Wakristo krʉ si hwini upinzani tso ró, ndirigoti ndrŭ si ko nzanza maddi. Fø lo ká ka ndi tá do ko na?

1. Ká addudho ringani ko churi nari kʉ ko si upinzani ba?

Biblia pori pʉlʉpʉlʉ: “Krʉ jiri ndima di Mungu ró ndima chini ro ndirigoti Yesu Kristo na ndima gba ndima tso ro ná ndrŭ maddi si nzadha ba.” (2 Timoteo 3:12) Yesu ndrŭ nzangʉe nza dhonalo ke nga ngʉe shetani dzá i dz’ dzá sehemu ri. Ko ma nga ddi kʉ dz’ dzá sehemu ri nari dho, ko nanga nzá ka ndi keni ri njati dz’ djó pikpa ma, dini nǎ ndrŭ ma di ko nzánza ró.​—Yohana 15:18, 19.

2. Ko ká ka ko tayarisha ko ngbaribbai upinzani dho?

Ringani ko li ko thí bbo Yova djo kpadjo nga djó ro. Adi saa ba ni nzinga Yova tso ndirigoti ni di kedzá lo ro zø krʉ ddo ró. Adi si njudha dhi ngana krʉ ddo ró. Fø lo krʉ ka ndi liri ni hwini ni bani na ná nzadha tso ró nga nǎ do ro, njati ri si nidhó familia nǎ ro ma ró. Mutume Paulo ndrŭ nzangʉe bí ina, ke ndingʉeri ɨ: “Yova kʉ ma tsotso kó ná ke; ma nzɨ do ro nji ri.”​—Waebrania 13:6.

Ko di lod’ra bí ina ró, føri ma ka ndi kó ko tsotso ddi ndiro nzɨ ko nji do ró. Lo ko d’ra nari adi rili ko li ko thí bbo Yova djo ndirigoti nzɨ ko nji ndrŭ do. (Mezali 29:25) Njati ni di lod’ra nga nǎ do ro kpadjo ró, føri na ni ni tayarisha lod’radha dho gosi ná saa na njati pikpa si kodhó lod’radha dhi njí gʉgʉ ma ró.​—1 Watesalonike 2:2.

3. Chi ko tøni Yova dho upinzani dhi saa na nari nǎ ro ká ko ka ko ba ngbá faida?

Bbʉbbʉ dhé, ko nanga ro nzɨ adi jini nza ndrŭ ko nzá nari dho ri, ro ko di ngatso ve ró, kodhó udha adi ngʉ kpakpa. Ko di ngbaribbai ma Yova ko tsotso kó ndiro ko ve ngatso nì mai rinjani kpakpa ko dho ná saa na ró, føri adi rili ko kana nga ngʉ chøchø ke na. (Azø Yakobo 1:2-4.) Yova thí adi njedha ba bbo nza ko nzani nari dho, ro ke nanga adi jini ji ve ko ri tso ve ná saa na. Biblia pori: “Njati ni di nzadha tso ve bblo lo ni nji nari dho ró, føri kʉ bbo Mungu nyǒ tho ná lo.” (1 Petro 2:20) Njati ko tøni chi Yova dho ró, ke si rili ko ba choro nŭnŭ di ná shinga ø dz’ djó. Fø saa na ndrŭ krʉ si njínji Yova dho ndirigoti upinzani ro ma nga ddi sie ri.​—Matayo 24:13.

 ANE LONANGA BBO

4. Ni ka ni ve familia dhó ro si ná upinzani tso ve

Yesu chungʉeri nari kʉ, kodhó familia nǎ nja ndrŭ nyǒ nzá Yova dho ko riji ko njinjí nari ka ndi tho ri. Azø Matayo 10:34-36, ndirigoti anitilo i ngadhudha djo:

• Familia nǎ nja ndrŭ ká ka ndima po addu njati kpa kana ddikpa le vʉri ndi njinjí Yova dho ró?

5. Ara anzi Yova ni má nari na ni mai upinzani kʉ ro

 6. Yova si ni tsotso koko ni ve ngatso d’e

 LO DZÁ DɄNGA

Yova nanga adi jini bbo njati ko di kpakpanga nji ko njínji ndi dho ngodhé mbudha kana ma ró. Kedhó ngatsotsokodha chulu ko ka ko ve ngatso ngbà!

Lo djolu le ngʉ nari

• Ká addudho Wakristo churi nari kʉ ndima si nzadha ba?

• Ni ká ka ni tayarisha ni ­ngbaribbai gosi ná saa na si ngaba ná nzadha dho?

• Addui ká ka ndi kó ni tso ni uri nari kʉ ni ka ni njinjí ngbà Yova dho rie nza ma ndrŭ ni nzá ri ró?