MWE LUTLUT 59
Kom Kuh In Sruokyac Oaru Lom Ke Mwet uh Kalyei Kom
Ke pacl na fototo fahsruh, mwet Christian nuhkewa ac fah sun mwe lain, sahp mwet uh ac fah kalyei kuht. Yac kuht enenuh in sahngweng?
1. Efuh kuht etuh lah ac fah oasr mwe kalyei?
Bible uh fahk arlac kahlwem: “Elos nuhkewa suc luhngse in moulkihn moul muhtahl yurin Christ Jesus, elos ac fah kalyeiyuck.” (2 Timothy 3:12) Jesus el kalyeiyuck mweyen el tiac wi ke oakwuck lal Satan inge. Kuht tiac pac wi ke oakwuck luhn facluh, ke ma inge kuht tiac lut fin kalyeiyuck kuht sin government luhn facluh ac u luhn alu uh.—John 15:18, 19.
2. Kuht ac ahkolah fuhkah nuhke mwe kalyei?
Kuht enenuh in ahkkweye luhlahlfongi lasr nuh sin Jeova ingena. Puhruhe nuh sel ac rit Kahs lal lwen nuhkewa. Wi ke toeni luhn congregation pacl nuhkewa. Orekma inge kuh in kahsre kuht in puhlaik in tu kuh ke mwe kalyei finne ma inge ac fah orek sin mwet in sucu lasr uh. Mwet sap Paul el kalyeiyuck ke pacl pucspucs, pwacnacng el fahk: ‘Jeova El kahsreyuc; Nga fah tiacna sahngweng.’—Hebrew 13:6.
Kuht fin fahkwack pweng wo pacl nuhkewa ma inge ac kahsre kuht pac in puhlaik. Ke pacl kuht fahkwack, kuht lotwelah in fihliyac luhlahlfongi lasr nuh sin Jeova ac in kuhtanglah sahngweng lasr sin mwet. (Soakas 29:25) Ke kuht ahkkweye puhlaik lasr in fahkwack ingena, kuht kuh in ahkolah na pwacye in tahfwelah na in fahkwack finne government elos sapkihn kuht in tui ke orekma lasr inge.—1 Thessalonica 2:2.
3. Kuht kuh in eis ma wo fuhkah ke kuht muhtweng ke mwe kalyei?
Pwacye lah, kuht tiac luhngse in sun mwe kalyei. Tuhsruhktuh, kuht fin ac muhtwacnglah ke mwe kalyei, luhlahlfongi lasr ac fah ahkkweyeyuck. Kuht ac fah fototo nuh sin Jeova liki na meet ah mweyen kuht puhla lah el kahsre kuht, yohkna ke pacl ma kuht apkuhran in fuhlweack. (Riti James 1:2-4.) Jeova el arlac ahsor in liye lah kuht kweok, tuhsruhktuh el insewowo in liye lah kuht muhtweng kac. Bible uh fahk: “Kom fin muhtweng mwe kweok suc orek nuh sum ke kom oruh ma wo, God El ac fah ahkinsewowoye kom.” (1 Peter 2:20) Mwe insewowo ma Jeova el ac sang nuh sin mwet nuhkewa suc oaru in muhtweng pa moul ma pahtpaht ke sie facluh suc wacngihn mwe lain nuhke alu pwacye.—Matthew 24:13.
AHKYOHKYE LUTLUT LOM
Lotwelah lah efuh kuht kuh in sruokyac oaru lasr nuh sin Jeova finne kuht sun mwe kalyei, ac lah fuhkah el ac fah ahkinsewowoye kuht.
4. Kom kuh in muhtwacnglah ke mwe kalyei sin mwet in sucu lom
Sahp, mwet in sucu lasr elos ac tulokihnkuhti in kuhlwacnsap nuh sin Jeova. Pa inge ma Jesus el sifacna fahk. Riti Matthew 10:34-36, ac tohkohyang sramsramkihn kihsen siyuck se inge:
-
Meac kuh in sikyak fin sie mwet in sucu el sulaclah in kuhlwacnsap nuh sin Jeova?
