Tò nde a ne ya, amos zing bekristen bese ba toben ai melumen ngeki bitibili. Ye nala a yeane hm bò na a kòn wòng?

1. Asu dzé bia yem na bia yi toben ai bitibili?

Bibel a dzo a na: “É bot bese ba ding nying énying Zamba ya é ne abe Kristu, ba yi toben ai bindegele” (2 Timotéus 3:12). Yésus a nga bi bitibili amu a nga be wogé ki ai émò Satan. Bia fe dzam deda, bia wogé ki ai dzò. A seki hm dzam ya kam nge bidzoé ai minyebe ya émò dzi mia tibili bia (Yohannes 15:18, 19).

2. Akia afé bi ne komesen asu bitibili?

Bia yeane bò na, afiri daan abe Yéhova a tòbò ngul abui atarigi étoa dzi. Amos ose, nòngʼò abog ya kogelen ai a lang Bibel, o tòbò fe a bikoen mban. Mbòen té wa yi wò ve ngul ya zombo ai a dzibi akia bitibili ase, tò é bi ya bia sò a nda bot dzoé. Apostel Paul ya a karege toben ai bitibili abog ase a nga tili na: “Yéhova a ne nkè wòmò; ma  yi ki kòn wòng” (Hébréa 13:6).

Bia yi fe bi abui azombo nge bia bò ékat foé mban. Ésié ékat foé ya vòli bia na bi bi ngul afiri abe Yéhova, bi saala fe wòng bot (Minkana 29:25). A ntoa hm na, nge amos zing bidzoé bia kili ésié dzaan, da yi bi tòbò ébugubu ya dzibi ndzug té, bi nga ke fe osu na bia bò ésié ékat foé dzaan ai azombo ase (1 Tésaloni 2:2).

3. Bemaa befé bia bi éyòng bia dzibi bitibili?

Tò ane bia wog mintié éyòng bia dzugi amu bitibili, ve éyòng bia dzibi biè, mbunen waan wa nang. Ai a woren nvòlen Yéhova éyòng ngul é ne bia abòt a bò na bi subu nyè babi (Langʼa Yakòbus 1:2-4). Yéhova émen a wog mintié éyòng bia toben ai mindzug, ve a ne mintak ai bia éyòng bia dzibi miè. Bibel a dzo na: “Nge mia dzibi mindzug ai azombo ase amu mia bò é dzam a ne mbeng, nala a nyeb Zamba a nnem” (1 Pétrus 2:20). Yéhova a yi maa é ba bese ba dzibi ai mewog, a yi bò ve énying kòm a paradis. É bot bese ba yi nying été ba yi kang ve Yéhova étam, tegè ai é mot a yi lumen ai bò (Matéus 24:13).

 TUENE FAG

4. O ne dzibi melumen ma sò a nda bot dzoé

Yésus a nga kat bia na, nda bot dzaan é ne dzam bò tegè kui ai bia king asu ntsigen ya bi he nòng na bia lugu Yéhova. Langʼa Matéus 10:34-36, ai yalen a nsili hi:

• Éyòng mot a nòng ntsigen na a sié Yéhova, nda bot dzié é ne nòng dzam té ya?

5. Kele osu na wò kang Yéhova tò nde wò toben ai mindzug

 6. Yéhova a yi wò vòli na o dzibi

 OBALBAS

Yéhova a ne mintak éyòng a yen mengul bia ve asu yi na bi bò nyè mewog. Bi ne dzibi bitibili ai nvòlen a ve bia!

Dzé bia baala

• Asu dzé bekristen ba yeane tòbò nkomesen asu bitibili ba yi toben ai biè?

• Dzé ndzò o ne bò étoa dzi asu yi na o komesen asu bitibili bia zu?

• Dzé ya ve wò ndi na o ne langʼen baaba ai Yéhova afiangʼen bò bitibili?