59 УРОКЫР
ФыкъыщрахуэкІым дежи Иеговэ хуэпэжу фыкъэнэфынущ!
Алыхьым зэрыхуэлажьэм щхьэкІэ Хьисэ и лъэужь ирикІуэ дэтхэнэ зыми гува-щІэхами къыпэщІэувэнущ икІи гугъуехь ирагъэшэчынущ. Абы дигъэшынэн хуей?
1. Дэнэ дэ щытщІэр гугъуехь зэрыдагъэшэчынур?
Библием мыпхуэдэу щыжыІащ: «Тхьэм и фІэлІыкІ зи гум илъу, Мэссихь Хьисэ зи псэм щыщу псэуну хуей дэтхэнэми цІыхухэм гугъуехь ирагъэшэчынущ» (2 Тимофей 3:12). ШейтІаным и дунейм зэрыщымыщым къыхэкІкІэ Хьисэ кърахуэкІыу щытащ. Дэри мы дунейм дыщыщкъыми, къэрал унафэщІхэмрэ диным пыщІа организацэхэмрэ дыкъызэрырахуэкІыр дгъэщІагъуэкъым (Иуан 15:18, 19).
2. Дапхуэдэу гъэунэхуапІэхэм зэрызыхуэдгъэхьэзыр хъунур?
Дэ иджыпсту щыщІэдзауэ Иеговэ дзыхь хуэтщІу зедгъэсэн хуейщ. Алыхьым уелъэІун икІи Библием уеджэн щхьэкІэ махуэ къэс зэман хухэх. ЗэІущІэхэр бломыгъэкІ. А псом уэ къару къыуитынущ сыт хуэдэ гугъуехьми упэлъэщыну, къыппэщІэувэхэр уи унагъуэм щыщми. Гугъуехь куэд зрагъэшэча апостол Паул мыпхуэдэу жиІауэ щытащ: «Зиусхьэныр си дэІэпыкъуэгъущи, зыми сыщышынэнукъым» (Еврейхэм 13:6).
ХъыбарыфІыр щІэх-щІэхыурэ дгъэІумэ, дэ абы лІыгъэ къытхилъхьэнущ. ХъыбарыфІыр щыдгъэІум деж дэ Иеговэ дзыхь хуэтщІу икІи цІыхухэм дащымышынэу зыдогъасэ (Притчи 29:25). Дэ иджыпсту щыщІэдзауэ лІыгъэ зыхэтлъхьэу щытмэ, хъыбарыфІыр дгъэІун щыдгъэтынукъым, къэрал унафэщІхэм дызэхуащІу щытми (1 Фессалоникэ 2:2).
3. Иеговэ хуэпэжу дыкъанэмэ, сыт хуэдэ фІыгъуэ абы къыпэкІуэнур?
ДауикІ, дэ дыкъызэрырахуэкІыр дигу ирихькъым, ауэ Иеговэ хуэпэжу дыкъыщынэм деж, ди фІэщхъуныгъэр нэхъ быдэ мэхъу. АфІэкІа схуэшэчыжкъым щыжытІэм деж, Иеговэ Іэмал имыІэу къыддоІэпыкъу. Апхуэдэу Иеговэ къыщыддэІэпыкъум деж дэ абы нэхъ гъунэгъу дыхуохъу. (Къеджэ Екъуб 1:2—4.) Иеговэ и гур къытщІоуз гугъу дызэрырагъэхьыр щилъагъум деж, ауэ абы хуэпэжу дыкъызэрынэм ар егъэгуфІэ. Библием щыжыІащ: «ФІы фщІэ пэтми, гугъуехь щывагъэшэчкІэ, фигукІэ шыІэныгъэ зивгъэІэнырщ Тхьэм игу ирихьыр» (1 Петр 2:20). Дэ пэжу дыкъанэмэ, Иеговэ дунеищІэм гъащІэ дахащэ къыдитынущ. Абы щыгъуэ зыри зэран къытхуэмыхъуу Иеговэ хуиту дыхуэлэжьэфынущ (Маттэ 24:13).
НЭХЪ КУУУЭ ХЭПЛЪЭ
Гугъуехьхэм упэлъэщыну сыт къыбдэІэпыкъунуми икІи Иеговэ хуэпэжхэм сыт хуэдэ фІыгъуэхэр къалъысынуми къащІэ.
4. Уи унагъуэм щыщхэр къыппэщІэтми, уэ Иеговэ хуэпэжу укъэнэфынущ
Хьисэ жиІауэ щытащ ди унагъуэм щыщхэм Иеговэ дызэрыхуэлажьэр ягу зэрыримыхьынкІэ хъунур. Маттэ 10:34—36 итым къеджи мы упщІэм егупсыс:
-
Иеговэ хуэлэжьэну мурад зыщІам и унагъуэм щыщхэм дапхуэдэу зыкъыхуащІынкІэ хъуну?
Зы щапхъэ деплъынщ. ВИДЕОМ еплъи мы упщІэм жэуап ет:
-
Уи унагъуэм щыщ гуэрым е уи ныбжьэгъу гуэрым Иеговэ ухуэлэжьэн щыбгъэтыну ухуигъэушмэ, сыт уэ пщІэнур?
Къеджэ Псалом 27:10, Маттэ 19:29. Едзыгъуэ къэс уеджа иужь мы упщІэм жэуап ет:
-
Уи унагъуэм щыщ гуэр е уи ныбжьэгъухэм щыщ гуэр къыппэщІэувэмэ, Иеговэ дыкъызэригъэгугъэ мы псалъэхэр дапхуэдэу къызэрыбдэІэпыкъунур?
