Ë man thiɔ̈ɔ̈kë awu ë dhaman bï bën tueŋ, Kërithanoi ëbën aa bïï kɔc ke jai ë gäämden, ku yɔŋ keek. Lëu bï ë kënë ɣo gɔ̈i?

1. Ye wɛ̈tŋö ye ɣook yaaŋ ŋɔ̈ɔ̈th ke bï rot looi?

Aye Baibol ŋiɛc lueel: “Kɔc kedhie kɔc ee nyïïn riɛl an, bïk aa rëër ë Kërtho Yecuyic ke ke riëëu Nhialic, kek abï dhil yɔŋ.” (2 Timotheo 3:12) Yecu aa cï yɔŋ ë wɛ̈t kën yen rot mat ë käk ë pinynɔm mɛc Cetänic. Ɣook aya ɣo cie röt ë mat ë käk ë pinynɔmiic, ke kënë acie ɣook ë gɔ̈i të yɔŋ ɣok akumat ke pinynɔm ku jɔl ya akuut juëc ë duɔ̈ɔ̈r tɔ̈u ë pinynɔm ëbën.​—Jɔn 15:18, 19.

2. Ye këdï lëu bïï ɣook röt guiir ë yaaŋ ye kɔc yɔŋ?

Awïcku buk gäämda looi bï riɛl tënë Yekoba ë mannë. Ye dhaman bɛ̈ibei ë köölthok ëbën ba ya lɔ̈ŋ tënë Yekoba ku kuen wɛ̈tde. Ye lɔ amɛtmɛɛt akutnɔmiic ë nïn ye ke amɛtmɛɛt looi yiic ëbën. Ë loi looikä aabï yï yiën riɛl ba yaaŋ guum ke yï ril puɔ̈u, cɔk anɔn ë bïï yen tënë kɔcke paanduön. Dutuc Paulo, wään cï yɔŋ, aacï gɔ̈t: “Bɛ̈nydït [Yekoba] ee konyda, wok cïï bï riɔ̈ɔ̈c.”​—Ɣeberuu 13:6.

Ɣook lëu buk piɔ̈ɔ̈th riɛl aya të ye ɣok lɔ piööc ë köölthok ëbën. Lon piööc ee ɣok kuɔny buk Yekoba gam ë piɔ̈nda ëbën ku tiamku riɔ̈ɔ̈c ë mɛnh ë raan. (Kɛ̈ŋ 29:25) Na loi ba puɔ̈u riɛl ba ya lɔ piööc ë mannë, ke yïn bï rëër ke yï cï rot guiir ba lɔ tueŋ ke lon ë piööc cɔk anɔn pëën akuma londan ë piööc.​—1 Thethalonikei 2:2.

3. Ye këpiɛɛth no yeku yök thïn të guum ɣook yaaŋ ye kɔc yɔŋ?

Yic pacɔ̈k, ɣook cie piɔ̈ɔ̈th miɛt të yɔŋ ɣok, ku na cuk yaaŋ ë rot guum ku tiamku, ke gäämda ee lɔ ke ril. Ɣook aa röt cuöt Yekoba ë wɛ̈t ye ɣok kuɔɔnyde yök të cïï ɣok röt yök ke ɣo cïn riɛl bïï ɣook bɛ lɔ tueŋ. (Kuen Jakop 1:2-4.) Ee Yekoba reem puɔ̈u apɛi të tïŋ yen ɣook ke ɣo mam, ku ee puɔ̈u miɛt të tïŋ yen ɣook ke ɣo gum. Aye Baibol lueel: “Ku na gum arɛɛm rin këpuɔth ca looi, ke yïn abï Nhialic dɔɔc [thieei].” (1 Petero 2:20) LËKYAM. Ariɔ̈p bïï Yekoba yiëk kɔc ë gum ë gäämden yic ëbën ee pïïr athɛɛr ë piny bïï Nhialic ya door thïn ë nɔmlääu.​—Mathayo 24:13.

 YÄP DÏT

4. Yïn lëu ba gum të cɔk kɔcke paanduön jai ë gäämdu

Aacïï Yecu gam nɔn nadɛ̈ kɔcke paanda acïï kuënydan bïï ɣok Yekoba kuany buk ya door bï ya gam. Kuen Mathayo 10:34-36, ku jälkë thiëc kënë:

• Yeŋö lëu bï rot looi të cïï raan töŋ ë baai ye kuany bï Yekoba ya door?

5. Lɔ tueŋ ke yï dor Yekoba cɔk anɔn ye kɔc yï yɔŋ

6. Yekoba abï yï kuɔny ba gum

 JAM CIEKIC

Yekoba ee puɔ̈u miɛt të ye ɣok ye them buk luöi cɔk anɔn ye ɣo yɔŋ. Ke kuɔɔnyde tɔ̈u ke ɣook, ɣook lëu buk tiɛ̈m ë guɔ̈mda yic!

Bëër Yic

• Ye wɛ̈tŋö ye Kërithanoi ye ŋɔ̈ɔ̈th nɔn bïï keek dhiɛl ya yɔŋ?

• Yeŋö lëu ba looi ë mannë ba rot guiir të le yaaŋ bën?

• Yeŋö lëu bï yïn kuɔny ba gam yïpuɔ̈u nɔn nadɛ̈ yïn lëu ba Yekoba luöi cɔk anɔn tɔ̈u yïn ë thëmic?