EHONGWA 59
Ove mo yenene okutuurunga ondatumisire
Ovakriste avehe mave pirukirwa, nu nandarire okutatumisiwa. Hapo iho matji sokutuurumisa?
1. Ongwaye tji tu undjira ko okutatumisiwa?
Ombeibela i tja: “Avehe mbe vanga okukara mongamburiro mu Kristus Jesus mave tatumisiwa.” (2 Timoteus 3:12) Jesus wa tatumisiwa mena rokutja kaa ri orupa rwouye wa Satan. Eṱe wina kaweṱe orupa rwouye wa Satan, ku nao katu temwa indu ozohoromende mouye poo ovira vyozongamburiro tji mavi tu tatumisa.—Johanes 15:18, 19.
2. Matu rirongerisa vi kondatumisire?
Eṱe matu hepa okukurisa ongamburiro yetu mu Jehova nai. Twa po oruveze eyuva arihe okukumba ku ye nokulesa Embo re. Nu kara pozombongarero zombongo aruhe. Oviṋa avihe mbi mavi ku pe omasa ngu mo hepa okutuurunga ondatumisire ngamwa nouvanḓe, nandarire kutja mo tatumisiwa i youṋepo weṱunḓu roye. Omuapostele Paulus ngwa tatumisiwa povikando ovingi, wa tja: “Muhona Eye omuvatere wandje, nu hi nokutira ko.”—Ovaheberi 13:6.
Eṱe wina tu kara nouvanḓe indu tji matu zuvarisa aruhe. Okuzuvarisa ku tu vatera kutja tu kare nongamburiro mu Jehova nokutjita kutja atu ha tira ovandu. (Omiano 29:25) Indu tji twa kara nouvanḓe wokuzuvarisa nai, maku tu vatere kutja tu kayende komurungu okuzuvarisa nandarire indu ohoromende tji ya tjaere otjiungura tjetu.—1 Ovatesalonika 2:2.
3. Ouwa waye mbu tu muna mokurira ovaṱakame ku Jehova indu tji matu tatumisiwa?
Otjingaperi kutja katu tjaterwa tji matu tatumisiwa, posi ya indu tji twa tuurunga ondatumisire tu kara nongamburiro yomasa. Eṱe tu tumbuka popezu na Jehova, mena rokutja tu muna ombatero ye indu tji matu munu kutja katu nomasa yokukayenda komurungu. (Lesa Jakobus 1:2-4.) Ku hihamisa Jehova indu tji me tu munu amatu tatumisiwa, posi ya ku mu yorokisa indu tji me tu munu kutja matu panḓere po. Ombeibela i tja: “Tji mamu zara omihihamo mena rokutja mwa tjiti ouwa, indino Ndjambi me mu serere po ondaya.” (1 Petrus 2:20) Indu tji twa rire ovaṱakame, Jehova me ketupa ondjambi yomuinyo waaruhe mouye oupe. Nu avehe mbu mave tura mouye oupe mave karere Jehova nu kape nomundu ngu me ve pirukire.—Mateus 24:13.
KONḒONONA OUKOTO
Rihonga kutja ongwaye tji matu yenene okurira ovaṱakame ku Jehova nandarire indu ovandu tji mave tu tatumisa, nokutja ouwa waye mbu matu munu.
4. Mo yenene okutuurunga omapirukiro okuza keṱunḓu
Jesus aa tjiwa nawa kutja tjiva meṱunḓu retu mape ya kamaave vanga kutja tu karere Jehova. Lesa Mateus 10:34-36, nu okuzambo hungirira kepuriro ndi:
-
Hapo mape ya ape tjitwa tjike indu umwe meṱunḓu tja toorora okukarera Jehova?
Okutara kotjihorera, nyanda OKAVIDIO, nu okuzambo hungirira kepuriro ndi mari kongorere mba.
