UKPEPN̄KPỌ 59
Afo Emekeme Ndiyọ Ukọbọ
Mme owo ẹyedomo nditre nnyịn ndinam n̄kpọ Abasi idahaemi m̀mê ke ini iso, ẹnyụn̄ ẹkọbọ nnyịn ke ntak oro. Ama etịbe ntre, ndi idem eyenyek fi?
1. Isan̄a didie idiọn̄ọ ke ẹyekọbọ nnyịn?
Bible ọdọhọ ke “kpukpru owo eke ẹyomde ndidu uwem uten̄e Abasi ke Christ Jesus ẹyesobo ukọbọ n̄ko.” (2 Timothy 3:12) Ẹma ẹkọbọ Jesus sia enye mîkadaha ye ererimbot Satan emi. Idem isikpaha nnyịn ke ini ukara ye mbon ufọkabasi abian̄a ẹkọbọde nnyịn, sia imọdiọn̄ọ ke nnyịn n̄ko idaha inọ ererimbot.—John 15:18, 19.
2. Nso ke ikpanam idahaemi man ukọbọ ama edi?
Ana inam n̄kpọ idahaemi man inen̄ede ibuọt idem ye Jehovah. Sisio ini kpukpru usen da bọn̄ akam nyụn̄ kot Ikọ Abasi. Sidụk kpukpru mbono esop. Akpanam mme n̄kpọ emi, eyekeme ndiyọ ukọbọ ekededi, ọkpọkọm ukọbọ oro oto ufọk mbufo. Apostle Paul, emi mme owo ẹkesikọbọde, ekewet ete: “Jehovah edi andin̄wam mi; ndifeheke ndịk.”—Mme Hebrew 13:6.
Iyenyene uko ikpesikwọrọ ikọ kpukpru ini. Ukwọrọikọ esinam nnyịn inen̄ede ibuọt idem ye Jehovah, ikûnyụn̄ ufehe owo. (Mme N̄ke 29:25) Edieke enyenede uko ọkwọrọ ikọ idahaemi, oro ayan̄wam fi aka iso ọkwọrọ ikọ ọkpọkọm ukara ẹdọhọ ikûsukwọrọ ikọ aba.—1 Thessalonica 2:2.
3. Nso ufọn ke ididia edieke iyọde ke ini ẹkọbọde nnyịn?
Isinemke-nem nnyịn ẹma ẹkọbọ nnyịn. Edi ima isọn̄ọ ida iyọ isịm utịt, mbuọtidem nnyịn esinen̄ede ọsọn̄. Imesikpere Jehovah ikan akpa ima ikụt nte enye esin̄wamde nnyịn ke ini idem ememde nnyịn. (Kot James 1:2-4.) Esibiak Jehovah enye ama okụt nte nnyịn ibọde ufen; edi esinem enye, enye ama okụt nte iyọde se isịmde nnyịn. Bible ọdọhọ ete: “Edieke mbufo ẹyọde ke ini ẹkụtde ukụt ke edinam eti n̄kpọ, emi edi se inemde Abasi esịt.” (1 Peter 2:20) Jehovah ayanam mbon oro ẹyọde ẹsịm utịt ẹdu uwem nsinsi ke obufa ererimbot. Ini oro, owo ndomokiet idikpanke owo ndikpono Jehovah Abasi.—Matthew 24:13.
SỊN IDEM KPEP
Se se idin̄wamde nnyịn isọn̄ọ ida inam n̄kpọ Jehovah idem ke ini ẹkọbọde nnyịn, ye nte enye edidiọn̄de nnyịn.
4. Emekeme ndiyọ ke ini mbon mbufo ẹkọbọde fi
Jesus ama ọdiọn̄ọ ke idịghe kpukpru owo ke ubon nnyịn ẹdima nnyịn inam n̄kpọ Jehovah. Kot Matthew 10:34-36, ekem ẹbọrọ mbụme emi ẹnyụn̄ ẹneme ẹban̄a enye:
-
Nso ikeme nditịbe ke ubon ke ntak emi owo oyomde ndinam n̄kpọ Jehovah?
Ke uwụtn̄kpọ, se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.
-
Nso ke afo edinam owo mbufo m̀mê ufan fo okpoyom fi etre ndinam n̄kpọ Jehovah?
