AYEGHLE 59
Ô ne zômô bitsible
A bo melu ma, nge ki melu ma zu, bekristen besese ba ye tubane bitsible. Ye dzam té da yiène bia ve naa bi ko-wong ?
1. Amu dzé déé se bia éyaghane naa ba tsibele bia ?
Bible a tugha lere naa : « É bôt besese ba ye béé Nzame ya n’nem ôsese be too fe élat ya Yésu Christ, ba ye be tsible. » (2 Timothée 3:12) Ba be nga tsible fe Yésu, amu éé mbe ki ngap ya é bôt be ya éning Satan. Éde amu bia fe, bii se ki bôt be ye éning Satan, biaa yaghane ki éyong bidjié bi ya a si, ya menda menzame me ye émô di ba tsible bia.—Jean 15:18, 19.
2. Aval avé bi ne kôman akal bitsible ?
Bia yiène wôno mbunan wèè ébe Jehôva éndagha. Ñonghe tam môs misese naa ô yaghalan ya lang bifus bi ye a Bible été. A ke bisulane bi ye ékôan éyong asese. Mam meté mesese ma ye wô ve é ngu’u wa yi nfa ye naa ô zômô ya ayokh bitsible bisese wa ye tubane bio, amben é bôt ba tsible wa be ne bôt be ye é nda bôt duè. Ntôl Paul nge ki Pablo, é môt a nga tubane abuiñ bitsible a nga tsile naa : « Jehôva éñe a ne mvole wôm ; maa ye ki ko-wong. »—Behébreu 13:6.
É dzam afe é ne bia vole naa bi bele ayokh é ne a kanghle éyong asese. A kanghle mbemba fuèñ da yaghle bia naa bi bele mebun ébe Jehôva, da ve fe bia naa bi taa ko moan môt wong. (Minkana 29:25) Nge wa kanghle ya ayokh éndagha, wa ye tobe nkôman naa ô tsini naa wa kanghle amben bidjié bi si bia kili ésèñ minkaghle dèè.—1 Bethessalonicien 2:2.
3. Za abuane bia bele éyong bia zômô bitsible ?
É ne été naa biaa dzing ki naa be tsible bia, ve, éyong bia zômô bitsible, mbunan wèè wa bo ngu’u. Bia wôrane naa bi ne Jehôva édedèè bebèñ, amu bia yen naa a vole bia éyong bia tem naa bii se fe tsini ôsu ya mengu’u mèè. (A lang Jacques 1:2-4.) Jehôva a wokh n’nem mintèñ éyong a yen bia dzukh, ve, n’nem ô ne ñe mesan éyong a yen bia zômô minzukh. Bible a dzô naa : « Nge mia dzukh amu mia bo é dzam é ne mvèñ, dzam té da ve Nzame n’nem mbeng. » (1 Pierre 2:20) É bôt besese ba zômô ya bo besôsô, Jehôva a ye be ve éning é ne mbèmbèè, é si minzizing mieba baa ye ki fe bera tobe.—Matthieu 24:13.
A TUGHA FAS
Yeneghe amu dzé a tobe sôsôe ya Jehôva é ne bo éban, ya biborane bia ñong été éyong bia zômô bitsible.
4. Ô ne zômô éyong bôt be ye é nda bôt duè ba tebe wa é ngam ayat
Yésu a nga yem naa bôt bézing be ye é nda bôt dzèè be ne vini naa bi sèhane Jehôva. A lang Matthieu 10:34-36, éyong té mia lèè minlang mia daghe nsili wa zu wi :
-
Éyong môt a ñong nkighane naa a sèhane Jehôva, bôt be ye nda bôt dzèñ be ne ñong dzam té ya ?
Naa mi yen éfônan dzam té, daghane ÉNGENGENG, éyong té mia lèè minlang mia daghe nsili wa zu wi :
-
Ô ne bo yè nge môt ézing ya é nda bôt duè nge ki angom duè da dzeng naa ô dzôghe naa wa sèhane Jehôva ?
