ZAJ KAWM 59
Koj Yeej Yuav Thev Taus Kev Tsim Txom
Yav tom hauv ntej, txhua tus Khixatias yuav raug luag tawm tsam thiab tsim txom. Tiam sis puas tsim nyog peb ntshai?
1. Ua cas peb thiaj paub tias yuav muaj neeg tawm tsam peb?
Phau Vajlugkub qhia tias ‘cov ntseeg Yexus Khetos txhua tus uas xav ua lub neej kom Vajtswv tau ntsej muag, lawv yeej raug kev tsim txom.’ (2 Timautes 3:12) Yexus raug luag tsim txom vim nws tsis yog ntiaj teb li thiab nws tsis ua li cov neeg uas nyob hauv Xatas lub qab ntuj ua. Peb los kuj tsis yog ntiaj teb li thiab, peb thiaj paub tias muaj ib hnub twg peb yeej yuav raug kev tsim txom ntawm tej nom tswv thiab tej kev ntseeg cuav ib yam li Yexus.—Yauhas 15:18, 19.
2. Peb yuav npaj li cas peb thiaj tsis ntshai thaum peb raug kev tsim txom?
Peb txoj kev ntseeg rau Yehauvas yuav tsum ruaj khov tam sim no. Yog li, peb yuav tau lauj sij hawm txhua txhua hnub los thov Vajtswv, nyeem Nws Txoj Lus, thiab mus koom tej kev sib txoos tsis tu ncua. Yog peb ua li no, yuav pab tau peb ua siab loj siab tawv thiab tsis ntshai raug kev tsim txom, txawm yog hais tias tej kev tsim txom ntawd los ntawm peb tsev neeg kiag. Tus tub txib Povlauj kuj raug tsim txom ntau kawg li tiam sis nws hais tias: ‘Yehauvas yog tus uas pab kuv, kuv yuav tsis ntshai.’—Henplais 13:6.
Yog peb tshaj tawm txoj xov zoo tsis tu ncua, yuav pab kom peb tso siab tau rau Yehauvas thiab muaj lub siab loj siab tawv tsis ntshai tib neeg. (Pajlug 29:25) Yog koj ua siab tawv tsis ntshai mus tshaj tawm txoj xov zoo ces txawm yog lwm hnub tej nom tswv txwv peb tes hauj lwm los koj yeej yuav tsis ntshai mus tshaj tawm qees.—1 Thexalaunikes 2:2.
3. Qhov uas peb npuab siab rawv rau Yehauvas thaum peb raug kev tsim txom pab tau peb li cas?
Peb yeej tsis nyiam thaum peb raug luag tsim txom, tiam sis thaum peb thev taus tej kev tsim txom ntawd, peb txoj kev ntseeg yuav ruaj khov tuaj. Thiab peb yuav haj yam muaj kev sib raug zoo nrog Yehauvas thaum peb pom nws pab peb ua tau siab ntev thev. (Nyeem Yakaunpaus 1:2-4.) Yeej mob Yehauvas siab thaum nws pom peb raug kev txom nyem tiam sis kuj ua rau nws zoo siab kawg thaum nws pom peb ua siab ntev nyiaj. Phau Vajlugkub hais tias: ‘Yog nej raug tsim txom vim nej ua zoo, thiab nej ua siab ntev nyiaj, Vajtswv yuav foom koob hmoov rau nej.’ (1 Petus 2:20) Cov ua siab ntev thev kev tsim txom yuav tau txoj sia ntev dhawv nyob mus ib txhis hauv lub qab ntuj tshiab uas tsis muaj neeg tawm tsam txoj kev pe hawm tseeb.—Mathais 24:13.
KAWM NTXIV
Kawm seb vim li cas peb yeej muab siab npuab rawv tau rau Yehauvas thaum peb raug kev tsim txom thiab tso siab tau tias Yehauvas yeej yuav foom koob hmoov rau peb.
4. Koj yeej thev taus thaum koj tsev neeg tawm tsam koj
Yexus paub zoo tias muaj ib txhia hauv peb tsev neeg yuav tsis xav kom peb teev tiam Yehauvas. Nyeem Mathais 10:34-36 thiab tham txog lo lus no:
-
Thaum muaj ib tug teev tiam Yehauvas, tej zaum nws tsev neeg yuav ua li cas?
Saib zaj YEEB YAJ KIAB txog ib tug qauv thiab tham txog lo lus no:
-
Koj yuav ua li cas yog hais tias koj ib tug txheeb ze los sis ib tug phooj ywg txwv tsis pub koj teev tiam Yehauvas?
