SOMO LYA 59
Wakagala Kulembera Amalibuko
Bibe juba changwa bilegame, hali amango Abakristu nji bahurana obupinzani, hali n’oku bakalibuzwa. Echola chikwanene kurhuyubahisa si?
1. Bulagurhe rhuyorhe eyi rhumenyere oku rhwalibuzwa?
Ebiblia ederhere wazi: “Bala boshi balonzeze kulama omu bushwekerezi ku Mungu omu buguma na Kristu Yesu, nabo balibuzwa.” (2 Timoteo 3:12) Yesu aliri alibuzwa bulala arhaliri chigabi ch’elila gulu lya Shetani. Nerhu rhurhali chigabi cha linola gulu, che chirhumire birhakarhusomeza amango amarhegesi n’amadini ma linola gulu mamarhulibuza.—Yohana 15:18, 19.
2. Gurhe rhwakaba rhwachirheganya oku malibuko?
Birhuhemere rhube rhwakomeza obulangalire bwerhu mu Yehova zene. Orhole akasanzi buli lusiku k’okumusalira n’okusoma Echinwa chage. Oje oku mbuganano z’echibaga esiku zoshi. Okujira ntyo kwakuha emisi okenere y’ogala kulwisa buli malibuko n’obushiru, chiro maba marhengerere oku bantu b’omulala gwawe. Entumwa Paulo waliri walibuzwa kanene, aliyandikire ntya: “Yehova ye murhabazi wani; Intayubaha.”—Waebrania 13:6.
Rhwakashuba kukomeza obushiru bwerhu omu kuhubiri oku kahunda. Okuhubiri kunarhuyigiriza kulangalira Yehova n’okuleka kuyubaha omuntu. (Mezali 29:25) Okagwarha obushiru bunene b’okuhubiri mu mano mango, nji waba eyi wachirheganyize omu kuntu ogale genderera kuhubiri chiro oburhegesi bwalonza kukubuza.—1 Watesalonike 2:2.
3. Nka gurhe rhwakayunguka omu kulembera amalibuko?
Omu bukweri, rhurhakasima mpu barhulibuze, aliko amango rhwamagala kulembera n’okuhima, obwemere bwerhu bwanakomera bwenene. Rhwanayegera Yehova kandi kulusha bulala rhwabwene gurhe arhurhabere amango rhwaliri rhwachiyunva nka hoshaho rhurhachigala kugenderera. (Osome Yakobo 1:2-4.) Yehova anagaya okubona yi rhwatesika, aliko anasima okubona gurhe yi rhwalembera. Ebiblia ederhere: “Akaba muli mwalembera amalibuko bulala mwajirire amenja, chili chintu chisimisize Mungu.” (1 Petro 2:20) Oluhembo Yehova nji aha balala boshi bali balembera oku bwimana kali kalamo k’esiku n’amango omu gulu lihyhya. Naho, abanji balamamo boshi nji bakolera Yehova buzira muntu n’omuguma w’okubapinga.—Matayo 24:13.
HUMBA BWENENE
Shub’olole bulagurhe byakashoboka okunanira Yehova oku bwimana chiro barhulibuza, n’emigisho byakarhulerhera.
4. Wakalembera amango abantu b’omulala bamakulibuza
Yesu alimenyere bwinja-bwinja oku hali amango baguma omu bantu b’omulala gwerhu bakaba eyi barhasimire esimikiro rhwarholere y’okuharamya Yehova. Osome Matayo 10:34-36, muje mwaganira kw’echila chibazo:
-
Bichi byakaba amango muguma omu mulala amachishoga okukolera Yehova?
Y’obona omufano gubiyerekene, ziha EVIDEO, muje mwaganira kw’echila chibazo.
-
Bichi wakajira amango muchi wawe, changwa mwira wewe amakubuza kukolera Yehova?
Osome Zaburi 27:10 na Marko 10:29, 30. Enyuma y’okusoma buli lwandiko, muganire kw’echila chibazo:
-
Nka gurhe echila chilagane chakakurhabala akaba hali muchi wawe changwa mwira wawe oli wakubuza kukolera Yehova?
5. Ogenderere kuharamya Yehova chiro bakulibuza
Bihemere obushiru y’omuntu akolera Yehova amango abandi yi balonza bamubuze kujira ntyo. Ziha EVIDEO, muje mwaganira kw’echila chibazo.
-
Nka gurhe emifano ederherwe mw’eyila video yakukomeze?
Osome Matendo 5:27-29 na Waebrania 10:24, 25. Enyuma y’okusoma buli lwandiko, muganire kw’echila chibazo:
-
Bulagurhe bili by’akamaro okugenderera kuharamya Yehova chiro oburhegesi bwalahiza amahubiri n’embuganano zerhu?
6. Yehova akurhabala olembere
Abahamirizi ba Yehova banene, emisole n’abakala bashaja, b’engambo zoshi z’oku gulu, bagenderere kukolera Yehova chiro n’amango baliri balibuzwa. Y’obona echabarhabalaga, ziha EVIDEO. Muje mwaganira kw’echila chibazo.
-
Mw’eyila video, bichi byarhabalaga abala Bahamirizi kulembera?
Osome Waroma 8:35, 37-39 na Wafilipi 4:13. Enyuma y’okusoma buli lwandiko, muganire kw’echila chibazo:
-
Nka gurhe olula lwandiko lukuyemezeze bwinja oku wakagala kulembera buli mateso?
Osome Matayo 5:10-12, muje mwaganira kw’echila chibazo:
-
Bulagurhe wakagwarha obusime chiro akaba yi walibuzwa?
Emiliyoni y’abakozi ba Yehova balembere banahima obupinzani. Nawe wakagala!
HALI ABANTU BANADERHA: “Intakagala kulembera amalibuko.”
-
Mandiko mahe makabaha obwizere balagirire?
OKU BUGEKE
Yehova anabona obushiru bwerhu b’okugenderera kumukolera chiro barhulibuza, oku buherhe akachiro. Kugerera oburhabale bwage rhwagala kulembera rhunahime!
Rhuchiyibusye
-
Bulagurhe Abakristu bakwanene kuba eyi bamenyere oku balibuzwa?
-
Bichi wakaba wajira bunola, yi nji oba oli tayari amango walibuzwa?
-
Bichi byakakurhabala oyunve ochizerere oku wakagala kukolera Yehova chiro haba mateso mahe?
EYINDI MYAZI
Yunva okuntu mwene-werhu muguma ochili musole yabala gurhe Yehova amurhabalaga kulembera, amango bamushwekaga eju y’okuba arhali kulunda lulebe omu by’epolitike.
Lola echarhabalaga mulume muguma na mukage bakolere Yehova oku bwimana myaka minene chiro akaba obupinzani.
Lola gurhe wakalwisa amalibuko n’obushiru.
“Obe Wachirheganya oku Malibuko” (Omunara g’Omulanzi, Mwezi gwa 7, 2019)
Gurhe rhukwanene kubona amalibuko marhengerere omu mulala, na gurhe rhwakalwisa n’okumala ebibazo makalerha?
“Okuli Kunalerha, ‘Engorho s’Arhali Omurhula’” (Omunara g’Omulanzi, Mwezi gwe 10, 2017)
