Kejẽn, ũn ag tỹ Cristo mré ke kar kato vãsãnsãn ke mũ. Tag mỹ ẽg mỹ kamẽg han nĩ hẽn?

1. Ẽg ne tugnĩn ki kanhró nỹtĩ, ũn ag tỹ ẽg kato vãsãnsãn ke mũ?

Topẽ Vĩ Rá vỹ tó: “Ha vé, ẽg tỹ Jesus Cristo jykre mĩ mũn kỹ ẽg kar tóg ag tỹ ẽg vóg kónãn venh ke mũ.” (2 Timóteo 3:12) Vãsỹ, ũn ag tỹ Jesus kato vãsãnsãn tĩ vã. Jesus pi ũn tỹ Topẽ ki ge tũ ag mré nĩ vã tugnĩn. Ẽg pi ag mré ke nỹtĩ gé. Tag tugnĩn, ẽg tỹ ki kanhró nĩ, governo ag, kar religião ag tỹ ẽg kato vãsãnsãn tĩ. — João 15:18, 19.

2. Ũn ag tỹ ẽg kato vãsãnsãn ke jo, ẽg ne han ke nỹtĩ?

Ẽg tỹ ũri Jeová kri fi kãfór ke nỹtĩ. Kurã kar ki, Topẽ mré vĩm nĩ kar Topẽ Vĩ Rá le kem nĩ. Vẽnhmãn ag ra tĩm nĩ. Tag vỹ ã tar han ke mũ, ũn tỹ ã kato vãsãn kỹ, ge ra ti tỹ ã família ki ke ra. Vãsỹ, ũn ag vỹ apóstolo tỹ Paulo kato vãsãnsãn mũ, ti tỹ tó ja: “Ẽg jóg mág vỹ inh ki rĩr ke mũ. Ti hã vỹ kamẽg isóg mũ.” — Hebreu 13:6.

Ẽg tỹ Topẽ vĩ to kãmén kỹ, tag vỹ ẽg ajũna ke tĩ, ẽg tỹ mũmẽg vãnh jé. Ẽg tỹ Topẽ vĩ to kãmén kỹ, tag vỹ ẽg ajũna ke tĩ, ẽg tỹ Jeová kri fi kãfór jé, kar ẽg pi ẽprã ke ag kamẽg jé. (Provérbios 29:25) Ẽg tỹ ũri mũmẽg mẽ kã, ũn ag mỹ kãmén kỹ, ẽg vỹ vẽnh kãn há han ke nỹtĩ, governo ũ tỹ ẽg tỹ Topẽ vĩ to kãmén tá krỹg he sór mũ ra. — 1 Tessalônica 2:2

3. Ũn ag tỹ ẽg kato vãsãnsãn kỹ, ge ra ẽg tỹ Topẽ tovãnh tũ nỹtĩ, tag hã ren kỹ ẽg ajũna ke tĩ?

Ẽg pi to há nĩ mũ, ũn tỹ ti kato vãsãn kỹ. Hã ra, ũn tỹ ẽg kato vãsãn kỹ, ge ra ẽg tỹ tar hã ki mũn kỹ, ẽg Topẽ kri fi mũ ti tar kãfór tĩ. Ẽg tỹ Jeová mré há kãfór ke mũ. Ẽg tỹ krój ken kỹ, ti tỹ ẽg tigtar han tĩ, tugnĩn. (Tiago 1:2-4 le kem nĩ.) Ẽg tỹ vẽsỹrénh nỹtĩn kỹ, Jeová vỹ fe krój nĩ. Hã ra, ẽg tỹ ti tugvãnh tũ nỹtĩn kỹ, ti tỹ mỹ sér tĩ. Topẽ Vĩ Rá vỹ ke tĩ: ‘ũn tỹ ãjag jykre há to ãjag mrãnmrãn kỹ Topẽ tóg ãjag mỹ vĩ há han ke mũ.’ (1 Pedro 2:20) Jeová vỹ ũn tỹ ti tovãnh tũ ag mỹ ke tĩ, ag tỹ Ga há ki, rĩr krỹg ja tũ venh ke mũ, kar ũn ag tỹ ag kato vãsãnsãn mãn ke tũ nĩ. — Mateus 24:13.

 VẼNH KANHRÃN KÃFÓR NĨ

4. Ã família tỹ ã kato vãsãn kỹ, ã tỹ tag vẽnh pãte rãg há han ke mũ

Jesus vỹ tó ja, kejẽn ũn kanhkã ti vỹ ẽg kato tẽ tĩ, ẽg tỹ Jeová mỹ rãnhrãj tũ nỹtĩ jé. Mateus 10:34-36 le kem nĩ. Kar jagnẽ mré vẽmén nĩ, tag to:

• Família kãmĩ, ũn tỹ Jeová mỹ rãnhrãj sór tĩ. Kejẽn, ne nỹ ti mỹ hãn ri ke tĩ?

5. Ũn ag tỹ ã kato vãsãnsãn tĩ, ge ra Jeová mỹ rãnhrãj hã ki tĩm nĩ

 6. Jeová vỹ ã ajũna kenh ke mũ, ã tỹ tar hã ki tĩ jé

 Ã NE KANHRÃN JA TI

Ẽg tỹ vãsãnsãn kỹ, Jeová to jykre pir nỹtĩ jé, jérĩn mỹ, ũn ag tỹ ẽg kato vãsãnsãn tĩ, Jeová tỹ tag to há nĩ. Kar ti tỹ ẽg ajũna ke tĩ, ẽg tỹ tar hã ki mũ jé.

Jykrinkrén mũ

• Ẽg ne tugnĩn ki kanhró nỹtĩ, ũn ag tỹ ẽg kato vãsãnsãn ke mũ?

• Ũn ag tỹ ã kato vãsãnsãn ke jo, ã ne han ke nĩ?

• Ã ne tugnĩn kri fi pẽ nĩ, ũn tỹ ã kato vãsãn kỹ, ge ra ã tỹ Jeová mỹ rãnhrãj hã ki tĩnh mũ?