Luath nó mall, déanfar géarleanúint ar gach Críostaí. Ar chóir go gcuirfeadh sé seo iontas orainn?

1. Cén fáth a mbíonn muid ag súil le géarleanúint?

Deir an Bíobla go soiléir: “Gach duine arb áil leis maireachtáil go diaganta i gCríost Íosa, déanfar géarleanúint air mar an gcéanna.” (2 Tiomóid 3:12) Rinneadh géarleanúint ar Íosa mar gheall nach raibh aon bhaint aige le domhan Shátain. Ní aon chuid den domhan muid ach oiread, mar sin ní bhíonn aon iontas orainn nuair a dhéanann rialtais dhomhanda agus eagraíochtaí reiligiúnacha géarleanúint orainn.​—Eoin 15:18, 19.

2. Cén chaoi ar féidir linn ullmhú i gcóir na géarleanúna?

Caithfidh muid ár muinín i Iehova a láidriú anois. Cuir am i leataobh gach lá chun guí chuig Iehova agus a Bhriathar a léamh. Déan freastal ar chruinnithe Fhinnéithe Iehova go rialta. Neartóidh na nithe seo ar fad thú chun déileáil le géarleanúint go misniúil fiú má thagann sé ó bhaill teaghlaigh. Scríobh an t-aspal Pól, fear a ndearnadh géarleanúint air go minic: “Is é an Tiarna a thugann cabhair dom, ní bheidh eagla dá laghad orm.”​—Eabhraigh 13:6.

Faigheann muid níos mó misnigh má bhíonn muid ag craobhscaoileadh go rialta. Cabhraíonn an obair chraobhscaoilte linn muinín a chur i Iehova agus dul i ngleic le heagla roimh dhaoine. (Seanfhocail 29:25) Má bhíonn tú ag craobhscaoileadh go cróga anois, cabhróidh sé seo leat leanúint ar aghaidh leis fiú má chuireann an rialtas bac ar ár ministreacht.​—1 Teasalónaigh 2:2.

3. Cén tairbhe a bhaineann le géarleanúint?

Ar ndóigh, ní thaitníonn géarleanúint le haon duine, ach nuair a fhanann muid dílis d’Iehova beag bean ar an ngéarleanúint, láidríonn sé ár gcreideamh. Teannann muid isteach le hIehova mar cabhraíonn sé linn nuair a mhothaíonn muid go bhfuil muid ar an dé deireadh. (Léigh Séamas 1:2-4.) Goileann sé ar Iehova nuair a fheiceann sé muid ag fulaingt, ach cuireann sé áthas air nuair a fhanann muid dílis dó. Deir an Bíobla: “Ach má dhéanann sibh an mhaith agus go bhfulaingíonn sibh dá bharr le foighne, tuilleann sin gnaoi Dé.” (1 Peadar 2:20) Beidh an deis acu siúd a fhanann dílis d’Iehova maireachtáil go deo ar dhomhan a bheidh saor ó ghéarleanúint.​—Matha 24:13.

 DÉAN TAIGHDE

4. Is féidir leat cur suas le géarleanúint sa teaghlach

D’admhaigh Íosa go mb’fhéidir nach mbeadh ár dteaghlach sásta lenár gcinneadh Iehova a adhradh. Léigh Matha 10:​34-​36, ansin plé an cheist seo:

• Céard a d’fhéadfadh tarlú nuair a dhéanann duine sa teaghlach cinneadh Iehova a adhradh?

5. Lean ort ag adhradh Iehova in ainneoin na géarleanúna

 6. Cabhróidh Iehova leat cur suas le géarleanúint

 ACHOIMRE

Is mór ag Iehova na hiarrachtaí a dhéanann muid é a adhradh in ainneoin na géarleanúna. Le cabhair uaidh, is féidir linn an fód a sheasamh!

Súil Siar

• Cén fáth ar chóir do Chríostaithe a bheith ag súil le géarleanúint?

• Céard is féidir leat a dhéanamh anois chun a bheith réidh nuair a thiocfaidh géarleanúint?

• Céard a chabhróidh leat ionas go mbeidh tú in ann Iehova a adhradh go muiníneach in ainneoin trialacha?