Ku tootoot ni ku ndandand, biiyiiy teng kulwiish biin Krist ni kwiibakabish. Bwaal oobw, budy mwa kwiituciinishok eeny?

1. Bwabiny tudy batakamin neey, biiyiiy kwiitulwiish?

Bibl utootookesh bwaal oobw uleeb neey: “Baat boos bady bakat mwa kulamat Mawej mu cikong cyaakaabumw ni Yeez Krist biiyiiy kwiibakabish.” (2 Timoteh 3:12) Baakady balwiish Yeez, bwaal waakady ulek kutweelakan mu myand ya ha bulab bwa Sataan. Tut byeet, katwiin tutweelakan mu myand ya ha bulab, ki kabiin bitukemesh hadyobw biitulwiish kudy mbul-matady ya ha bulab ni bafumw ba bitendeleel bya makos.​—Jah 15:18, 19.

2. I mushind kaay utudy mwa kwiilongolol ku bulwiish?

Bikaam tukashish mushind utudy bateekel Yehow micim, kutangil teng kaabaak. Bikaam twiikal ni program a kusambil ni kulong Diiy dya Mawej diifuk dyoos. Ni twiikal ni ciibidil cya kutweel mu bisangil bya cisumbw. Ciibidil eecy, ciiyiiy kwiitukashish ni ciitwaakish mucim mukasakan bwa kutaatameen bulwiish ning bubw bwaalukil kudy biin mu cisak ciitut. Tal cyaakady mupostol Pool waakadyobw balwiish, mufund: “[Yehow] Mawej i yiy uukwaakwanjok mim; ciishoh bend ni cinaciiciin.”​—Ebreh 13:6.

Cikwaabw, tudy mwa kukashish mucim iitut, hatudy ni ciibidil cya kudiil baat musah mulengel. Kudiil baat musah mulengel, kwiitwambambulwiish bwiitut kuteekel Yehow micim ni kulek kuciin baat. (Tusumw 29:25) Uw mwiikal udiil baat musah mulengel ni mucim mukasakan teng kaabaak, wendend ni kwiilongolol bwa kutungunuk ni kudiil baat musah ning hiikal mbul-matady mwa kulekesh midimw yiitut.​—1 Biin Tesalonik 2:2.

3. I musangal kaay utwiikal mwa kuhet, tut bataatameen bulwiish?

Cya biin, katwiin bakatoh bend neey, biitulwiish, ki hatutaataatameen bulwiish, diitabij diitut, dikaakasakan. Tukaakashish bulund bwiitut ni Yehow, bwaal tudy bamanyik neey, wiiyiiy kwiitwambulwiish tut biikal bahuuyil. (Balaay Jak 1:2-4.) Hady Yehow wiitutal tukeng bimwiitiit ku micim, ki hatutaataatameen usaasangal. Bibl uleeleeb neey: “Ki binwiikal nukab bwa bilengel binudy balong, i bwaal bulengel ku mees kwa Mawej.” (1 Pyeel 2:20) Yehow wiiyiiy kufut baat biikal mwa kutaatameen ni lulamat ni wiiyiiy kwiibaakish buumy bwa mwendelel mu bulongolody mwiikal kamuciy bulwiish mu kuhambidil kwa biin-biin.​—Matewus 24:13.

 TWEEL MU BONDOK

4. Udy mwa kutaatameen bulwiish bwa biin mu cisak

Yeez wambiil neey, biin mu cisak ciitut kabaakwiitaboh bend tut mwa kwangat diihangadik dya kuhambidil Yehow. Balaay Matewus 10:34-36, ni isambilaay ha diijooj eedy:

• I biny bidy mwa kulongek hady mwiin mu cisak wangat diihangadik dya kukadil Yehow mudimw?

5. Tungunuk teng ni kukadil Yehow mudimw ning mudyok bulwiish

 6. Yehow wiiyiiy ukwambulwiish bwiibuh kutaatameen bulwiish

 CYA KUKWAAT

Mushind utwiikaakashishomw bwa kushaal balamat teng Yehow, udy ni buseeb ku mees kwindiy. Ku dyambulwiish dindiy, tudy mwa kutaatameen bulwiish!

Bwa kuvuluk

• Bwabiny biin Krist i batakamin neey, biiyiiy kwiibalwiish?

• I biny biwudy mwa kulong teng kaabaak bwa kutaatameen bulwiish?

• I biny bidy mwa kukujadikil neey, udy mwa kukadil Yehow mudimw ning babw bakulwiish?