THUTO 59
U Nga Mililana ne ku Dziyidziwa
Mu chibaka cha swika, Bakirisiti bose ba nowo lingisana ne ku nyanyaidziwa, ne ku dziyidziwa. A ichecho cha ka fanila ku ti tshusa?
1. Ini ta ka lingilila kuti towo dziyidziwa?
Baibili i no chenesa kuti: “Bose banoyemula kutjila butjilo gwe kunamata muna Kirisiti Jesu banowohwisiwa zogwadza [kene dziyidziwa].” (2 Timoti 3:12) Jesu wa ka be e dziyidziwa ne kuti wa ka be a si na chiabe mu shango ya Satani. Naswibo ha ti to be ne chiabe mu shango, ngono ha ti to chenama ha ti bona ti dziyidziwa ne mibuso ye shango kene dzikereke.—Johani 15:18, 19.
2. Ti nga zwibaakanyila ku dziyidziwa chini?
Ngwenu ta ka fanila ku simisa thembo yedu mu na Jehova. Zwipe nako zhuba ne zhuba ku ntembezela ne ku bala Dama lile. Dwilila u be po ku zwidiyo zwe gubungano zose. Ichecho chowo ku pa masimba kuti u lingisane ne ku dziyidziwa u na chibindi, dumbu ne u nga be u dziyidziwa ne be nsha. Mpostolo Paulo, wa ka dziyidziwa kanjinji, wa ka kwala eti: “She mbhatshi wangu. Anditowotja.”—Bahebera 13:6.
Ku dwilila ti rera ku nga ti batsha kuti ti be ne chibindi. Ku rera ko ti batsha ku themba Jehova ne ku mililana ne ku cha bathu. (Zwiani 29:25) Ha u tangisa ku be ne chibindi che ku rera ngwenu, u nowo khona ku dwilila u rera nenguba mibuso i nga dzibila nshingo wedu.—1 Bathesalonika 2:2.
3. Ku mililana ne ku dziyidziwa kowo ti batsha chini?
Malebeswa wuti, ha ti to shathila ku dziyidziwa, ngono ha ti khona ku mililana ne ku dziyidziwa, dumilo yedu i no sima dumbu. To be bakhwinya ba Jehova ha ti bona e ti batsha mu chibaka cha ti no zwiwa ti si na masimba e ku dwilila. (Bala Jakuba 1:2-4.) Jehova u no hwa zogwadza ha e bona ti dziyila, ngono u no shathisiwa ne ku bona ti mililana ne ku dziyila. Baibili ikati: “Ha mungadzikitadzila kudziyidzigwa mishingo yakalulwama, muamutjila ku Ndzimu.” (1 Pita 2:20) Jehova u nowo pa bose ba no simidzila ne ku thembeka buchilo gu singapele mu shango isina ba no nyanyaidza namato ye malebeswa.—Matewu 24:13.
ZWIDIYE KWA KA NGINILILA
Bona kuti ini ku khoneka kakale ku shathisa ku dwilila ti thembeka mu na Jehova nenguba ti dziyidziwa.
4. U nga mililana ne ku dziyidziwa ne be nsha uwo
Jesu wa ka lakidza kuti be nsha wedu ba ngana ba ka si dumane ne ku shalula kwedu ku namata Jehova. Bala Matewu 10:34-36, mu be mu lebesana ne kwe buzo i no tobela:
-
Ini chi nga shingikala ha nngwe we nsha e shalula ku namata Jehova?
Ku bona chilakidzilo cha ichechi, zana VIDIYO, mu be mu lebesana ne kwe buzo i no tobela.
-
U nowo thamani ha nngwe we lutshinga kene nkhwinya a nga lika ku ku nyadzamoyo ku namata Jehova?
Bala Pisalema 27:10 na Mako 10:29, 30. Shule kwe ku bala ndimana ingwe ne ingwe, lebelekani ne kwe buzo i no tobela:
-
Thembeso iyeyi i nga ku batsha chini ku mililana ne ku nyanyaidziwa ne be nsha uwo kene bakhwinya?
5. Dwilila u namata Jehova nenguba u dziyidziwa
Ko sheta chibindi kuti ti dwilile ti namata Jehova ha bangwe be lika ku ti dzibila ku thama ti jalo. Zana VIDIYO, mu be mu lebesana ne kwe buzo i no tobela.
-
Zwilakidzilo zwi mu vidiyo zo ku simisa chini?
Bala Mishingo 5:27-29 ne Bahebera 10:24, 25. Shule kwe ku bala ndimana ingwe ne ingwe, lebesanani ne kwe buzo i no tobela:
-
Nenguba ku rera kene zwidiyo zwedu zwe gubungano zwi nga dzibigwa, ini ta ka fanila ku tolela pezhugwi ku dwilila ti namata Jehova?
6. Jehova u nowo ku batsha ku simidzila
Bafakazi ba Jehova ba singa lizane ne ba ka kula ne zila dza ka siyasiyana ba ka dwilila be shingila Jehova ne ku thembeka ha be dziyidziwa. Ku bona kuti ini cha ka ba batsha, zana VIDIYO. Mu be mu lebesana ne kwe buzo i no tobela.
-
Mu vidiyo, ini cha ka batsha Bafakazi ibabo ku simidzila?
Bala Baroma 8:35, 37-39 ne Bafilipi 4:13. Shule kwe ku bala ndimana ingwe ne ingwe, lebelekani ne kwe buzo i no tobela:
-
Ndimana iyeyi i no ku thembesa chini kuti u nga mililana ne ndiko ingwe ne ingwe?
Bala Matewu 5:10-12, mu be mu lebesana ne kwe buzo i no tobela:
-
Ini u nga shatha nenguba u dziyidziwa?
Dzimiliyoni dze bathu ba no namata Jehova dza ka khona ku mililana ne ku dziyidziwa. Nawebo u nga khona!
BATHU BANGWE BA KATI: “Ha ndi nga khone ku mililana ne ku dziyidziwa.”
-
I ndimana dzipi dzi nga ba batsha kuti ba be ne chibindi?
CHA WA ZWIDIYA
Jehova u no tolela pezhugwi mazwimisilo edu e ku nshingila nenguba ti dziyidziwa. U nowo ti batsha kuti ti khone ku simidzila!
U Nga Tini?
-
Ini Bakirisiti ba nga lingilila kuti ba nowo dziyidziwa?
-
Ini cha u nga thama ngwenu ku zwibaakanyila ku dziyidziwa?
-
Ini chi nga ku batsha kuti u thembe kuti u nga shingila Jehova nenguba u nga lingisana ne dzindiko?
SHAKISISA
Lingilila nzwalani nchechana e chenesa se kwa Jehova a ka mbatsha ku simidzila ha ali mu jele ne mabaka e kuti wa ka be a si nga tole litabi.
Bona kuti ini cha ka batsha ba ka lobolana kuti ba shingile Jehova ne ku thembeka makole manjinji nenguba be nyanyaidziwa.
Bona kuti ti nga mililana ne ku dziyidziwa ti na chibindi chini.
Ta ka fanila ku linga chini ku nyanyaidziwa ne be nsha wedu, ngono ti nga khona ku mililana na ko zwibuyanana chini?
“Malebeswa a no Zhisa, ‘Thumo li no Baya, Isini Mbakiso’” (Thungamakole, October 2017)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