A lang Bya 27:10 ya Marc 10:29, 30. Niène mia man lang kada éfus, lèèghan minlang mia daghe nsili wa zu wi :
-
Aval avé é ngiagh ñi é ne wô vole nge môt ye é nda bôt duè nge ki angom duè ba dzeng naa ô taa sèhane Jehôva ?
5. Tsinighe naa wa sèhane Jehôva amben ba tsible wa
Da sili naa ô bo ayokh éyong wa sèhane Jehôva, éyong bôt befe ba dzeng naa ô dzôghe do. Daghane ÉNGENGENG, éyong té mia lèè minlang mia daghe nsili wa zu wi :
ÉNGENGENG : Valientes ante la persecución nge ki Courageux malgré la persécution (6:27)
-
Dzam avé da ve wa ngu’u ya bifônan bi ne éngengeng di été ?
A lang Bisè mintôl 5:27-29 ya Behébreu 10:24, 25. Niène mia man lang kada éfus, lèèghan minlang mia daghe nsili wa zu wi :
-
Amu dzé é ne édedèè éban naa bi tsini naa bia sèhane Jehôva, amben bengoman be ye émô di ba kili bia naa bi taa tsini naa bia kanghle nge ki a ke bisulane ?
6. Jehôva a ye wô vole naa ô zômô
Bengaa Jehôva be ye mi miè mese ya meyong mese, ba tsini naa ba sèhane Jehôva ya sôsôe amben ba tsible bo. Naa bi yem é dzam da vole bo, daghane ÉNGENGENG. Éyong té mia lèè minlang mia daghe nsili wa zu wi :
ÉNGENGENG : Jehová me fortalecerá nge ki Jéhovah me donnera de la force (3:40)
-
Dzé é nga vole Bengaa beté naa be zômô étsible ?
A lang Beromain 8:35, 37-39 ya Bephilippien 4:13. Niène mia man lang kada éfus, lèèghan minlang mia daghe nsili wa zu wi :
-
Aval avé éfus di da ve wô mebun naa ô ne zômô bitsible bisese ?
A lang Matthieu 5:10-12, éyong té mia lèè minlang mia daghe nsili wa zu wi :
-
Amu dzé ô ne tobe mevakh été amben wa tubane bitsible ?
Bizukh Bengaa Jehôva be nga zômô bitsible. Wa ô ne fe bi zômô !
NGE MÔR ÉZING A DZÔ WÔ NAA : « Méé se ki zômô bitsible. »
-
Bifus bivé bi ye a Bible bi ne ve môt té mebun a yi ?
AKIGHE BES
Jehôva a bira dzing mengu’u bia ve naa bia sèhane ñe amben ba tsible bia. Éde, ya a vole dèñ, bi ne zômô !
Ôbaghle
-
Amu dzé daa yiène ki bo bekristen éyaghan naa ba tsible bo ?
-
Aval avé ô ne kôman éndagha naa ô tobe nkôghan éyong bitsible bia ye sum ?
-
Dzé da ve wa mebun naa ô ne sèhane Jehôva amben ba tsible wa ?
Ô NE FE KE DAGHE
Yeneghe aval Jehôva a nga vole étong mong ézing, éyong a mbe fere mimbokh amu éé dzi ki ñong ngap nfa mam me política nge ki polique.
Aguantemos a pesar de la persecución nge ki Endurons malgré la persécution (2:34)
Yeneghe é dzam é nga vole alukh ézing naa be tsini naa ba sèhane Jehôva ya sôsôe abuiñ mimbu, amben be nga tsible bo.
Servimos a Jehová durante tiempos de cambio nge ki Ils ont servi Jéhovah à travers les changements (7:11)
Yeneghe aval bi ne dzômô bitsible ya ayokh.
« Preparémonos ahora para la persecución » nge ki « Prépare-toi dès maintenant à la persécution » (La Atalaya, Julio de 2019 ; La Tour de Garde, Juillet 2019)
Aval avé bia yiène ñong bitsible bia so ébe é mvong bôt dzèè, ya za dzam bi ne bo naa bi zômô bitsible bité ?
« La verdad no trae ‘paz, sino espada’ » nge ki « La vérité apporte, “non pas la paix, mais l’épée” » (La Atalaya, octubre de 2017 ; La Tour de Garde, octobre 2017)