5. КъызэрыппэщІэтым емылъытауэ адэкІи Иеговэ хуэлажьэ
ЦІыхухэр къыщыппэщІэтым деж Иеговэ ухуэлэжьэн щхьэкІэ лІыгъэ ухуейщ. ВИДЕОМ еплъи мы упщІэм жэуап ет:
-
Мы видеом къыщыгъэлъэгъуа къуэш, шыпхъухэм я щапхъэм дапхуэдэу лІыгъэ къызэрыпхилъхьэр?
Къеджэ Апостолхэм 5:27—29, Еврейхэм 10:24, 25. Едзыгъуэ къэс укъеджа иужь мы упщІэм жэуап ет:
-
Къэрал унафэщІхэм хъыбарыфІыр дгъэІуну икІи дызэхуэсыну къытпаубыдми, Иеговэ адэкІи дыхуэлэжьэным мыхьэнэшхуэ щІиІэр сыт?
6. Иеговэ уи гъусэу узыпэмылъэщын гугъуехь щыІэкъым
Иеговэ и Щыхьэтхэр, сыт хуэдэ ныбжь имытми, дэнэ щымыпсэуми, къыщрахуэкІым деж Иеговэ хуэлэжьэн щагъэткъым. Сыт абыхэм къару къезытыр? ВИДЕОМ еплъи мы упщІэм жэуап ет:
-
Мы видеом къыщыгъэлъэгъуа ди къуэш, ди шыпхъухэм сыт къадэІэпыкъуар Иеговэ хуэпэжу къэнэну?
Къеджэ Рим 8:35, 37—39, Филиппи 4:13, ДЩІ. Едзыгъуэ къэс укъеджа иужь мы упщІэм жэуап ет:
-
Сыт хуэдэ гъэунэхуапІэми узэрыпэлъэщыфынур мы едзыгъуэм дауэ уи фІэщ зэрищІыр?
Маттэ 5:10—12 итым къеджи мы упщІэм егупсыс:
-
УкъызэрырахуэкІым емылъытауэ гуфІэгъуэ сыт ущІиІэфынур?
КъызэрырахуэкІым емылъытауэ Иеговэ и Щыхьэт мелуан куэдым я фІэщхъуныгъэр яхъумэжыфащ. Уэри ар пхузэфІэкІынущ!
ЗЫГУЭРЫМ ЖИІЭФЫНУЩ: «Алыхьым сызэрыхуэлажьэм щхьэкІэ сыкърахуэкІыу щІадзэмэ, сэ абы сыпэлъэщыфынукъым».
-
Апхуэдэу егупсыс цІыхум Библием ит сыт хуэдэ едзыгъуэхэм лІыгъэ къыхилъхьэфыну?
КЪЭПЩЫТЭЖ
Иеговэ икъукІэ и гуапэщ дыкъызэрырахуэкІым емылъытауэ абы дыщыхуэлажьэм деж. Абы къару къызэрыдитым и фІыгъэкІэ дызыпэмылъэщын щыІэкъым.
Мы упщІэхэр зэгъусэу зэпкърыфх:
-
КъызэрырахуэкІыр Хьисэ и лъэужь ирикІуэхэм сыт щІамыгъэщІагъуэр?
-
Иджыпсту щыщІэдзауэ гъэунэхуапІэхэм дапхуэдэу зэрызыхуэбгъэхьэзыр хъунур?
-
Сыт хуэдэ гугъуехьми узэрыпэлъэщыфынур сыт уи фІэщ зыщІыр?
НЭХЪЫБЭ КЪАЩІЭ
Нейтралитетыр зэрихъумэм щхьэкІэ тутнакъым ягъэтІыса ди зы къуэшым Иеговэ къызэрыдэІэпыкъуам теухуауэ еплъ.
Илъэс куэдкІэ кърахуэкІа зэщхьэгъуситІым Иеговэ хуэпэжу къэнэну къадэІэпыкъуар сытми къащІэ.
«ЗэхъуэкІыныгъэ куэд къызэрыхъум емылъытауэ Иеговэ дыхуолажьэ» (7:14)
УкъыщрахуэкІым деж лІыгъэ пхэлъыну сыт къыбдэІэпыкъунуми къащІэ.
«Пэжым щхьэкІэ гугъуехь фагъэшэчынухэм иджыпсту зыхуэвгъэхьэзыр» («ХъумакІуэ чэщанэ», бадзэуэгъуэ, 2019 гъэ)
Ди унагъуэм щыщ къытпэщІэувэмэ дапхуэдэу мамырыгъэр зэрытхъумэнур икІи Иеговэ дымыгъэпуду а гъэунэхуапІэм дызэрыпхрыкІынур?
«Пэжыгъэм зэгурыІуэныгъэкъым къихьыр, атІэ джатэщ» («ХъумакІуэ чэщанэ», жэпуэгъуэ, 2017 гъэ)
Иджыри уигу ирихьыфынур
НЭХЪЫБЭУ ЯТ УПЩІЭХЭР
Иеговэ и Щыхьэтхэм ирагъэкІуэкІ курсыр зищІысыр сыт?
Библием итыр къэпщІэну къыбдэІэпыкъу курс Иеговэ и Щыхьэтхэм ирагъэкІуэкІ. Абыхэм ущрагъаджэкІэ уи унэм щІэлъ Библиер къэбгъэсэбэп хъунущ икІи уи унагъуэм щыщхэмрэ уи ныбжьэгъухэм щыщ гуэррэ къебгъэблагъэ хъунущ.