-
Hapo mo tjiti vi indu omuzamumwe poo epanga roye tji mari kondjo okukutjaera okukarera Jehova?
Lesa Epsalme 27:10 na Markus 10:29, 30. Kombunda yokulesa etjangwa arihe, hungirira kepuriro ndi:
-
Omakwizikiro nga maye ku vatere vi indu tji mo munu omapirukiro okuza keṱunḓu poo omapanga woye?
5. Kayende komurungu okukarera Jehova nandarire kehi yondatumisire
Pe hepa ouvanḓe okukarera Jehova indu varwe tji mave kondjo okututjaera okutjita nao. Nyanda OKAVIDIO, nu okuzambo hungirira kepuriro ndi mari kongorere mba.
-
Ovihorera mokavidio nga mavi ku tunduuza vi?
Lesa Oviungura 5:27-29 nOvaheberi 10:24, 25. Kombunda yokulesa etjangwa arihe, hungirira kepuriro ndi:
-
Ongwaye tje ri otjiṋa otjinanḓengu tjinene okukayenda komurungu okukarera Jehova, nandarire indu ohoromende tji ya tjaere otjiungura tjetu tjokuzuvarisa poo ozombongarero zombongo?
6. Jehova me ku vatere
Ovahongonone va Jehova ovanene novaṱiṱi mouye auhe va kayenda komurungu okukarera Jehova nouṱakame, nandarire indu tjaave tatumisiwa. Okutara kutja ovikwaye mbye ve vatera, nyanda OKAVIDIO. Okuzambo hungirira kepuriro ndi mari kongorere mba.
-
Otja tji pa raisiwa mokavidio nga, ovikwaye mbya vatera ovakambure mbo okupanḓera po?
Lesa Ovaroma 8:35, 37-39 no 2 Ovakorinte 4:7. Kombunda yokulesa etjangwa arihe, hungirira kepuriro ndi:
-
Etjangwa ndi mari ku pe vi ongamburiro kutja mo yenene okutuurunga ouzeu ngamwa?
Lesa Mateus 5:10-12, nu okuzambo hungirira kepuriro ndi:
-
Omena raye tji mo yenene okukara nondjoroka, nandarire indu tji mo tatumisiwa?
Ovahongonone va Jehova omangete omengi ve kayenda komurungu nandarire indu tji mave pirukirwa. Ove wina mo yenene
OVANDU TJIVA VE TJA: “Ami himee yenene okutjinda ondatumisire.”
-
Omatjangwa yeṋe ngu mape ya aye ve vatere kutja ave ha tira?
OKUYARUKIRA PO OUSUPI
Jehova u vara ozongondjero nḓu matu tjiti okumukarera, nandarire indu tji matu tatumisiwa. Nombatero ye matu yenene okupanḓera po.
Okurizemburukisa
-
Ongwaye Ovakriste tji mave sokuundjira ko ondatumisire?
-
Ovikwaye mbi mo yenene okutjita nai okurirongerisa kondatumisire?
-
Ovikwaye mbi mavi ku vatere okukara nongamburiro kutja mo yenene okukarera Jehova nandarire kehi youzeu ngamwa?
RIHONGA OVINGI
Tara komuano omurumendu omukambure mu ma kahurura omuano Jehova me mu vatera okutuurunga, indu tja paterwa motjovakamburwa mena rokuhinokutoorora omunda.
Tara kutja ovikwaye mbya vatera ovakupasane okukarera Jehova nouṱakame oure wozombura ozengi nandarire kutja aave pirukirwa.
Tara komuano mu mo yenene okurira ombanḓe indu tji mo tatumisiwa.
Matu sokukara noumune uṋe indu tji matu munu omapirukiro okuza keṱunḓu retu, nu ovikwaye mbi matu sokutjita kutja pe kare ohange nokuhinokuteya oupanga wetu ku na Jehova?
“Okukarera Jehova kaku ‘eta ohange’” (Oruhungu, Oktoba 2017)
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