In liye sie mwe srihkasrak kac, liye VIDEO se. Ac tohkohyang sramsramkihn kihsen siyuck se inge.
-
Meac kom ac oruh fin sie mwet ke sucu lom kuh mwet kawuck el srihke in tulokihnkowi in kuhlwacnsap nuh sin Jeova?
Riti Psalm 27:10 ac Matthew 19:29. Tukun ritiyuck kais sie ma suhmuhslah, sramsramkihn kihsen siyuck se inge:
-
Wuhlelah se inge kuh in kahsre kom fuhkah ke pacl kom sun mwe lain sin mwet in sucu kuh kawuck lom?
5. Tahfwelah na in alu nuh sin Jeova finne oasr mwe kalyei
Kuht enenuh ohiyen puhlaik tuh kuht in tahfwelah in kuhlwacnsuhpuh Jeova finne kuht sun mwe kalyei. Liye VIDEO se, ac tohkohyang sramsramkihn kihsen siyuck se inge.
-
Mwe srihkasrak ke video ahkkweye kom fuhkah?
Riti Orekma 5:27-29 ac Hebrew 10:24, 25. Tukun ritiyuck kais sie ma suhmuhslah, sramsramkihn kihsen siyuck se inge:
-
Efuh kuh yohk srihpac in tahfwelah na in alu nuh sin Jeova finne oasr masap in tiac oruh orekma lasr in fahkwack ac miting lasr uh?
6. Jeova el ac fah kahsre kom in muhtweng
Mwet Loh luhn Jeova kewana mwet mahtuh ac mwet fuhsr ke kain in acn fin facluh nohfohn, elos oaru in tahfwelah in kuhlwacnsuhpuh Jeova finne oasr mwe kalyei. Meac kahsrelos? Liye VIDEO se. Tohkohyang sramsramkihn kihsen siyuck se inge.
-
Ke video an, meac kahsruh Mwet Loh luhn Jeova in muhtweng?
Riti Rome 8:35, 37-39 ac 2 Corint 4:7. Tukun ritiyuck kais sie ma suhmuhslah, sramsramkihn kihsen siyuck se inge:
-
Fuhs inge kahsre kom fuhkah in muhtwacnglah ke kuhtwena mwe kalyei?
Riti Matthew 5:10-12, ac tohkohyang sramsramkihn kihsen siyuck se inge:
-
Efuh kom kuh in insewowo finne oasr mwe kalyei?
Million sin mwet suc alu nuh sin Jeova elos sruokyac oaru lalos finne oasr mwe kalyei. Kom kuh pac in oruh ma inge!
KUHTUH MWET UH FAHK: “Nga tiac kuh in muhtweng ke mwe kalyei.”
-
Ma suhmuhslah fuhkah kom ac orekmakihn in ahkkweyacl?
MA KUHT LOTWELAH
Jeova el ahksacohkye kwacfeacng lasr in kuhlwacnsuhpwacl finne oasr mwe kalyei. Ke kahsruh lal, kuht kuh in kuhtanglah in muhtweng!
Kalweni
-
Efuh kuh mwet Christian elos etuh lah elos ac sun mwe kalyei?
-
Meac kom kuh in oruh ingena tuh kom in ahkolah tari kom fin sun mwe kalyei?
-
Efuh kom luhlahlfongi lah kom kuh in kuhlwacnsuhpuh Jeova finne oasr mwe srihke?
LIYE PAC MA INGE
Liye lah fuhkah sie mwet lili fuhsr el muhtwacnglah ke kahsruh luhn Jeova ke pacl se el muhta ke presin ke srihpen el tiac wi ke oakwuck luhn facluh.
Liye lah meac kahsruh siacnyacn se in oaru in kuhlwacnsap nuh sin Jeova ke lusen pacl loeloes finne oasr mwe lain.
Lotwelah lah kom ac puhlaik fuhkah ke pacl kom sun mwe kalyei.
Meac nuhnak lasr ke mwe lain sin mwet in sucu lasr, ac kuht ac muhtweng ac tu kuh fuhkah?
“The Truth Brings, ‘Not Peace, But a Sword’” (The Watchtower, October 2017)
