ZASEŊƆ 59
Ho Wan Ta’an Ŋmibe Yaarɛ Poan
La kan yue, yaarɛ la giisegɔ wan paɛ Kristakɔma woo. Bala nari ti la basɛ ti to paleŋa ɛ̃ɣera?
1. Beni n sɔi ti to mina ti yaarɛ wan ta’an paɛ tɔ?
Baabule la kɔ’ɔn basɛ ti la niɛ peelum ti: “Sɛba woo n boti ba tara pu’usegɔ n di mi’a ba vom poan ge dɔla Krista Yezu wan nyɛ yaarɛ.” (2 Timoti 3:12) Yaarɛ yuun paɛ Yezu mɛ se’ere n sɔi la a yuun ka pa’asɛ Sitaana tingɔŋɔ wa poan. Tomam me ka pa’asɛ tingɔŋɔ wa poan, bala la, la kan dɛna pakerɛ bɔ’ɔra tɔ tingɔŋɔ wa gɔmɛtdoma la pu’usegɔdoma san mɛlesa tɔ.—Yon 15:18, 19.
2. To wan maasum tomesi la wani gura yaarɛ?
Nananawa ti la nara ti to malum dekɛ tomesi delum Yehowa. Nyɛta nɛŋa zusa en ge kaala Baabule la daarewoo. Kena tansugere zamesegɔ saŋa woo. Yele ana wa wan soŋɛ hɔ ti ho nyɛ sukpe’ene ta’an ŋmibe yaarɛ woo poan hali la san puɣum ze’ele ho yire nɛreba zɛ’an. Tuuntuna Paul ti ba yuun ni yaɛ en la, yuun gulesɛ yeti: “Yehowa n de mam soŋera; mam kan zɔta dabeem.”—Hebru 13:6.
To me wan ta’an tara sukpe’ene paa to san kena na’am mɔɔlegɔ saŋa woo. Na’am mɔɔlegɔ soŋeri to mɛ ti to ni dekɛ tomesi delum Yehowa ge ka zɔta dabeem la nɛresaala. (Magaha 29:25) Ho san tara sukpe’ene kena na’am mɔɔlegɔ nananawa, la wan soŋɛ hɔ ti ho kelum mɔɔla hali gɔmɛt san puɣum dekɛ a nu’o paɣelɛ tuuma la zuo.—1 Tesalonika 2:2.
3. To san ŋmibera yaarɛ poan, la soŋeri to la wani?
Yelemɛŋɛrɛ, to se’em ka boti yaarɛ ge to san nyaŋɛ ŋmibe soŋa soŋa yaarɛ poan, to sakerɛ ni kpe’em mɛ. To ni vurege tomesi lɛm Yehowa mɛ se’ere n sɔi la saŋa woo to giila san ni kɔ’ɔsɛ, Yehowa ni soŋɛ to mɛ. (Kaalɛ Yames 1:2-4.) La ni daana Yehowa mɛ to san namesa ge to san ŋmibera, a puurɛ ni pee mɛ. Baabule la yeti: “Ya san namesa yelesonɛ zuo ge ŋmibera, wana n ani soŋa bɔ’ɔra Naayinɛ.” (1 Peter 2:20) Sɛla ti Yehowa wan dekɛ bo sɛba woo n ŋmibe pu’usa en la dela daarewoo nyɔvore tingɔŋɔ wa zuo ti nɛnɛra kan le giisa yelemɛŋɛrɛ pu’usegɔ.—Matu 24:13.
VIISƐ PA’ASƐ
Zamesɛ baŋɛ sɛla n sɔi ti ho wan ta’an pu’usa Yehowa la yelemɛŋɛrɛ hali la yaarɛ poan ge le bisɛ eŋa n wan kã bo ho se’em.
4. Ho wan ta’an ŋmibe ho deodoma san giisa hɔ
Yezu yuun yeti to deodoma puurɛ ta’an kan pee la to pu’useri Yehowa la. Kaalɛ Matu 10:34-36 ge nyaa sɔsɛ sokere wa:
-
Nɛra san bɔta ti a pu’usa Yehowa, a deodoma ta’an eŋɛ la bem?
Ho san ɛɛra ho nyɛ makerɛ, ŋmɛ VIDIYO la ge nyaa sɔsɛ sokere wa:
-
Hon wan eŋɛ la bem ho yidoma bii ho zɔ san bɔta ti ho basɛ Yehowa pu’usegɔ?
