Bei tịẹkiri bị, omịnị naa ụyamọye a sụọgha kị gbaa kpọ, bei bọlọụ bị Christtuuduo-otubosẹ a pịrị penimọ bá ụyamọ mịnị. Anịa bịsẹ yebị wó mịẹ ye esiin agbẹị emi a o?

1. Omịnị tetuu kị duonị ụyamọye wó laamụ bara nimi wẹrị emi a o?

Bible gaan gbaa amọ: “Christ mọ kẹnịsụọmọ Ọkpọnanaowei dọụbara kị mịẹ mịnị kịmịsẹ a pịrị ụyamọ mịnị.” (2 Timothy 3:12) Jesus akpọ bọọ kẹnịanga kpọ a sụọgha kị duonị a pịrị ụyamọ mị. Omịnị kpọ akpọ bọọ kẹnịanga kpọ a sụọgha duonị daabụọ-otu mọ karịbụọ-otu mọ wó ụyamọ daba wó mịẹ tamamagha.—John 15:18, 19.

2. Omịnị tebara ka kị angọ tọlọmọ wẹrị ụyamọye koru a paa emi a o?

Bei tịẹkiri bị, omịnị tebara ka kị Jehovah ghọ nana wẹrị emi eti mịẹkụrọmọ a paa emi a o? Ereinmọsẹ ifie mịẹpaamọ wẹrị tẹẹbịbị mịẹ bá Bible goo. Ifiemọsẹ Kingdom Hall a yetolumọyọ a mú. Mị yebo baratụa ị́ pịrị wẹrị penimọye ine mịnị warịbolou otu kị duo bo kpọ. Fịrịmọpaa-owei Paul biin ifieama a pịrị ụyamọ owei bị, gbaa amọ: “Jehovah kị baratụa ị pịrị mịnị duonị; ịmịnị ye esiingha fa.”—Hebrews 13:6.

Omịnị Ifiebosẹ egberigbaa mịnị yọmị baratụa wó pịrị wẹrị ye esiingha fa. Egberigbaa fịrị mị baratụa wó pịrị wẹrị eti akị Jehovah a tụa wẹrị kịmị tọbọụ esiinyọ dẹịnmọ mịnị. (Proverbs 29:25) Omịnị bei tịẹkiri bị, ye esiingha bara akị egberigbaa mịnị sẹ, baratụa wó pịrị wẹrị pẹlẹgha bara akị egberigbaa fịrịwẹnị mịnị daabụọ-otu kị fịrị tịẹmọ kpọ.—1 Thessalonians 2:2.

3. Te arereama kị ụyamọye ine mịnị bolou bọọ emi a o?

Gesii bara bị, ụyamọye wó mịẹ pọwẹịgha, anịa omịnị ụya ine daba wó peibolou mịẹkụrọmọ dẹịn mịnị. Omịnị suusụọ daba Jehovah baratụa wó pịrị mịnị duonị omịnị ụ mọ mọ́ naịn dẹịn mịnị. (James 1:2-4 goo.) Wó ụya fị-mịnị yọbị Jehovah mịẹ pọwẹịgha, anịa omịnị ụyamọye ine daba Jehovah mịẹ pọwẹị mịnị. Bible gbaa amọ: “Iné wẹnị mịnị ebi fịrị kị duonị ị́mịnị ụyamọye ine daba, Ọkpọnanaowei mịẹ pọwẹị mịnị.” (1 Peter 2:20) Omịnị dẹịnsụọgha bara ụyamọye inetimi tuu laa daba, Jehovah fagha fagha ụndụ akị wó pịrị mịnị, bá gesii karịbụọ penimọ mịnị kịmịama kpọ timigha fa akpọ akị wó pịrị minị.—Matthew 24:13.

 EBIBARA TUUDỌỤ

4. Ị́mịnị warịbolou penimọyeama ine a paa emi

Jesus gbaa bara bị wó warịbolou otubo wó Jehovah karị-mịnị yọ dịsẹgha kpọ paa emi. Matthew 10:34-36 goo dá, bei biibịbị kẹrị ẹrẹtei:

• Warịbolou bị, kịmị Jehovah karịmụ bara sẹlẹ angọ pịrị daba, warịbolou otubo teeki mịẹ a paa emi a o?

5. Ụyamọye bolou k’emi kpọ pẹlẹgha bara Jehovah karị

 6. Jehovah baratụa ị́ pịrị wẹrị ye-ine mịnị

 KỊLỌỌBARA

Omịnị ụyamọye bolou k’emi kpọ angọtụa Jehovah karị-mịnị yọmị ụ mịẹ pọwẹị mịnị. Jehovah baratụa wó pịrị mịnị ifiesẹ, omịnị ye-inetimi tuu laa mịnị!

Waị diitụa

• Tetuu kị duonị Christtuuduo-otubo mị bọlọụ mị ụyamọye a laa mịnị bara nimi wẹrị emi a o?

• Bei tịẹkiri mị, ịmịnị teeki mịẹ wẹrị ụyamọye koru a paa emi a o?

• Teeki baratụa ị́ pịrị wẹrị ụyamọye bolou k’emi kpọ Jehovah karị-mịnị eti nana a paa emi a o?