Ass-a neɣ azekka, yal amasiḥi ad iqabel lexṣem, neɣ ahat ula d leqher. Yewwi-d a k-yessexleɛ wayagi?

1. Acuɣer i neẓra belli a neţwaqher?

Adlis Iqedsen yessefhem-ed ayagi akken ilaq. Yenna-d: “Wid meṛṛa yebɣan ad ɛicen s tugwdi n Yillu di Lmasiḥ Yasuɛ ad ţwaqehren” (2 Timutawus 3:12). Ɛisa yeţwaqher axaṭer ur yessekcem ara iman-is di lumuṛ n ddunit-agi n Cciṭan. Nekni daɣen, ur nessekcam ara iman-nneɣ di lumuṛ n ddunit-agi. Ur nwehhem ara ihi m’ara ɣ-ţqehhirent lḥukumat neɣ ddyanat n ddunit-agi (Yuḥenna 15:18, 19).

2. Amek ara nheggi iman-nneɣ i leqher?

Ilaq a nesseǧhad si tura leţkal-nneɣ ɣef Yahwa. A d-nɛezzel lweqt yal ass bac a neţẓalla w’a neqqar Adlis Iqedsen. A nḥeddeṛ daymen i inejmuɛen. Ma nennum nxeddem akka, a nesɛu lǧehd d lkuṛaǧ iwakken a nqabel leqher, ɣas ma yekka-d si twacult-nneɣ. Atan d acu i d-yenna wemceggeɛ Bulus, i geţwaqehren acḥal d abrid: ‘Yahwa, d amɛiwen-iw, ur ţţagadeɣ acemma’ (Iɛebṛaniyen 13:6).

A nesɛu daɣen akteṛ lkuṛaǧ ma nezga neţberriḥ. Aberreḥ yeţɛawan-aɣ a neţkalay ɣef Yahwa, yeţɛawan-aɣ daɣen akken ur neţţagad ara imdanen (Lemtul 29:25). Swakka, ma tḥeṛṛem yiwen wass lḥukuma leqdic-nneɣ, a nili newǧed a nqabel liḥala-yagi, w’a nesɛu lǧehd bac a nkemmel leqdic-nneɣ n uberreḥ (1 Itisalunikiyen 2:2).

3. Ma neṣber i leqher, d acu ara d-nesfaydi?

Ur nḥemmel ara a neţwaqher, meɛna ma neṣber i leqher yeţţiǧhid liman-nneɣ. Uyerna m’ara nḥuss s lemɛawna n Yahwa di teswiɛt ideg i nefcel, neţqerrib akteṛ ɣur-es (ɣer-ed Yeɛqub 1:2-4). Yahwa iḥezzen m’ara neţsufri, meɛna ifeṛṛeḥ m’ara ɣ-d-yeţwali neṭṭef zdat n leqher. Adlis Iqedsen yenna-d: “Ma tṣebrem i leɛtab m’ara txedmem lxiṛ, ayagi, d lemzeyya zdat n Yillu” (1 Buṭrus 2:20). Ma neṣber yerna neqqim d unṣiḥen, Yahwa a ɣ-d-yefk tudert n dayem di ddunit tajdiṭ. Uyerna wid akk ara iɛicen deg-s, ad qedcen ɣef Yahwa yerna ulac win ara ten-ixaṣmen (Matta 24:13).

 A NNADI A NEFHEM AKTEṚ

4. Tzemreḍ aţ-ţṣebreḍ xas ma ţxaṣamen-k iɛeggalen n twacult-ik

Ɛisa yessefhem-ed belli ahat ur yeţţeɛǧab ara lḥal i twacult-nneɣ ma nextaṛ a neɛbed Yahwa. Ɣret-ed Matta 10:34-36, mbeɛd hedṛet ɣef westeqsi-yagi:

• Ma yextaṛ walbeɛḍ ad yeqdec ɣef Yahwa, d acu i zemren a t-xedmen iɛeggalen n twacult-is?

5. Kemmel ţţeɛbad Yahwa ɣas ma teţwaqehreḍ

 6. Yahwa a k-iɛiwen aţ-ţṣebreḍ

 AYEN I D-NELMED

Yahwa yeţţak lqima tameqrant i lmeǧhudat i nxeddem bac a neqqim d unṣiḥen. S lemɛawna-ines, nezmer a neṣber i leqher!

A d-nesmekti

• Ayɣer i ḥwaǧen imasiḥiyen ad ẓren belli ad ţwaqehren?

• D acu i tzemreḍ aţ-ţxedmeḍ si tura bac aţ-ţheggiḍ iman-ik i leqher?

• Ayɣer i tzemreḍ aţ-ţetḥeqqeḍ belli aţ-ţeqqimeḍ d unṣiḥ i Yahwa ɣas ma teţɛeddiḍ-d si cceddat?