Kaalɛ Yooma 27:10 la Mark 10:29, 30. Ho san kaalɛ gulesegɔ woo ba’asɛ, sɔsɛ sokere wa:
-
Wana wa wan soŋɛ ho la wani ho yire nɛra bii ho zɔ san giisa hɔ?
5. Kɔ’ɔn kelum pu’usa Yehowa hali la yaarɛ poan
La nari ti to nyɛ sukpe’ene ta’an pu’usa Yehowa se’em ma’a ti nɛreba tiregera ti ba gu to ti to da pu’usa en la. Ŋmɛ VIDIYO la ge nyaa sɔsɛ sokere wa:
-
Bem yɛla ti hon nyɛ vidiyo wa poan ti la kpemese ho giila?
Kaalɛ Tooma 5:27-29 la Hebru 10:24, 25. Ho san kaalɛ gulesegɔ woo ba’asɛ, sɔsɛ sokere wa:
-
Bem zuo ti la dɛna ninmɔ’ɔrɛ ti to kelum pu’usa Yehowa hali ba san dekɛ nu’o paɣelɛ to zamesegɔ kenɛ bii na’am mɔɔlegɔ tuuma la zuo?
6. Yehowa wan soŋɛ hɔ ti ho nyaŋɛ ŋmibe
Yehowa Sɛɛradoma bunkureba la bunbilipaalesi bɔŋa zɛ’ɛsi n boi to’ore to’ore kelum tara yelemɛŋɛrɛ pu’usa Yehowa mɛ hali la yaarɛ poan. Ho san bɔta ti ho baŋɛ sɛla n soŋɛ ba, ŋmɛ VIDIYO la ge nyaa sɔsɛ sokere wa:
-
Vidiyo la poan la, bem n soŋɛ Sɛɛradoma wa ti ba nyaŋɛ ŋmibe?
Kaalɛ Arom 8:35, 37-39 la Filipi 4:13. Ho san kaalɛ gulesegɔ woo ba’asɛ, sɔsɛ sokere wa:
-
Gulesegɔ wa wan soŋɛ ho la wani ti ho ta’an ŋmibe gurebisɛ woo poan?
Kaalɛ Matu 5:10-12 ge nyaa sɔsɛ sokere wa:
-
Bem zuo ti ho wan kelum tara pupeelum yaarɛ san paara hɔ?
Yehowa nɛreba zo’e zo’e nyaŋɛ ŋmibe mɛ giisegɔ poan. Hon me ta’an nyaŋɛ!
NƐREBA BASƐBA YETI: “Mam daa ka nyaŋɛ ŋmibe yaarɛ poan.”
-
Daanse’ere gulesegɔ ani n wan soŋɛ ba ti ba tara sukpe’ene?
YELEKPINE
Yehowa puurɛ ni pee mɛ la to nyaŋɛ pu’usera en yaarɛ poan la. A wan soŋɛ tɔ ti to nyaŋɛ ŋmibe soŋa soŋa!
Tiisegɔ Sokere
-
Beni n sɔi ti Kristakɔma mina ti yaarɛ wan ta’an paɛ ba?
-
Ho wan eŋɛ la wani nananawa maasum gura yaarɛ saŋa?
-
Bem n wan soŋɛ hɔ ti ho tara sakerɛ ti ho wan ta’an pu’usa Yehowa gurebisɛ woo poan?
Ɛ BISƐ
Bisɛ bunbilipaalega ayima n tɔɣɛ pa’alɛ Yehowa n soŋɛ en se’em ti a ŋmibe se’em ma’a ti ba paɣɛ en la eŋa n ka dekɛ amea pa’asɛ tingɔŋɔ wa yɛla poan la.
Geele bisɛ sɛla n soŋɛ nɛra la a pɔɣa ti ba ta’an tara sakerɛ pu’usa Yehowa yuuma zo’e zo’e yaarɛ poan.
Zamesɛ baŋɛ hon wan eŋɛ se’em tara sukpe’ene ta’an ŋmibe yaarɛ poan.
To deodoma san giisa tɔ, to nari ti to geele de la wani ge to wan eŋɛ la wani ta’an ŋmibe daaŋɔ la poan?
“Yelemɛŋɛrɛ La Tari La ‘Zaberɛ Sua Wa’ana Ge Daɣɛ Suma’asum’” (The Watchtower, October 2017)
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