Kot Psalm 27:10 ye Mark 10:29, 30. Ama okot itie Bible kiet ama, ẹtuak ẹda kan̄a ẹbọro mbụme emi ẹnyụn̄ ẹneme ẹban̄a enye:
-
Didie ke se idude ke itie Bible emi ekeme ndin̄wam fi ke ini owo mbufo m̀mê ufan fo oyomde fi ọkpọn̄ Jehovah?
5. Ka iso nam n̄kpọ Jehovah idem ke ini ẹkọbọde fi
Ọfọn isinyene uko ke ini mme owo ẹdomode ndikpan nnyịn ndinam n̄kpọ Jehovah. Se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.
-
Nso ke okụt ke vidio oro, emi ọsọn̄ọde fi idem?
Kot Utom 5:27-29 ye Mme Hebrew 10:24, 25. Ama okot itie Bible kiet ama, ẹtuak ẹda kan̄a ẹbọro mbụme emi ẹnyụn̄ ẹneme ẹban̄a enye:
-
Ntak ọfọnde ika iso inam n̄kpọ Jehovah ekpededi ukara ẹdọhọ itre ukwọrọikọ m̀mê itre mbono esop?
6. Jehovah ayan̄wam fi aka iso ọyọ
Mme Ntiense Jehovah, n̄kpri ye ikpọ, ke ẹka iso ẹnam n̄kpọ Jehovah kpa ye emi ẹkọbọde mmọ. Ke uwụtn̄kpọ, se VIDIO emi. Ekem ẹbọrọ mbụme emi ẹnyụn̄ ẹneme ẹban̄a enye.
-
Ke vidio oro, nso ikan̄wam Mme Ntiense Jehovah oro ẹyọ?
Kot Rome 8:35, 37-39 ye Philippi 4:13. Ama okot itie Bible kiet ama, ẹtuak ẹda kan̄a ẹbọro mbụme emi ẹnyụn̄ ẹneme ẹban̄a enye:
-
Nso n̄kpọ ke itie Bible oro inam fi enịm ke emekeme ndiyọ ukọbọ ekededi?
Kot Matthew 5:10-12, ekem ẹbọrọ mbụme emi ẹnyụn̄ ẹneme ẹban̄a enye:
-
Nso ikeme ndinam fi okop inemesịt idem ke ini ẹkọbọde fi?
Ata ediwak Mme Ntiense Jehovah ke ẹka iso ẹyọ ukọbọ. Afo n̄ko emekeme ndiyọ!
NDUSỤK OWO ẸSIDỌHỌ ẸTE: “N̄kpekemeke ndiyọ ukobọ.”
-
Mme itie Bible ewe ikeme ndin̄wam mmọ ẹyọ ukọbọ?
SE IKPEPDE
Jehovah ama se ededi oro inamde inọ enye kpa ye oro ẹkọbọde nnyịn. Enye ayan̄wam nnyịn iyọ isịm utịt!
Se M̀mê Emeti
-
Ntak anade mme Christian ẹdiọn̄ọ ke ẹyekọbọ mmimọ?
-
Nso ke akpanam idahaemi man ekeme ndiyọ ukọbọ?
-
Nso ikeme ndin̄wam fi enịm ke emekeme ndinam n̄kpọ Jehovah kpa ye ukọbọ ekededi?
KPEP N̄KPỌ EN̄WEN
Se vidio emi ke oyokụt nte akparawa kiet etịn̄de nte Jehovah akan̄wamde enye ini ẹkenọde enye aka n̄kpọkọbi ke ntak enye mîkamaha ndidụk ekọn̄.
Se se ikan̄wamde ebe ye n̄wan ẹka iso ẹnam n̄kpọ Jehovah ke ediwak isua kpa ye ofụri ukọbọ oro ẹkekọbọde mmọ.
Se se ikemede ndin̄wam fi enyene uko ke ini ẹkọbọde fi.
Nso ke ikpanam ubon nnyịn ẹkpekọbọ nnyịn? Nso ke ikpanam man emem odu, edi isụk ika iso inam n̄kpọ Jehovah?
“Akpanikọ Isisịnke ‘Emem, Esisịn Akan̄kan̄’” (Enyọn̄-Ukpeme, October 2017)
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
