroŋ noɔreŋ

 A ZANNOO YELNIMIZEERE

Ka teneeŋ wa tuoro dɔgroŋ a kyɛ naŋ moɔ̃ niŋe puoro Jehoova, a maŋ vɛmeŋ ka o poɔ pɛle yaga zaa. Jehoova na toɔ̃ soŋ teŋ ka te di kannyiri a are dɔgroŋ noɔreŋ!

Bo Hoŋ Zanne

• Bonso aŋ ba seŋ ka a e Kristabiiri seɛlee saŋa na baŋ dɔgrɔ ba na?

• Wala hoŋ na baŋ e pampana a nare ho meŋɛ a ko dɔgroŋ zaa hoŋ na tuore?

• Bo yɛlɛŋ na baŋ soŋ bo ka ho sagedi ka, aneazaa ka ho tuoree dɔgroŋ kyɛ ho naŋ na baŋ puoree Jehoova?