Nyeem Phau Ntawv Nkauj 27:10 thiab Malakaus 10:29, 30. Thaum nyeem ib nqe tag ces tham txog lo lus no:
-
Lo lus cog tseg ntawm nqe Vajlugkub no pab tau koj li cas thaum koj tsev neeg los sis koj cov phooj ywg tawm tsam koj?
5. Txawm koj yuav raug kev tsim txom li cas los kav tsij rau siab ntso teev tiam Yehauvas
Peb yuav tsum ua siab loj siab tawv teev tiam Yehauvas thaum muaj neeg txwv txiav peb. Saib zaj YEEB YAJ KIAB thiab tham txog lo lus no:
-
Cov qauv hauv zaj yeeb yaj kiab no cuab tau koj lub zog li cas?
Nyeem Tes Haujlwm 5:27-29 thiab Henplais 10:24, 25. Thaum nyeem ib nqe tag ces tham txog lo lus no:
-
Vim li cas tseem ceeb rau peb pe hawm Yehauvas tsis tseg txawm hais tias tej nom tswv txwv tsis pub peb mus tshaj tawm txoj xov zoo los sis mus kev sib txoos?
6. Yehauvas yuav pab kom koj thev taus
Yehauvas Cov Tim Khawv, tsis hais cov laus cov hluas thoob plaws ntiaj teb, yeej muab siab npuab rawv Yehauvas thiab teev tiam nws txawm hais tias lawv raug kev tsim txom. Mus saib seb ua li cas lawv thiaj ua tau li ntawd. Saib zaj YEEB YAJ KIAB thiab tham txog lo lus no:
-
Ua li cas cov Tim Khawv hauv zaj yeeb yaj kiab no thiaj nyiaj taus tej uas lawv raug?
Nyeem Loos 8:35, 37-39 thiab Filipis 4:13. Thaum nyeem ib nqe tag ces tham txog lo lus no:
-
Ua li cas nqe Vajlugkub no thiaj pab tau koj tso siab tias txawm koj yuav raug kev sim siab li cas los koj yeej yuav thev taus?
Nyeem Mathais 5:10-12 thiab tham txog lo lus no:
-
Vim li cas thaum koj raug tsim txom los koj yeej tseem muaj tau kev zoo siab?
Txawm muaj kev tawm tsam los Yehauvas Cov Tim Khawv tsheej plhom leej yeej muab siab npuab rawv Yehauvas thiab teev tiam nws. Koj yeej ua tau thiab.
IB TXHIA HAIS TIAS: “Kuv thev tsis taus kev tsim txom.”
-
Nqe Vajlugkub twg thiaj yuav pab tau lawv ntseeg tau tias lawv yeej thev taus?
KOJ KAWM TAU DAB TSI
Qhov uas peb siv zog ntsos teev tiam Yehauvas txawm peb raug kev tsim txom los xij, muaj nuj nqis heev rau Nws. Thiab yog peb muaj Yehauvas pab peb ces peb yeej yuav thev taus.
Rov Tham Dua
-
Ua li cas cov Khixatias ho paub tias lawv yuav raug kev tsim txom?
-
Koj yuav npaj li cas tam sim no kom koj thiaj li thev taus thaum koj raug kev tsim txom?
-
Ua li cas koj thiaj tso siab tau tias txawm koj yuav raug kev sim siab li cas los koj yeej yuav teev tiam Yehauvas?
TSHAWB NTXIV
Saib ib tug tub hluas piav seb Yehauvas pab nws li cas nws thiaj li muaj lub siab ntev thev thaum nws raug kaw vim nws tsis kam tuaj ib roog nom tswv twg tog.
Muaj ob niam txiv raug kev tawm tsam tau ntau ntau xyoo los nkawd yeej teev tiam Yehauvas tsis tseg. Saib seb ua cas nkawd thiaj ua tau li ntawd.
Kawm seb yuav ua li cas koj thiaj ua tau siab tawv thaum raug kev tsim txom.
“Npaj Tam Sim No Rau Kev Tsim Txom” (Phau Tsom Faj lub 7 Hli xyoo 2019)
Peb xav li cas xwb thaum peb tsev neeg tawm tsam peb? Thiab peb yuav ua li cas peb thiaj teev tiam tau Yehauvas thiab muaj kev sib haum xeeb nrog peb tsev neeg?
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
